Showing posts with label WOMEN. Show all posts
Showing posts with label WOMEN. Show all posts

Thursday, August 9, 2018

இந்தியப் பெண் தொழில்முனைவோர்கள். வியாபாரம் செய்யும் போது, அவர்கள் வியாபாரத்தை அர்த்தப்படுத்துகிறார்கள்..!

இந்தியப் பெண் தொழில்முனைவோர்கள். வியாபாரம் செய்யும் போது, அவர்கள் வியாபாரத்தை அர்த்தப்படுத்துகிறார்கள்..!


. இந்தியப் பெண் தொழில்முனைவோர்கள். வியாபாரம் செய்யும் போது, அவர்கள் வியாபாரத்தை அர்த்தப்படுத்தி இருக்கிறார்கள்
பெண் தொழில்முனைவோர்கள்திட்டம் 25x25
யாருடைய நேரம் வந்துவிட்டது என ஒரு யோசனை

இன்றைய பெண்கள், தடைகளை உடைத்து வணிகம் மற்றும் தொழில்துறைகளில் புதிய எல்லைகளைத் தாண்டி, வணிக மையங்களை மாற்றுவதோடு, புதிய நிறுவனங்களை (start –ups) உருவாக்கி , இந்தியாவின் வர்த்தகம் மற்றும் தொழில்நுட்பத் துறையில் புதிய யோசனைகளைக் கொண்டு வருகின்றனர். பொறியியல், தொழில்நுட்பம், வடிவமைப்பு, கைவினைப் பொருட்கள், நெசவு, காலணி தயாரித்தல் (shoe making), விவசாயம், இயற்கை வேளாண்மை (organic farming), பிற கலாச்சார மற்றும்  படைப்புத் தொழில்கள் (creative industries) ஆகியவற்றில், இந்தப் புதுமையானகண்டுபிடிப்புகள் தீவிரமாக மறுவடிவமைக்கின்றன. திருமணத்தின் மூலம் தன் வீட்டை விட்டு வெளியேறிய பெண்கள், மற்றொரு வீட்டின் கட்டுப்பாட்டை எடுத்துக்கொண்ட பெண்கள், கூட்டு குடும்பத்தில் வாழும் பெண்கள் ஆகியோர் மாநிலங்கள் மற்றும் கலாச்சாரங்களை தாண்டி  உள்ளுணர்வுடன் தொழில்முனைவோராக இணைந்திருக்கிறார்கள்.
டாவோஸ் நகரில் சமீபத்தில் நடந்த  உலகப் பொருளாதார மன்ற கூட்டத்தில் (World Economic Forum), புதிய தலைமுறை பெண் தொழில்முனைவோர்களை தொழிலாளர் சக்தியில் சம எண்ணிக்கையில் பங்கேற்க அழைப்பு விடுக்கப்பட்டுள்ளது. பெண்கள் இப்படி சம எண்ணிக்கையில் பணிபுரிய வரும் போது, வளரும் நாடுகள் மற்றும் வளர்ந்து வரும் நாடுகளின் மொத்த உள்நாட்டு உற்பத்தி (Gross Domestic Product) அதிகரிக்கும். அந்த நிலையில் இந்தியாவின் மொத்த உள்நாட்டு உற்பத்தி 27% அதிகரிக்க கூடும். இந்தியப் பெண் தொழில்முனைவோர்கள். வியாபாரம் செய்யும் போது, அவர்கள் வியாபாரத்தை அர்த்தப்படுத்தி இருக்கிறார்கள் (when women do business, they mean business)
தொழில்முறை தொழில்முனைவோராக, பெண்கள் உண்மையிலேயே தங்கள் கனவுகளில் வாழ்கின்றனர். பல முற்போக்கான முயற்சிகளால், நாட்டில் புதுமை மற்றும் தொழில்முனைவோர் கலாச்சாரத்தை ஊக்குவிக்க அரசாங்கத்தால்  எடுக்கப்படும் நடவடிக்கைகள் மூலம் உத்வேகமான தொழில்முனைவோர்களை இந்தியா உருவாக்கியுள்ளது. இன்று, 20,000 க்கும் அதிகமான புதிய நிறுவனங்களுடன் (startups), உலக அளவில் இந்தியா இரண்டாவது இடத்தில் இருக்கிறது. இது ஆண்டுக்கு 10-12% வளர்ச்சி அடையும் என எதிர்பார்க்கப்படுகிறது. இது சுலபமாக வணிகம் செய்யும் தரப்பட்டியலில் (Ease of Doing Business ranking), இந்தியா 50 இடங்களுக்கு முன்னேற உதவி இருக்கிறது. மற்றும் இது பெண்கள் இந்தியாவில் தலைமை தாங்கி தொழில்துறையை முன்னேற்றுவார்கள் என்பதற்கு மற்றொரு காரணமாக இருக்கிறது.
நாட்டின் மக்கள் தொகையில் 48%-க்கும் மேற்பட்ட பெண்கள் உள்ளடங்கியுள்ள நிலையில், பெண்கள் இல்லாமல் இந்தியாவின் பொருளாதார வளர்ச்சியைப் பற்றி சிந்திக்க இயலாது. பெண்களை தொழில் துறையில் இணைக்கும்பட்சத்தில் வரும் 2025 ஆம் ஆண்டுக்குள், இந்தியாவின் மொத்த உள்நாட்டு உற்பத்தி 16% கூடுதல் வளர்ச்சி பெறும். எட்டாவது, உலக தொழில்முனைவோர் உச்சி மாநாட்டின் (Global Entrepreneurship Summit)  முக்கியக் கருத்து, 'பெண்கள் முதலில், அனைவருக்கும் செழிப்பு' (‘Women first, Prosperity for all’) என்பதாக உள்ளது. இது, பெண்கள் சிறப்பாக செயல்பட்டால், நாடுகளும் சிறப்பாக செயல்படும் என்பதை உயர்த்தி காட்டுகிறது. ஆமாம், எங்களுக்கு ஒரு திட்டம் உள்ளது. ஆமாம், நாங்கள் உந்துதல் மற்றும் சமமான சமூக-பொருளாதார வளர்ச்சியை (socio-economic growth) அடைய முயற்சிக்கிறோம் மற்றும் அதற்காக, நாட்டில் 25% பெண் தொழில்முனைவோர்கள் 2025 ஆம் ஆண்டுக்குள் உருவாவதை உறுதி செய்ய வேண்டும்.
தேசிய மாதிரி ஆய்வு அமைப்பின் (National Sample Survey Organisation -NSSO) ஆறாவது பொருளாதார மக்கள் தொகை (Sixth Economic Census) கணக்கெடுப்பின்படி, இந்தியாவில் 14% வணிகம் மட்டுமே பெண்களால் நடத்தப்படுகின்றன. பெண்கள் தலைமையிலான புதிய நிறுவனங்கள் (startups)  குறைவான எண்ணிக்கையில் நிதி திரட்டுகின்றன. அவற்றில், 90 சதவிகிதத்திற்கும் மேற்பட்ட பெண் தொழில்முனைவோர்கள், வங்கிகள், நிதி நிறுவனங்கள் தவிர்த்த இதர முறைசாரா வழிகள் (informal channels) மூலமே நிதி திரட்டுகிறர்கள் என மதிப்பிடப்பட்டுள்ளது. ஏனென்றால், அவர்களால் தங்கள் நிறுவனங்களுக்கான நிதி ஆதாரங்களை வழக்கமான முறையில், பிணையம் இல்லாமல் மற்றும் வெளிப்படை தன்மையுடன் திரட்ட முடியவில்லை. இது, மகளிர் தொழில்முனைவோர் மாஸ்டர் கார்ட் இண்டெக்ஸ் (Master card Index of Women Entrepreneurs 2018 -MIWE)) மேலும் சரிபார்க்கப்பட்டது. இது, இந்திய பெண் தொழில்முனைவோர்கள், தங்களின்  நிதித் தேவைகளை அடைய முக்கிய தடைகள் இருப்பவை பற்றி கண்டறிந்துள்ளது. எனவே, பாலின வேறுபாட்டை களைதல் மற்றும் தொழிலாளர் வளர்ச்சியை மேம்படுத்துவது ஓர் அவசர  அவசியம் தேவையாக இருக்கிறது. இது, முற்போக்கான கொள்கைகளால் பெண்கள், தொழில்முனைவோர் ஆசைகளை  தொடர உதவுவதாக இருக்க வேண்டும்.
உலக அளவில் சுமார் 25 கோடி (250 மில்லியன்) பெண் தொழில்முனைவோர்கள் இருப்பதாக மதிப்பிடப்பட்டுள்ளது. இது, சமூக-பொருளாதார வளர்ச்சியை புதிய நிறுவனங்களின் சுற்றுச்சூழல் (startup ecosystem) வளர்ச்சி இயக்கியாக உருவாக்கி இருக்கிறது. 2025 ஆம் ஆண்டுக்குள், முழுமையாக பெண்கள் தொழில்துறையில் ஈடுபடுவது, உலகளாவிய மொத்த உள்நாட்டு உற்பத்தியில் (Global GDP) 28 டிரில்லியன் அமெரிக்க டாலர்களை (US$ 28 trillion) சேர்க்கும் என்று கணிக்கப்பட்டுள்ளது. இந்தியாவில் புதிய நிறுவனங்கள் (startup), 80 லட்சத்துக்கும் (8 மில்லியன்) அதிகமான பெண் தொழில்முனைவோர்களுடன் இந்தியாவின் வளர்ச்சியை மேம்படுத்துவதாக உள்ளது.
பல பெண்களுக்கு, தொழில்முனைவோராவது மற்றும் தொழில் நிறுவனத்தை நிறுவுவது அவசியமாக இருக்கிறது. மற்றவர்களுக்கு, தனிப்பட்ட செல்வத்தைத் உருவாக்குவது, அவர்களின் ஆசைகளை பூர்த்தி செய்வதாக உள்ளது. நாட்டைப் பொறுத்தவரையில், அதன் பெண்களுக்கு கண்ணியமான வாழ்க்கை மற்றும்  மரியாதையை திரும்ப வழங்குவதற்கான ஒரு வாய்ப்பாக தொழில்முனைவு உள்ளது. இது மட்டுமே அவர்களுக்கு, முழுமையான நிதி சுதந்திரம் (complete financial independence) மற்றும் தன்னம்பிக்கை அளிக்கும். அதுதான் உண்மையான உள்ளாட்சி  (Swaraj).
கடந்த சில ஆண்டுகளில், இந்தியாவில் பெண்கள் தொழில்முனைவுகள் சாதனை வளர்ச்சியை கண்டிருக்கிறது. மத்திய அரசாங்கத்தின் முற்போக்கான கொள்கை முயற்சிகளான, ஸ்டாண்ட்-அப் இந்தியா (Stand-Up India), முத்ரா (MUDRA), மற்றும் நிதி ஆயோக்கின் ((NITI Aayog)) சமீபத்திய மகளிர் தொழில் முனைவோர் தளம் (Women Entrepreneurship Platform- WEP), ஆகியவை அடுத்த தலைமுறை பெண் தொழில்முனைவோர்கள் வளர்ச்சிக்கு தேவையான நடவடிக்கைகளை இந்தியாவின் வளர்ச்சிக்கு உதவும் விதமாக சரியான திசையில் எடுத்து வருகிறது.
கிராமப்புற பெண் தொழில்முனைவோர்களின் திறமையை வளர்க்கும் விதமாக ஸ்டார்ட்அப் இந்தியா யாத்ரா (Startup India Yatra) மூலம் 4 மாதங்களில் 12 கிராமங்களில் எடுக்கப்பட்ட முன் முயற்சிகள் மிகவும் ஊக்கமளிக்கின்றன. பெண்கள் தலைமையிலான பல தலைமை மற்றும் வழிகாட்டல் திட்டங்கள் குறிப்பாக, எம்பவர் (empower), சஹா நிதி (SAHA Fund) மற்றும் சொன்டர் கனெக்ட் (Sonder Connect) ஆகியவை மூலம் தொழில்துறையில் பெண்களை சேர்ப்பதற்கு பெருநிறுவனங்களும் தொழில்நுட்ப நிறுவனங்களும் தீவிரமாக இந்தியாவில் ஊக்கமளித்து வருகின்றன.
தேவையான உள்கட்டமைப்பை நிறுவுவதில் நாம் மிகவும் கவனம் செலுத்த வேண்டும். குறிப்பாக, மகளிரை மையப்படுத்தப்படுத்திய தொழில் முனைவோர் உருவாக்க மையங்கள் ஏற்படுத்த வேண்டும்,  வழிகாட்டல் நடைமுறைகளை உருவாக்க வேண்டும். மேலும்,  முதலீட்டு வாய்ப்புகளை அதிகரிக்க வேண்டும். கல்வித் திட்டங்களை மறுசீரமைத்தல் மற்றும் திறனாய்வு முயற்சிகள் ஆகியவை மூலம் அவற்றை இன்றைய சூழ்நிலைக்கு ஏற்றதாக மாற்ற வேண்டும்.
பெண் தொழில்முனைவோர்களுக்கு புதிய தலைமுறைமாற்று நிதி உதவிகளுக்கு ஏற்பாடு செய்ய வேண்டும். குறிப்பாக, பெண்கள்  சார்ந்த  துணிகர நிதிகள் (women specific venture funds) மற்றும் கூட்டு நிதி உதவி (crowd funding) போன்றவை அவர்களின் வளர்ச்சிக்கு ஊக்கமளிக்கும் முக்கிய விஷயமாக இருக்கின்றன. மேலும் மற்ற பெண்கள் தலைமையிலான நிறுவனங்களில் பெண்கள் முதலீடு செய்வதை ஊக்குவிக்க வேண்டும். பாலின சமத்துவமின்மையை களைய வேண்டும். மேலும், பெண் தொழில்முனைவோர்கள் வெற்றி பெற, அறிவுரை வழங்கி ஊக்குவித்தல் மற்றும் நெட்வொர்க்கிங் தளங்களை இணைந்து உருவாக்க வேண்டும்.
இறுதியாக, வளர்ந்து வரும் தொழில்நுட்பங்களான ஹாஸ்கிராப் (hashgraph), பிளாக்செயின் (blockchain), செயற்கை நுண்ணறிவு (Artificial Intelligence- A.I), ஆழ்ந்து கற்றல் மற்றும் இணையம் சார்ந்த விஷயங்களை அறிவது போன்றவை தற்போதைய சந்தைச்சூழலில் பெண் தொழில்முனைவோர்கள் தங்களை மேம்படுத்திக் கொள்ள முக்கிய விஷயங்களாக உள்ளன. பெண்கள் தொழில்முனைவோர் மத்தியில் இந்த புதிய வளர்ச்சி, புதிய நிறுவனங்களின் பொருளாதாரம் (start-up economy), உலக பொருளாதார உற்பத்தியை அதிகரிக்கும் ஊக்கச் சக்தியாக இருக்கிறது.
இந்த எதிர்கால வளர்ச்சிக்கு, அரசு மற்றும் துறைகள் வலிமையாக ஒன்று சேர்வது அவசியம். தொழில்முனைவில் பெண்களுக்குஅதிகாரம் கொடுப்பது பல்வேறு நன்மைகளை ஏற்படுத்தும். குறிப்பாக, தொழில் துறையில் பெண் தலைவர்கள் உருவார்கள், நாட்டின் பொருளாதார வளர்ச்சியில் மேலும் பல பெண்கள் பங்கேற்பார்கள், தொழில் தொடர்பாக அவர்களின் கருத்துகள் (ideas) நடைமுறைக்கு வரும். இந்திய நாட்டின் பெண்கள் தங்களை வெளிப்படுத்துக் கொள்வதற்கு பொருத்தமான நேரமாககைது இருக்கிறது. இப்போது நாம் எடுக்கும் இந்தச் சிறிய முயற்சி, இந்தியாவின் மிகப் பெரிய இலக்கை அடைவதற்கான எங்களின் திட்டமான 25x25 ( Agenda 25x25)  அதாவது, 2025 ஆம் ஆண்டுக்குள் இந்தியாவில் 25 சதவிகித பெண் தொழில் முனைவோர்களை உருவாக்கும் இலக்கை நெருங்கி வருவதாக உள்ளது.  

Friday, July 20, 2018

தமிழகத்தில் சுய உதவி குழு மூலம் ஐசிஐசிஐ வங்கி 17 லட்சம் பெண்களுக்கு உதவி

தமிழகத்தில் சுய உதவி குழு மூலம் ஐசிஐசிஐ வங்கி 17 லட்சம் பெண்களுக்கு உதவி

தமிழகத்தில் சுய உதவி குழு-வங்கி இணைப்பு திட்டத்தின்  மூலம் ஐசிஐசிஐ வங்கி 17 லட்சம் பெண்களுக்கு உதவி செய்து புதிய மைல்கல்லை கடந்துள்ளது

*       இந்த திட்டத்தின் மூலம் ஐசிஐசிஐ வங்கி 1.3 லட்சம் சுய உதவிக் குழுக்களுக்கு ரூ.4,300 கோடியை கடனாக வழங்கியுள்ளது
*       சுய உதவி குழு-வங்கி இணைப்பு திட்டத்தின்  மூலம் சிறப்பாக செயல்பட்டதற்காக,   தனியார் துறை வர்த்தக வங்கிகளில்  ஐசிஐசிஐ வங்கிக்கு முதல் பரிசை நபார்ட் வழங்கியுள்ளது
*       2020- ம் ஆண்டு  இறுதிக்குள்  25 லட்சத்துக்கும் மேற்பட்ட பெண் பயனாளிகளுக்கு ஒட்டுமொத்த கடனாக ரூ 7,000 கோடியை வழங்க ஐசிஐசிஐ வங்கி இலக்கு நிர்ணயித்துள்ளது.

சென்னை: ஒருங்கிணைக்கப்பட்ட சொத்துகளின் மதிப்பின்படி இந்தியாவின் மிகப்பெரிய தனியார் துறை வங்கியான ஐசிஐசிஐ,  இன்றைய  தினம் வசதியற்ற பெண்களை மேம்படுத்தும்   சுய உதவி குழு-வங்கி இணைப்பு திட்டத்தின்  (Self Help Group-Bank Linkage Programme  - SBLP) மூலம் தங்களால் பயனடைந்த பெண் பயனாளிகளின் எண்ணிக்கை 17 லட்சத்தை கடந்துள்ளதாக அறிவித்துள்ளது. வங்கிச் சேவைகள் அதிகம் கிடைக்காத கிராமத்து மக்களின் மேம்பாட்டுக்காக நிதி உதவி மற்றும் சேவைகளை வழங்குவதே இத்திட்டத்தின் நோக்கமாகும். 2011-ம் ஆண்டு இத்திட்டம்  ஆரம்பிக்கப்பட்ட நாளில் இருந்து இதன் ஒரு பகுதியாக செயல்பட்டு  1.3 லட்சம் சுய உதவிக் குழுக்களுக்கு ரூ.4,300 கோடி கடனை ஐசிஐசிஐ வங்கி வழங்கியுள்ளது.

சுய உதவி குழு-வங்கி இணைப்பு திட்டத்தில் (SBLP)  ஐசிஐசிஐ வங்கியின் தொடர்ந்த முயற்சிகளை அங்கீகரிப்பதற்காக இவ்வங்கிக்கு தனியார் துறை வர்த்தக வங்கிகளில் முதல் பரிசை நபார்ட் (NABARD) வழங்கியது. இத்திட்டத்தில் சிறப்பாக செயல்பட்டதற்காக ஐசிஐசிஐ வங்கி 3-வது ஆண்டாக தொடர்ந்து இப்பரிசை வெல்கிறது.

இந்நிகழ்ச்சியில் பேசிய ஐசிஐசிஐ வங்கியின் ரூரல் மற்றும் இன்குளூசிவ் பாங்கிங் குரூப் பிரிவின் மூத்த பொது மேலாளர் திரு.அவ்ஜித் சாஹா (Mr. Avijit Saha, Senior General Manager & Head, Rural & Inclusive Banking Group, ICICI Bank),  ஒவ்வொரு வீட்டுக்கும் பெண்கள்தான் முதுகெலும்பு என்று  ஐசிஐசிஐ வங்கி நம்புகிறது. தமிழகத்தில் கிராமிய மற்றும் சிறு நகர்ப்புற இடங்களில் வசிக்கும் பெண்கள், தொழில் முனைவோர் ஆவதற்காக சிறந்த முறையில் ஆர்வம் காட்டி வருகிறார்கள். அவர்களுக்கு நிதியுதவி  செய்வதன் மூலம் நாட்டின் பொருளாதார மேம்பாட்டுக்கு அவர்களின் பங்களிப்பை அதிகரிக்க முடியும் என்ற எங்களின் நம்பிக்கையை இது மேலும் அதிகப்படுத்தியுள்ளது. வயல்கள் மற்றும் வயல்களைச் சார்ந்து வாழ்வாதாரங்களை உருவாக்கும் சுய உதவிக் குழுக்களுக்கு நிதியுதவி வழங்குவதில் நாங்கள் கூடுதல் கவனம் செலுத்துவோம்.  அவர்களின் தொழிலை மேம்படுத்த பொருளாதார உதவிகளை வழங்குவோம்.  சுய உதவிக் குழுக்கள் மூலம் ஐசிஐசிஐ வங்கி 17 லட்சத்துக்கும் மேற்பட்ட பெண் பயனாளிகளின் குடும்பங்களுக்கு உதவியுள்ளோம் என்பதிலும், அவர்களுக்கு இதுநாள் வரை ரூ.4,300 கோடி கடன் வழங்கியுள்ளோம் என்பதிலும் நான் மகிழ்ச்சியடைகிறேன். பயனாளிகள் வங்கிக் கிளைகளைத் தேடி வருவதை விட,  சுய உதவிக் குழுக்களை தேடிச் சென்று நிதி உதவிகளை அறிமுகப்படுத்துவதில்  இவ்வங்கி ஒரு முன்னோடியாக விளங்குகிறது.  இதன்மூலம் வங்கிக் கிளைகளுக்கு செல்லும் பயணச் செலவு இல்லாததால்,  பயனாளிகள் கடன் பெறுவதற்கான கட்டணம் மேலும் குறைகிறது. 2020-ம் ஆண்டுக்குள் 25 லட்சம் பெண் பயனாளிகளை அணுகி, அவர்களுக்கு வழங்கப்படும் ஒட்டுமொத்த கடனை ரூ.7 ஆயிரம் கோடியாக உயர்த்த இலக்கு நிர்ணயித்துள்ளோம்என்றார்.

சுய உதவிக் குழுக்கள் என்பது கிராமம் மற்றும் சிறு நகரப் பகுதிகளில் 10 முதல் 20 வசதி குறைந்த பெண்கள் வரை இணைந்து  தங்கள் நிதி ஆதாரங்களையும் வளங்களையும் திரட்டி அதை வைத்து தொழில்களைச் செய்வதாகும். இந்த முறையில்  விவசாயம், ஊதுபத்தி தயாரித்தல், சேலை மற்றும் கைத்தறி துணிகளை நெய்தல், அப்பளம், பொம்மைகள் தயாரித்தல், கோயில் வாசல்களில் பூக்கடைகள் வைத்தல், செயற்கை நகைகளை விற்பனை செய்தல், தையல், பழ மற்றும் காய்கறி வியாபாரம் என பல்வேறு தொழில்களை சுய உதவிக் குழுக்கள் மூலம் பெண்கள் செய்கிறார்கள்.

ஐசிஐசிஐ வங்கி தங்களிடம் உள்ள மனித வளத்தின் மூலம், சுய உதவிக் குழுக்களை தேடிச் சென்று வங்கிச் சேவைகளை வழங்குகிறது. இதன் மூலம் அக்குழுக்களின் உறுப்பினர்கள் அனைவரும் வங்கியைத் தேடிச் செல்லவேண்டிய தேவையை அகற்றுகிறது. வங்கிகளின் பிரதிநிதிகள், கடனுக்கான விண்ணப்பங்களையும் சுய உதவிக் குழுக்களைப் பற்றிய விவரங்களையும் காகிதங்களின் உதவி இல்லாமல் டேப்லட்களிலேயே (tablet) பதிவு செய்து வங்கிக்கு அனுப்பி வைக்கிறார்கள்.  இதனால் தேவையற்ற கால விரயம் தவிர்க்கப்படுகிறது.   உறுப்பினர்கள் அனைவரும் வங்கிக்கு சென்று வருவதற்கான பயணச் செலவுகளையும், பரிவர்த்தனைக் கட்டணத்தையும் இது குறைக்கிறது.
சுய உதவிக் குழுக்களின் வெற்றியைப் பார்த்து, சுய உதவி குழு-வங்கி இணைப்பு திட்டத்தின்  மூலம் இதற்கு ஐசிஐசிஐ வங்கி ஆற்றும் சேவைகளுக்காக ராமநாதபுரம், கடலூர், மதுரை, கன்னியாகுமரி, விழுப்புரம், அரியலூர், தருமபுரி, நாமக்கல், தூத்துக்குடி, திருச்சி, திருவண்ணாமலை, திருநெல்வேலி ஆகிய 12 மாவட்டங்களின் ஆட்சியாளர்கள் இதற்கு விருதுகளை வழங்கியுள்ளனர்.

தமிழகத்தின் 32 மாவட்டங்களில் உள்ள சுய உதவிக் குழுக்களுக்கு ஐசிஐசிஐ வங்கி உதவிகளை செய்து வருகிறது. இந்த வங்கி  480 கிளைகள் மற்றும்  1,500 ஏடிஎம்களைக் கொண்ட தனது வலுவான நெட்வொர்க் மூலம் வாடிக்கையாளர்களுக்கு சேவைகளை வழங்கி வருகிறது.

செய்திகள் மற்றும் விவரங்களுக்கு www.icicibank.com என்ற இணையதளத்தைப் பார்க்கலாம். ட்விட்டரில் பின்தொடர   www.twitter.com/ICICIBank.
ஐசிஐசிஐ வங்கி 4,867 கிளைகள் மற்றும்  14,367 ஏடிஎம் மையங்கள், போன் பேங்கிங், இண்டர்னெட் பேங்கிங்,   (www.icicibank.com), ஃபேஸ்புக் மற்றும் ட்விட்டர் மூலம் பேங்கிங் மற்றும்  PocketsbyICICIBankமூலம் வாடிக்கையாளர்களுக்கு சிறந்த சேவைகளை வழங்கி வருகிறது. மொபைல் போனில் இந்தியாவின் முதல் மொபைல் போனில் இந்தியாவின் முதல் டிஜிட்டல் வங்கி என்ற பெயரைப் பெற்றுள்ளது.
  

ஐசிஐசிஐ வங்கியைப்   (NYSE:IBN) பற்றி:  ஒருங்கிணைக்கப்பட்ட சொத்துகளின் அடிப்படையில் இந்தியாவின் மிகப்பெரிய தனியார் வங்கியாக ஐசிஐசிஐ விளங்குகிறது. 2018-ம் ஆண்டு மார்ச் 31-ம் தேதிப்படி இந்த வங்கியின் ஒருங்கிணைக்கப்பட்ட சொத்து மதிப்பு 172.5 பில்லியன் அமெரிக்க டாலராக உள்ளது. இந்தியாவின் மிகப்பெரிய காப்பீட்டு நிறுவனமான  ஐசிஐசிஐ தனியார் காப்பீட்டு நிறுவனம், சொத்து மேலாண்மை மற்றும்   பத்திரங்கள் தரகு நிறுவனங்கள், தனியார் பங்கு நிறுவனங்கள் ஆகியவை இதன் கிளை நிறுவனங்களாகும். இந்தியா உட்பட 17 நாடுகளில் ஐசிஐசிஐ செயல்பட்டு வருகிறது.