Showing posts with label LOAN - CIBIL. Show all posts
Showing posts with label LOAN - CIBIL. Show all posts

Thursday, December 24, 2020

ஆப் மூலமாக கடன்: பாரத ரிசர்வ் வங்கி எச்சரிக்கை…!

ஆப் மூலமாக கடன்: பாரத ரிசர்வ் வங்கி எச்சரிக்கை…!

ஆப் மூலமாக கடன்: 

பாரத ரிசர்வ் வங்கி எச்சரிக்கை…!

பாரத ரிசர்வ் வங்கி (ஆர்.பி.ஐ) வெளியிட்டுள்ள அறிக்கை வருமாறு:

ஆப் மூலமாக கடன்

ஆப் மூலமாக கடன் வழங்கும் நிறுவனங்கள் குறித்து பொதுமக்கள் எச்சரிக்கையாக இருக்க வேண்டும்! 

குறுகிய காலத்தில் கடன் கிடைப்பதாக கருதி அங்கீகாரம் இல்லாத மொபைல் ஆப்கள் மூலம் கடன் பெற வேண்டாம்.

ஆப் மூலமாக சில நிறுவனங்கள் அதிக வட்டி, மறைமுக கட்டணம் என கடன் வழங்குவதில் முறைகேடு செய்வதாக தகவல் வந்துள்ளது.

கடனை வசூலிக்கவும் ஆப் நிறுவனங்கள் மோசமான நடைமுறைகளை பயன்படுத்துவதும் தெரிய வந்துள்ளது.

அதிக வட்டி, மறைமுக கட்டணம்

அதிக வட்டி, மறைமுக கட்டணத்துடன் கடன் வழங்கும் ஆப்கள் குறித்து உடனடியாக காவல்துறையில் பொதுமக்கள் புகார் அளிக்கலாம்.

கடன் வழங்க அங்கீகரிக்கப்பட்ட நிறுவனங்கள் தொடர்பான விவரங்களை ரிசர்வ் வங்கி இணையதளத்தில் பொதுமக்கள் தெரிந்து கொள்ளலாம்.

இவ்வாறு அதில் கூறப்பட்டுள்ளது.

Saturday, October 3, 2020

 கடன் தவணை சலுகை விவகாரத்தில்  வட்டிக்கு வட்டியில்லை-உச்ச நீதி மன்றத்தில் அரசு பிரமாண பத்திரம்

கடன் தவணை சலுகை விவகாரத்தில் வட்டிக்கு வட்டியில்லை-உச்ச நீதி மன்றத்தில் அரசு பிரமாண பத்திரம்

கடன் தவணை சலுகை விவகாரத்தில் ரூ.2 கோடி  வரையிலான கடனுக்கு வட்டிக்கு வட்டியில்லை-உச்சநீதிமன்றத்தில் மத்திய அரசு பிரமாண பத்திரம் தாக்கல்.


கொரோனா காலத்தில் வங்கிக் கடனுக்கு வட்டிக்கு வட்டி விதிக்கும் நடைமுறையை எதிர்த்து வழக்கு.


ரிசர்வ் வங்கி, மத்திய அரசு பதிலளிக்க உச்சநீதிமன்றம் உத்தரவிட்ட நிலையில் பிரமாண பத்திரம் தாக்கல்.

Good news for Borrowers.  6 crores people will benefit from this move. 

Sunday, March 29, 2020

 கடன் 3 மாத தவணை சலுகை : கிரெடிட் கார்ட் கடனுக்கு உண்டா? – ஆர்.பி.ஐ விளக்கம்

கடன் 3 மாத தவணை சலுகை : கிரெடிட் கார்ட் கடனுக்கு உண்டா? – ஆர்.பி.ஐ விளக்கம்

பொருளாதார மந்தநிலை, கொரோனா வைரஸ் பாதிப்பு, 21 நாட்கள் ஊரடங்கு உத்தரவு,144 தடை போன்றவற்றால் நாட்டின் வேலைவாய்ப்பின்மை அதிகரிக்கும்.


இந்த நிலையில் பாரத ரிசர்வ் வங்கி, ரெப்போ, ரிசர்வ் ரெப்போ, சி.ஆர்.ஆர் குறைத்துள்ளது.

இதனால் கடனுக்கான வட்டி விகிதம் குறையும். கூடவே டெபாசிட் வட்டி வருவாயும் குறையும்.

 வங்கி மற்றும் நிதி நிறுவனங்களில் வாங்கிய கடனுக்கான தவணை தொகை(EMI) அடுத்த மூன்று மாதங்களுக்கு தள்ளி வைக்கப்படும் என ஆர்.பி.ஐ. அறிவித்துள்ளது.

 இந்த அமல் 2020 மார்ச், ஏப்ரல் மற்றும் மே மாத தவணை தொகைக்கு என சொல்லப்பட்டுள்ளது.

 அனைத்து வணிக வங்கிகளுக்கும் (கிராமப்புற வங்கிகள், நிதி வங்கிகள், உள்ளூர்  வங்கிகள்), கூட்டுறவு வங்கிகள், அகில இந்திய நிதி நிறுவனங்கள், வங்கி அல்லாத நிதிச் சேவை நிறுவனங்கள் (வீட்டு நிதி நிறுவனங்கள் மற்றும் மைக்ரோ ஃபைனான்ஸ் உட்பட) மற்றும் கடன் வழங்கும் நிறுவனங்கள் என அனைத்திற்கும் இந்த விதிமுறை பொருந்தும்.

சொல்லப்பட்ட தவணை சலுகை அனைத்து வங்கிகளிலும் உள்ள வாடிக்கையாளர்களுக்கு அளிக்க பாரத ரிசர்வ் வங்கியின் சார்பில் அனுமதி அளிக்கப்பட்டுள்ளது. இதனை அந்தந்த வங்கிகள் தான் வாடிக்கையாளர்களுக்கு அதன் பலனை அளிக்க வேண்டும். தவணை காலம் மார்ச் 1 முதல் மே 31ம் தேதி வரை உள்ள காலமாக எடுத்து கொள்ளப்பட்டுள்ளது.

தாமதமாக துவங்கும் தவணையால் வாடிக்கையாளர்களின் சிபில் ஸ்கோர் (CIBIL Score) எந்த மாற்றமும் இருக்காது, இது வாராக் கடனாக மாறாது என ரிசர்வ் வங்கி தெரிவித்துள்ளது.

ரிசர்வ் வங்கியின்  கீழ் பதிவு செய்யப்பட்டிருக்கும் அனைத்து வங்கிகள், நிதி நிறுவனங்கள், வீட்டு வசதி நிறுவனங்களும் மூன்று மாத தவணை சலுகையை வாடிக்கையாளர்களுக்கு அளிக்கும் படி, ரிசர்வ் வங்கி கேட்டு கொண்டுள்ளது.

இது ஓர் அனுமதி கடிதம் தான் தவிர, வங்கிகள் தான் இதனை நடைமுறையில் கொண்டு வர வேண்டும்.

 பொதுவாக ரிசர்வ் வங்கி வட்டி விகித குறைப்பை அறிவித்தால், சில வங்கிகள் மட்டுமே அந்தப் பலனை வாடிக்கையாளர்களுக்கு அளிக்கும். இதுவும் அது போன்று நடக்க வாய்ப்புள்ளது.

 வங்கி வாடிக்கையாளர்களும் தொலைபேசியில் தொடர்பு கொண்டு, வங்கிகளிடம் செயல்முறையை கேட்டு தெரிந்து கொள்ள வேண்டும்.

In ENGLISH

வங்கிக்கு செலுத்த வேண்டிய தவணை தொகைக்கான காலம் தான் தள்ளி வைக்கப்பட்டுள்ளதே தவிர, தவணை தொகை கழித்து கொள்ளப்படவில்லை. எனவே இது ஒரு கடன் தள்ளுபடி இல்லை.. தவணைத்தொகை எனும் போது, அசலுடன் வட்டியும் சேர்த்து தான்.

வீட்டுக் கடன், கல்விக் கடன், தனிநபர் கடன், விவசாய கடன், வாகன கடன், வீட்டு  உபயோகப் பொருட்கள் கடன், இதர கடன்களுக்கு சொல்லப்பட்ட மூன்று மாத தவணை தொகை சலுகை பொருந்தும்.

 கிரெடிட் கார்டுகள் என்பது ஒரு சுழலக்கூடிய கடன் (Revolving Credit) என சொல்லப்படுகிறது. இருப்பினும், ரிசர்வ் வங்கியின் வழிகாட்டுதல் படி கிரெடிட் கார்டுக்கான நிலுவை தொகைக்கு இந்தச் சலுகை பொருந்தும் என அறிவிக்கப்பட்டிருக்கிறது.

 இதனை வங்கியில் உறுதிப்படுத்தி கொள்வது அவசியம். தாமதமாக செலுத்தப்படும் தவணைத்தொகையால் வாடிக்கையாளர்களின் சிபில் மதிப்பில் எந்த மாற்றமும் இருக்காது. இதன் காரணமாக வருங்காலங்களில் புதிய கடன் பெறுவதில் எந்த சிக்கலும் இருக்காது என பாரத ரிசர்வ் வங்கி கூறியுள்ளது. தவணை தொகைக்கான காலம் மார்ச் 1, 2020 முதல் என ரிசர்வ்வங்கி கூறியுள்ளது.

In ENGLISH

பெரும்பாலானோர் 2020 மார்ச் மாத தவணை தொகையை கட்டியிருக்கலாம்.

இது சம்பந்தமான சந்தேகங்களை உங்கள் வங்கி மேலாளரிடம் அல்லது அலுவலரிடம் கேட்டு தெரிந்து கொள்வது அவசியம். உங்கள் வங்கி கிளையை தொடர்பு கொண்டு, முறையான தகவலை பெற்று, அதன் பின் தவணையை செலுத்தாமல் இருக்கலாம்.

 உங்களால் கடன் தவணையை செலுத்த முடியும் என்றால் தாராளமாக கட்டலாம். எது எப்படி இருந்தாலும் இந்தக் கடனை வட்டியுடன் நீங்கள்தான் கட்டப் போகிறீர்கள். வீட்டுக் கடன் போன்ற கடன்களுக்கு வரிச் சலுகை இருக்கிறது என்பதால், வரிச் சலுகை பெற நிதி ஆண்டு இறுதியில் உங்களால் மொத்தமாக கட்டுவதில் சிக்கல் வர வாய்ப்பு உள்ளது.

 வணிக நிறுவனங்களால் வாங்கப்பட்ட அனைத்து மூலதன கடன்களுக்கும் வட்டி தொகையை செலுத்துவதற்கு காலத்தை ஆர்.பி.ஐ. நீட்டித்துள்ளது. 

இவற்றை செலுத்துவதற்கான காலம் (2020 மார்ச் 1 முதல்) மூன்று மாதம் தள்ளிவைக்கப்பட்டிருக்கும் நிலையில், அதன் பின்பு வட்டி சேர்க்கப்பட்டு செலுத்த வேண்டும்.

In ENGLISH

Tuesday, February 11, 2020

கிரெடிட் ஸ்கோர் : கட்டுக்கதைகளும் உண்மைகளும்

கிரெடிட் ஸ்கோர் : கட்டுக்கதைகளும் உண்மைகளும்


நல்ல கடன் மதிப்பெண்ணைப் பராமரிப்பதன் மூலம்  குறைந்த வட்டியில் கடன் வாங்கலாம்

முரண்பட்ட தகவல்கள் மற்றும் நல்ல நோக்கத்துடன் கூடிய ஆலோசனைகள் கூட தவறாக மாறக்கூடும். எனவே  கடன் மதிப்பெண்கள் (Credit Score - கிரெடிட் ஸ்கோர்) தொடர்பான பல இட்டுக்கதைகள் (Myths) இருப்பதில் ஆச்சரியம் எதும் இல்லை. இந்த இட்டுக்கதைளில் இரண்டு பகுதிகள் உள்ளன. அவை, கடன் மதிப்பெண் (Credit score) மற்றும் கடன் அறிக்கை (Credit report) ஆகும்.

கடன் மதிப்பெண் என்பது ஒரு நபரின் கடன் அறிக்கையிலிருந்து பெறப்பட்ட தகவல்களின் அடிப்படையிலான மூன்று இலக்க எண் ஆகும். கடன் மதிப்பெண் என்பது உங்கள் கடன் தகுதியை உறுதிப்படுத்தும் ஓர் எண்.  இந்த மூன்று இலக்க எண்,  வங்கிகளையும் பிற வங்கி சாரா நிதிச் சேவை நிறுவனங்களையும் கடனை திருப்பிச் செலுத்துவதற்கு  உங்களுக்கு எவ்வளவு சாத்தியம் என்பதை மதிப்பீடு செய்ய உதவுகிறது

கடன் மதிப்பெண்கள் பொதுவாக 300 முதல் 850 வரை இருக்கும். இந்தக் கடன் மதிப்பெண் உங்கள் கடன் அறிக்கையின் அடிப்படையில் அமைகிறது. இது வங்கிகள் மற்றும் பிற வங்கி சாரா நிதிச் சேவை நிறுவனங்களுக்கு இடர்ப்பாட்டை (risk) முன்னரே அறிவிக்கிறது.

ஆகவே, நாம் அடிக்கடி பாதிப்புக்கு உள்ளாகும் பொதுவான கட்டுக்கதைகளைப் பார்ப்போம்:

கட்டுக்கதை 1 - எந்தவொரு நுண்கடன் நிறுவனங்களிலிருந்தும் (எம்.எஃப்.ஐ) எந்தவொரு தொகையும் / எத்தனை தடவை வேண்டுமானாலும் கடன் வாங்கலாம்.

உண்மை: ரிசர்வ் வங்கியின் விதிமுறைகளின்படி,
1.    ஒரு எம்.எஃப். கடன் வாங்குபவருக்கு வழங்கக்கூடிய அதிகபட்ச கடன் தொகை ரூ.1.25 லட்சமாக வரையறுக்கப்பட்டுள்ளது
2.    ஒரேநேரத்தில்  அதிகபட்சம்  இரண்டு எம்.எஃப். கடன்களை  ஒருவர் பெறலாம்
எனவே, மேற்கூறிய ஏதேனும் ஒரு சூழ்நிலை ஏற்பட்டால், கடன் கிடைக்காது.

கட்டுக்கதை 2 - எம்.எஃப்.ஐ-ல் கடன் வாங்குபவர்களுக்கும் கடன் மதிப்பெண்களுக்கும் எந்தத் தொடர்பும் இல்லை:

உண்மை: எம்.எஃப். துறையின்  தொடர்ச்சியான மாற்றம் மற்றும் ரிசர்வ் வங்கியின் விதிமுறைகளுடன், கடன் தகவல் நிறுவனங்கள் (Credit bureaus) எம்.எஃப்.ஐ-ல் கடன் வாங்கியவர்களுக்கு கடன் மதிப்பெண்களை உருவாக்குகின்றன. அவை கடன் கணக்குகளின் எண்ணிக்கை, பாக்கியிருக்கும் கடன் தொகை, கடன் வாங்குபவர் அதனை திரும்ப செலுத்த வரலாறு போன்றவற்றின் அடிப்படையில் உருவாக்கப்படுகிறது.
கடனுக்கு வழங்கும்போது, விண்ணப்பம் மற்றும் கடன் ஒப்புதலை மதிப்பீடு செய்வதற்கு எம்.எஃப்..க்களுக்கான அளவீடுகளின்  ஒன்றாக கடன் மதிப்பெண் இருக்கிறது.

கட்டுக்கதை 3 எம்.எஃப்.ஐகள் அபராதம் வசூலிப்பதில்லை. எனவே, நான் ஒழுங்கற்ற முறையில் பணம் செலுத்தலாம் அல்லது எனது  மாதத் தவணையை தாமதப்படுத்தலாம்

உண்மை:   அனைத்து கடன் தகவல் நிறுவனங்களும் (ஈக்விஃபாக்ஸ், சிபில், ஹை மார்க் மற்றும் எக்ஸ்பீரியன்) உங்கள் தாமதமான தவணைகள் போன்ற தகவல்களை பதிவு செய்து பராமரிக்கின்றன. இது கடன் வரலாறு மற்றும் கடன் மதிப்பெண்ணை பாதிக்கும். இதன் அடிப்படையில், பல நிதி நிறுவனங்கள் கடன்  வழங்குவதை நிராகரிக்கக்கூடும்

கட்டுக்கதை 4 - கடனை திரும்பச் செலுத்தும் முறை அல்லது தவணை தவறுதல் போன்றவை கடன் வரலாற்றை பாதிக்க நேரம் எடுக்கும்

உண்மை: கடன் தகவல் நிறுவனங்களுக்கு  கடன் அறிக்கையை அனுப்பும் சமீபத்திய வழிகாட்டுதல்களின்படி, வாடிக்கையாளர் கடன் விவரங்கள் தினமும்  தெரிவிக்கப்படுகின்றன. எனவே, ஒரு தவணை தவறுதல் / கடனை கட்டுவதில் தாமதம் ஏற்பட்டால் கூட கடன் மதிப்பெண் மற்றும் கடன் வரலாறு பாதிக்கப்படும். இருந்தபோதிலும், அத்தகைய தாமதத்திற்கு கடன் வாங்கியவரிடம் நியாயமான காரணங்கள் இருந்தால், அவர் விரைவாக கடனை கட்டுவது மூலம் சரிசெய்யப்படலாம்


கட்டுக்கதை 5 - எனது கடன் மதிப்பெண்ணை சரி செய்ய கமிஷன் முகவர்கள் (Commission agents)  எனக்கு உதவக்கூடும்.

உண்மை: ஒரு நல்ல கடன் மதிப்பெண் மற்றும் கடன் வரலாற்றின் பொறுப்பு உங்களிடம் மட்டுமே உள்ளது. நீங்கள் கடனை திரும்பச் செலுத்துவதில் தவறிழைத்திருந்தால் ஒரு நல்ல கடன் மதிப்பை பெற எந்த கமிஷன் முகவரும் உங்களுக்கு உதவ முடியாது. இருந்தபோதும், உங்கள் கடன்களை அடைப்பதற்கு நீங்கள் உண்மையான முயற்சிகளை மேற்கொண்டால் மோசமான கடன் மதிப்பெண் எப்போதும் இருக்காது

கட்டுக்கதை 6 எனது வருமானம், வங்கி கணக்குகள் மற்றும் முதலீடுகள் எனது கடன் மதிப்பெண்ணை பாதிக்கின்றன

உண்மை: உங்கள் வருமானம், வங்கி கணக்குகள் அல்லது முதலீடுகள் பற்றிய எந்த தகவலும் கடன் தகவல் நிறுவனங்களுக்கு தெரிவிக்கப்படுவதில்லை. எனவே அவை உங்கள் கடன் அறிக்கையில் காண்பிக்கப்படாது. மேலும், அவை உங்கள் கடன் மதிப்பெண்ணை பாதிக்காது.

 (இருப்பினும், செலுத்தப்படாத வங்கிக் கட்டணம் போன்றவைகள் காண்பிக்கப்படும்.)

 Credit Score Myths Debunked by Satin(South