சுந்தரம் ஹோம் ஃபைனான்ஸ் Q2 நிகர லாபம் 20% அதிகரித்து ரூ. 90 கோடி..!
சுந்தரம் ஹோம் ஃபைனான்ஸ் செப்டம்பர் 30, 2026-ல் முடிவடைந்த இரண்டாம்
காலாண்டில், தனது நிகர லாபத்தில் 20% வளர்ச்சியைப் பதிவு செய்துள்ளது. இதன்படி,
நிகர லாபம் ரூ. 90 கோடியாக உள்ளது; இது முந்தைய ஆண்டின் இதே காலாண்டில் ரூ. 75
கோடியாக இருந்தது. செப்டம்பர் 30, 2026-ல் முடிவடைந்த இரண்டாம் காலாண்டில்,
ஒட்டுமொத்த கடன் வழங்கல் 31% அதிகரித்து, ரூ. 2,199 கோடியாக உயர்ந்துள்ளது.
முந்தைய ஆண்டின் இதே காலாண்டில் இது ரூ. 1,681 கோடியாக இருந்தது.
செப்டம்பர் 30, 2026 நிலவரப்படி, நிர்வகிக்கும் சொத்து மதிப்பு 14% அதிகரித்து, ரூ.21,213 கோடியாக
உள்ளது. இது முந்தைய ஆண்டு செப்டம்பர் 30 நிலவரப்படி ரூ. 18,572 கோடியாக இருந்தது.
மலிவு விலை வீட்டு வசதிக் கடன்கள் மற்றும் சிறிய அளவிலான கடன்களை
உள்ளடக்கிய 'வளர்ந்து வரும் வணிகப் பிரிவில்' கடன் வழங்கல் 63% அதிகரித்து,
செப்டம்பர் 30, 2026-ல் முடிவடைந்த இரண்டாம் காலாண்டில் ரூ. 238 கோடியாக உள்ளது.
முந்தைய ஆண்டின் இதே காலகட்டத்தில் இது ரூ. 146 கோடியாக இருந்தது.
செப்டம்பர் 30, 2026-ல் முடிவடைந்த நடப்பு நிதியாண்டின் முதல் பாதியில்,
நிகர லாபம் 29% அதிகரித்து, ரூ. 175 கோடியாகப் பதிவாகியுள்ளது. முந்தைய ஆண்டின்
இதே காலகட்டத்தில் இது ரூ. 136 கோடியாக இருந்தது. அதேபோல், செப்டம்பர் 30, 2026-ல்
முடிவடைந்த முதல் பாதியில், ஒட்டுமொத்த கடன் வழங்கல் 22% அதிகரித்து, ரூ. 3,864
கோடியாக உயர்ந்துள்ளது. முந்தைய ஆண்டின் இதே காலகட்டத்தில் இது ரூ. 3,170 கோடியாக
இருந்தது.
சுந்தரம் ஹோம் ஃபைனான்ஸ் நிர்வாக இயக்குநர் டி. லட்சுமிநாராயணன்
செயல்பாடு குறித்து கருத்து தெரிவித்த சுந்தரம் ஹோம் ஃபைனான்ஸ் நிர்வாக இயக்குநர் டி. லட்சுமிநாராயணன் கூறுகையில், “இந்த ஆண்டின் முதல்
பாதியில், தென்னிந்திய சந்தையில் உள்ள சிறிய நகரங்களுக்கு எங்கள் கிளை வலையமைப்பை
விரிவுபடுத்தியுள்ளோம். கடந்த 12 மாதங்களில் சுமார் 50 புதிய கிளைகளைச்
சேர்த்துள்ளோம். இதன் விளைவாக, முதல் பாதியில் எங்களது ‘எமர்ஜிங் பிசினஸ்’
பிரிவின் கடன் விநியோகம் கிட்டத்தட்ட இருமடங்காகி, ரூ. 418 கோடியை எட்டியுள்ளது”
என்று தெரிவித்தார்.
ஆண்டின் இரண்டாம் பாதிக்கான எதிர்பார்ப்புகள் குறித்துப் பேசிய
லட்சுமிநாராயணன், “நடுத்தரப் பிரிவில் வீடுகளுக்கான தேவை தொடர்ந்து வலுவாக உள்ளது;
குறிப்பாகச் சிறிய நகரங்களே இந்த வளர்ச்சியை முன்னெடுத்துச் செல்கின்றன.
120-க்கும் மேற்பட்ட ‘எமர்ஜிங் பிசினஸ்’ கிளைகளை நிறுவியுள்ளதன் மூலம், இந்த
வலையமைப்பைப் பயன்படுத்தி, ஆண்டின் எஞ்சிய காலத்திலும் வளர்ச்சி வேகத்தைத்
தக்கவைத்துக் கொள்ள நாங்கள் தயாராக உள்ளோம். இரண்டாம் பாதியிலும் தென்னிந்தியாவின்
மூன்றாம் மற்றும் நான்காம் நிலை நகரங்களில் உள்கட்டமைப்பு வசதிகளை மேம்படுத்த
முதலீடுகளைத் தொடர்ந்து மேற்கொள்வோம்” என்று கூறினார்.
சுந்தரம் ஹோம் ஃபைனான்ஸ் வீட்டுக்கடன், நிலம் வாங்குவதற்கான கடன், வீட்டை
மேம்படுத்துதல் மற்றும் விரிவாக்கம் செய்வதற்கான கடன்கள், மலிவு விலை வீட்டு
வசதிக் கடன்கள், சொத்தின் மீதான கடன்கள் மற்றும் தொழில்முனைவோருக்கான சிறு அளவிலான
கடன்களை வழங்குகிறது.
@@@
