தீயணைப்பு மற்றும் மீட்பு பணியின் போது உயிரிழந்த தீயணைப்புபடையினருக்கு அஞ்சலி செலுத்தும் வகையில், ஆண்டுதோறும் ஏப்ரல் 14-ம் தேதி தீ தொண்டு நாள் கடைபிடிக்கப்படுகிறது.
தீ தொண்டு நாள்
தீ தொண்டு நாள் ஏப்ரல் 14
Saturday, April 17, 2021
மல்டி அசெட் மியூச்சுவல் ஃபண்ட் யாருக்கு ஏற்றது?
குவான்டம் மல்டி அசெட் மியூச்சுவல் ஃபண்ட் யாருக்கு ஏற்றது?
- காமாட்சி சுந்தரம், திண்டிவனம்
பதில் + நிதி சாணக்கியன்
இந்த குவான்டம் மல்டி அசெட் ஃபண்ட்
பங்குச் சந்தை, கடன் சந்தை, தங்கம் ஆகியவற்றில் கலந்து முதலீடு செய்வதாக இருக்கிறது.
இது அதிக ரிஸ்க் எடுக்க விருப்பாதவர்களுக்கு ஏற்ற ஃபண்ட். அதேநேரத்தில், இதை உங்கள் முதலீட்டுக் கலவையில் 10-15%க்குள் வைத்துக் கொள்வது நல்லது.
+ நிதி சாணக்கியன்
கேள்வி பதில்
கேள்விகளை அனுப்ப வேண்டிய இ மெயில் ஐடி
nidhimuthaleedu@gmail.com
Quantum Multi Asset Mutual Fund - One Fund that Combines 3 different Asset Classes
Quantum Multi Asset Mutual Fund - One Fund that Combines 3 different Asset Classes Investment Details Return since Launch: 10...
தைவான் எக்சலன்ஸ் ஜவுளி உற்பத்திக்கான தீர்வு இணையவழி கருத்தரங்கு..! ·
தைவான் எக்சலன்ஸ் (Taiwan Excellence) “ஜவுளி உற்பத்திக்கான தீர்வு” என்ற தலைப்பில் இணையவழி கருத்தரங்கை (Webinar) நடத்துகிறது
· இந்த நிகழ்வு ஜவுளித்துறையின் நுட்பமான தொழில்நுட்ப தகவல்களை வழங்கும்
· தைவான் ஜவுளித்துறை, முக்கிய சர்வதேச பிராண்டுகளால் மிகவும் விரும்பப்படுகிற
கூட்டாளராக உள்ளது
· இந்தியா முழுவதுமிருந்து
ஜவுளித்துறை சார்ந்தவர்கள் இந்நிகழ்வில் பங்கேற்பர்
அயல்நாட்டு வர்த்தக பணியகம் - BOFT, தைவான் (ROC){Bureau of Foreign Trade - BOFT}, தைவான் வெளிவர்த்தக மேம்பாடு கழகத்துடன் {Taiwan External Trade Development Council - TAITRA (TAITRA, தைவான் எக்சலன்ஸ்-ன் இந்த கருத்தரங்கை நடத்துகிறது
இணைந்து “ஜவுளி உற்பத்திக்கான தீர்வு” என்ற தலைப்பிலான இணையவழி கருத்தரங்கை (Webinar) 29.04.2021, வியாழக்கிழமை அன்று நடத்துகிறது.
இந்தியா முழுவதுமிருந்து ஜவுளித்துறை சார்ந்தவர்கள் பங்கேற்கும் இக்கருத்தரங்கில், இந்தியா மற்றும் தைவான் நாடுகளின் நிறுவனங்கள் இணைந்து செயல்படுவதற்கான
வழிவகைகள் குறித்து விவாதிக்கப்படும்.
இந்த இணையவழி கருத்தரங்கம் 29.04.2021, வியாழக்கிழமை அன்று இந்திய
நேரப்படி காலை 10 மணிக்கு நடைபெறும். ஜவுளித்துறையின் நுட்பமான தொழில்நுட்ப தகவல்களையும், தற்போதைய சூழலுக்கு
ஏற்ற சிறந்த நடைமுறைகளின் மூலமான வணிக உத்திகளையும் இக்கருத்தரங்கம் வழங்கும்.மேலும்
இந்த நிகழ்ச்சி https://www.youtube.com/watch?v=3zmW4OC2HoI என்ற தளத்தின் மூலம்
நேரலை செய்யப்படும்.
இன்றைய காலகட்டத்தில் தைவான் ஜவுளித்துறை, சர்வதேச அளவிலான முக்கிய பிராண்டுகளால் மிகவும்
விரும்பப்படுகிற கூட்டாளராக (Preferred Partner) உள்ளது. இக்கருத்தரங்கில் தைவான் நாட்டைச்
சேர்ந்த தொழில்துறை வல்லுனர்கள், ஜவுளித்துறையில் ஏற்ப்பட்டிருக்கும் நவீன உற்பத்தி தொழில்நுட்பங்களின்
சாதகங்களையும் அதனால் இந்திய ஜவுளித்துறையில் ஏற்படும் நேர்மறை தாக்கங்களையும் பற்றி
எடுத்துரைப்பார்கள். கட்டணம் எதுவும் இல்லாத
இந்த கருத்தரங்கில் கலந்து கொள்ள
https://rb.gy/xkdyuk என்ற தளத்தில் பதிவு செய்யலாம்.
இக்கருத்தரங்கில் பின்வருகிற துறை சார்ந்த அமர்வுகள் நடைபெறும்;
(i)சாயத்துறையின் முழுமையான தீர்வு (Dye-House Total Solution)(ii) நவீன பின்னலின்
தேவை (Need of Smart Knitting) (iii)புதிய தலைமுறைக்கான சுற்றுச்சூழலுக்கு உகந்த நவீன
கன்வேயர் டிரைவ் டையிங் மெஷின் (Intelligent Conveyer Drive Dyeing Machine) (iv) கயிறு வடிவிலான தொடர் சலவை வீச்சு
(Continuous Washing Range in Rope Form).
தைவான் நாட்டைச் சார்ந்த கீழ்க்கண்ட சிறப்பு விருந்தினர்கள் இக்கருத்தரங்கில் கலந்துகொள்வார்கள்:
(i)திரு. பிரட் லியாங்க் - லாஜிக் ஆர்ட் ஆட்டோமேசன் (Mr. Fred Liang - Logic Art Automation Co. Ltd),
(ii)திரு. மேசன் சாவோ - பயிலுங்
மெசினரி மில் (Mr. Mason Chao - Pailung Machinery Mill Co. Ltd), (iii)திரு.C.L. சாங்க்
- ACME மெசினரி இண்டஸ்ட்ரி (Mr. C.L.
Chang, ACME Machinery Industry Co. Ltd) மற்றும் (iv) திரு அல்பி லின் - ஹிசிங் செங்க் Machinery
(Mr. Alfie Lin - Hsing Cheng Machinery Ind. Co. Ltd.,)
Wednesday, April 14, 2021
பண ஆசையால் அலையும் கருமி போல..!
அக்கறை உள்ளவனுக்கு அனைத்தும் எளிதாக கிடைக்கும்.
கடவுள் மீது அசைக்க முடியாத நம்பிக்கை வந்து விட்டால் வாழ்வில் துன்பம் என்ற பேச்சுக்கே இடமில்லை.
பண ஆசையால் அலையும் கருமி போல கடவுள் மீது ஆசை கொண்டு அலைந்தால் அவனருள் கிடைக்கும்.
- ராமகிருஷ்ணர்
Tuesday, April 13, 2021
தமிழ்நாட்டில் மங்களகரமான நாள்களில் பத்திர பதிவு செய்ய அனுமதி
தமிழ்நாட்டில் மங்களகரமான நாள்களில் பத்திர பதிவு செய்ய அனுமதி அளிக்கபபட்டுள்ளது. அதன்படி, பத்திர பதிவு அலுவலங்கள் செயல்பட அனுமதிக்கப்பட்டுள்ளது.
அத்தகைய நாட்களில் மேற்கொள்ளப்படும் ஆவணங்களுக்கு கூடுதல் கட்டணம் வசூலிக்க அனுமதி வழங்கி தமிழக அரசு உத்தரவு பிறப்பித்துள்ளது.
தமிழக அரசு பிறப்பித்துள்ள உத்தரவு:
*பதிவுத் துறையின் வருவாயை பெருக்கும் நோக்கில், சித்திரை முதல் தேதி (ஏப்ரல் 14, 2021) , ஆடிப்பெருக்கு (03.08 .2021) மற்றும் தைப்பூசம் (18- 1- 2022) ஆகிய மங்களகரமான நாள்களில் பதிவு அலுவலகங்களை செயல்பாட்டில் வைக்க வேண்டும் என்ற கோரிக்கை வைக்கப்பட்டது
Government Order
மேலும், மங்களகரமான நாள்களில் பொதுமக்களால் சொத்து பரிமாற்றம் குறித்த ஆவணங்கள் பதிவுக்கு தாக்கல் செய்ய ஏதுவாக இருக்கும் என்றும், அத்தகைய தினங்களில் பதிவு அலுவலர்கள் செயல்பாட்டில் வைத்திடவும், அத்தகைய விடுமுறை நாள்களில் மேற்கொள்ளப்படும் பதிவுகளுக்கு பதிவு சான்றிதழ்க்கு கூடுதல் கட்டணம் வசூலிக்கவும் கோரிக்கை வந்தது.
இதன் அடிப்படையில், சித்திரை முதல் தேதி, ஆடிப்பெருக்கு மற்றும் தைப்பூசம் ஆகிய மங்களகரமான நாள்களில் பதிவினை மேற்கொள்ளும் மற்றும் அந்த நாள்களில் மேற்கொள்ளப்படும் ஆவண பதிவிற்கு கூடுதல் கட்டணம் வசூலிக்க அனுமதியும் வழங்கப்படுகிறது. என்று தெரிவிக்கப்பட்டுள்ளது.
Sunday, April 11, 2021
பிள்ளைகளிடம் புத்தக வாசிப்பை மேம்படுத்த 18 எளிய வழிகள்.
பிள்ளைகளிடம் புத்தக வாசிப்பை மேம்படுத்த 18 எளிய வழிகள்.
எழுத்தாளர் உதயசங்கர்
1. வீட்டில் குழந்தைகள் / பிள்ளைகள் கண்ணில் படுகிற மாதிரி புத்தகங்கள் கிடக்க வேண்டும்.
2. அம்மா / அப்பா தினம் குறைந்தது 1 மணி நேரமாவது குழந்தைகளின் முன்னால் வாசிக்க வேண்டும்.
3. குழந்தைகளிடம் உரையாடிக்கொண்டே வாசிப்பது மிக நல்லது.
4. புத்தகங்களை வாசித்துக்கொண்டே குழந்தைகளுக்குக் கதை சொல்ல வேண்டும்.
5. கதை சொல்லும்போது புத்தகத்தை அடிக்கடி பார்த்து கதை சொல்லவேண்டும்.
6. அப்படிக் கதை சொல்லிக்கொண்டிருக்கும்போது இடையில் விரித்து வைத்த புத்தகத்தை அப்படியே குழந்தையிடம் விட்டு விட்டு எழுந்து சென்று கவனிக்க வேண்டும்.
குழந்தை அந்தப் புத்தகத்தைக் கையில் எடுக்கிறதா இல்லையா என்று கவனிக்க வேண்டும்.
7. குழந்தைகள் புத்தகங்களில் கிறுக்கினாலோ கிழித்தாலோ திட்ட / மிரட்ட கூடாது.
8. குழந்தைகளை மடியில் வைத்துக்கொண்டு கதை சொல்ல வேண்டும்.
9. குழந்தைகளுக்குக் கதை சொல்லும்போது ஏனோ தானோ என்றோ தாங்கள் சின்ன வயதில் கேட்ட கதைகளையோ சொல்லாமல் நாமும் அதில் ஒன்றி குழந்தைகளின் கண்களைப் பார்த்துக்கொண்டு அபிநயம் பிடித்து சொல்ல வேண்டும்.
10. இவை எல்லாவற்றுக்கும் முதலில் குழந்தைகளுக்கான புத்தகங்களை வாங்கி முதலில் அம்மாவும் அப்பாவும் வாசித்து விடுவது நல்லது.
குழந்தைகள் முன்னால் எழுத்துக்கூட்டி வாசிக்கக்கூடாது.
11. குழந்தைகள் தமிழ் புத்தகங்களை வாசிப்பதன் மூலம் தமிழ் மொழி, தமிழினம், பாதுகாக்கப்படுகிறது என்ற உணர்வு பெற்றோர்களுக்கு வேண்டும்.
12. எனக்கு என்னுடைய அம்மா தான் வாசிப்பின் ருசியை ஊட்டிவிட்டவர்.
வீட்டில் வாங்கிய வணிகப் பத்திரிகைகள்/ முதலீட்டுப் பத்திரிக்கைளின் வழியாக வாசிப்பை மேம்படுத்திக்கொண்டேன்.
13. பள்ளியில் இருந்த நூலக வகுப்பு, நீதி போதனை வகுப்பு, அதில் கிடைத்த உண்மையான குழந்தைக் கதைகள் என்னிடம் வாசிப்பிற்கான தேடலை உருவாக்கியது.
14. என்னுடைய நண்பர்கள் புத்தகங்களை வாசிக்கிற, நூலகத்துக்கு செல்கிற நண்பர்கள். அவர்களுடனான உரையாடல் சிறுவயதிலேயே வாசிப்பதற்கும், எனக்கென்று புத்தகங்களை வாங்க வைத்தது.
15. விளையாட்டு சாமான்களை தயக்கமில்லாமல் வாங்கிக்கொடுப்பதைப் போல புத்தகங்களை வாங்கிக்கொடுக்கவும் அந்தப் புத்தகங்களை வைத்துக்கொள்ள வீட்டிலுள்ள அல்மாரியில் சிறு இடம் ஒதுக்கிக்கொடுக்கவும் வேண்டும்.
16. எக்காரணம் கொண்டும் புத்தகங்களை முன் வைத்து குழந்தைகளிடம் சிறு முகம் சுளிப்பைக்கூட காட்டக்கூடாது.
17. தினமும் குழந்தைகளுக்குக் கதை சொல்லுங்கள்.
குழந்தைகளுக்கு அப்படியொரு அருமையானவர்களாகி ஆகிவிடுவீர்கள்.
18. கதைகள் அத்தனை வலிமையானவை. மனிதமனதை மயக்கிவிடும் மாயம் கொண்டவை.
