Showing posts with label Mutual Fund - ETF. Show all posts
Showing posts with label Mutual Fund - ETF. Show all posts

Thursday, January 16, 2020

பாரத் பாண்ட் இ.டி.எஃப்: ரிஸ்க் எடுக்க விரும்பாதவர்களுக்கு ஏற்ற முதலீடு

பாரத் பாண்ட் இ.டி.எஃப்: ரிஸ்க் எடுக்க விரும்பாதவர்களுக்கு ஏற்ற முதலீடு

பாரத் பாண்ட் இ.டி.எஃப்: ரிஸ்க் எடுக்க விரும்பாதவர்களுக்கு ஏற்ற முதலீடு

எடில்வைஸ் மியூச்சுவல் ஃபண்ட் நிறுவனம் இந்தியாவின் முதல் கடன் பத்திர இ.டி.எஃப் (ETF) பாரத் பாண்ட் இ.டி.எஃப். இதன் வெளியீடு மூலம் ரூ. 7,000 கோடி திரட்ட திட்டமிடப்பட்டிருந்தது. இதற்கு 1.8 மடங்கு அதிக ஆதரவு கிடைத்தது.

 மொத்தம் 55,000 பேர் முதலீடு செய்திருக்கிறார்கள். டிரிபிள் ஏ தரக்குறியீடு பெற்ற பொதுத்துறை பாண்ட்களில் முதலீடு செய்யப்படுகிறது. இந்த ஃபண்ட் 3 ஆண்டுகள் மற்றும் 10 ஆண்டுகள் முதிர்வை கொண்டவை. 


இந்த ஃபண்ட் ஜனவரி 2, 2020 அன்று என்.எஸ்.இ மற்றும் பி.எஸ்.இ பங்குச் சந்தைகளில் பட்டியலிடப்பட்டன. முதல் நாளில் வெளியீட்டு விலையை விட சற்று அதிக விலையில் வர்த்தகமானது.

Tuesday, December 10, 2019

பாரத் பாண்ட் இ.டி.எஃப்

பாரத் பாண்ட் இ.டி.எஃப்

பாரத் பாண்ட் இ.டி.எஃப்

மத்திய அரசு நிறுவனங்கள் வெளியிட்டிருக்கும் பாண்டுகளில் முதலீடு செய்யும் மியூச்சுவல் ஃபண்ட் - பாரத் பாண்ட் இ.டி.எஃப்.

 இந்தப் பிரிவில் வரும் முதல் ஃபண்ட்

முதிர்வு காலம் மூன்று மற்றும் 10 ஆண்டுகள்

 குறைந்தபட்ச முதலீடு ரூ. 1,000.

இந்த ஃபண்டை மூன்றாண்டுக்கு மேற்பட்டு விற்பனை செய்தால், ஆதாயத்துக்கு பணவீக்க சரிக்கட்டலுக்குப் பிறகு 20% வரி கட்டினால் போதும். 

எடில்வைஸ் மியூச்சுவல் ஃபண்ட் நிர்வகிக்கிறது.

Saturday, November 9, 2019

40 நாள்களில் 10-15% வருமானம்..! ஈக்விட்டி மியூச்சுவல் ஃபண்ட்கள்..!

40 நாள்களில் 10-15% வருமானம்..! ஈக்விட்டி மியூச்சுவல் ஃபண்ட்கள்..!

ஈக்விட்டி மியூச்சுவல் ஃபண்ட்கள்..!40 நாள்களில் 10-15% வருமானம் 

இந்தியப் பங்குச்சந்தை ஏறுமுகத்தில் இருப்பதால், கடந்த சுமார் 40 நாள்களில்  சுமார் 75  பங்குச் சந்தை சார்ந்த ஈக்விட்டி மியூச்சுவல் ஃபண்ட்கள்  12%க்கு மேல் வருமானம் தந்திருகின்றன.

சுமார் 250 ஈக்விட்டி மியூச்சுவல் ஃபண்ட்கள் 10%க்கு மேல்  வருமானம் தந்திருக்கின்றன.  

எட்டு  ஈக்விட்டி ஃபண்ட்கள் 15%-க்கும் அதிகமாக   வருமானம் தந்திருக்கின்றன.



குவான்ட் ஆக்டிவ் ஃபண்ட்  

சுமார் 17.85 சதவிகித வருமானத்துடன்  குவான்ட் ஆக்டிவ் ஃபண்ட்  முதல் இடத்தில் இருக்கிறது.

இரண்டாவது இடத்தில் யூ.டி. டிரான்ஸ்புரோடேஷன் அண்ட் லாஜிஸ்டிக்ஸ் ஃபண்ட்  : 17.51%

இந்தக் குறுகிய கால வருமானத்தை வைத்து மட்டும் முதலீட்டு முடிவை எடுக்க வேண்டாம்.
கடந்த கால வருமானம் எதிர்காலத்தில் உத்தரவாதம் இல்லை.

மியூச்சுவல் ஃபண்ட்களில் முதலீடு செய்யும் முன் வழங்கு ஆவணங்களை கவனமாக படிக்கவும். பங்குச் சந்தை சார்ந்த ஃபண்ட் முதலீடுகளின் வருமானம், பங்குச் சந்தையின் ஏற்ற இறக்கத்துக்கு உட்பட்டது.
ஆதாரம்: ETMutualFunds.com looked at a total of 400 open-ended equity mutual fund schemes, including ETFs and index funds.

Saturday, August 31, 2019

இ.டி.எஃப் முதலீட்டின் முக்கிய நன்மைகள்

இ.டி.எஃப் முதலீட்டின் முக்கிய நன்மைகள்

இ.டி.எஃப் (ETF) என்றால் என்ன (பங்குச் சந்தையில் வர்த்தகமாகும் நிதிகள்) (Exchange traded funds) –  இ.டி.எஃப்-க்கள், நிறுவனப் பங்குகள் போல் வர்த்தகமாகும் மியூச்சுவல் ஃபண்ட்கள் ஆகும். அவை முதலீடு செய்ய எளிதான மற்றும் செலவு குறைந்த வழியாகும். இ.டி.எஃப்-ன் நோக்கம், எஸ்&பி பி.எஸ்.இ சென்செக்ஸ் இண்டெக்ஸ் (S&P BSE SENSEX Index) போன்ற, ஒரு குறிப்பிட்ட குறியீட்டின் செயல்திறனை பின்பற்றுவதாகும்.(track the performance of a specified index). மற்றும் முதலீட்டாளர்களுக்கு அந்த குறியீட்டைப் போன்ற குறைவான இடர்பாடு - வருமானத்தை குறைந்த கட்டணங்களுடன்  வழங்குவதாகும்.

இ.டி.எஃப்களின் முக்கிய நன்மைகள்: முதலீட்டு பரவலாக்கம், குறைவான கட்டணம், வெளிப்படைத்தன்மை, எளிதான அணுகுமுறை  மற்றும் எளிதில் பணமாக்குதல் போன்றவை அடங்கும்.




எஸ் அண்டு பி பி.எஸ்.இ இண்டைசீஸ் நிறுவனத்தின் இந்திய பிசினஸ் தலைவர்  கோயல் கோஷ் (Head, South Asia, S&P Dow Jones Indices & Business Head- Asia Index Pvt. Ltd, SPDJI-BSE JV) இ.டி.எஃப் பற்றி இப்படிச் சொல்கிறார்.

 கோயல் கோஷ்


'' உலகளவில், குறியீடு அடிப்படையிலான முதலீடு (passive investing) —  குறியீடுகளின் வருமானத்தை அப்படியே பெறுவதை நோக்கமாகக் கொண்டுள்ளது -- முதலீட்டாளர்களுக்கு குறைவானக் கட்டணம், வெளிப்படையான முதலீட்டுத் திட்டமாக  உள்ளது. சிறந்த காரணம் - இந்தியா உட்பட உலகளவில். நிலையான அடிப்படையில் பங்குச் சந்தை குறியீட்டின் வருமானத்தை நிதி மேலாளர்கள் நிர்வகிக்கும் மியூச்சுவல் ஃபண்ட்கள்  விஞ்சுவது கடினமாகி வருவதாக ஸ்பிவா (SPIVA - S&P Indices Versus Active funds) புள்ளி விவரங்கள் காட்டுகின்றன.

சமீபத்திய ஸ்பிவா இந்தியா ஸ்கோர்கார்டு (SPIVA India Scorecard)  92%  லார்ஜ் கேப் ஈக்விட்டி  ஃபண்ட்கள் (large-cap equity funds)  முந்தைய காலண்டர் ஆண்டில் அந்தந்த முக்கிய ஒப்பீட்டு குறியீடுகளை (benchmark indices)  விட குறைவாக வருமானம் கொடுத்துள்ளன.  பங்குச் சந்தை ஒரு பூஜ்ஜிய தொகை விளையாட்டு (zero sum game) என்பதை புரிந்து கொள்ள வேண்டியது அவசியம்; ஒருவர் வருமானம் ஈட்டும் நிலையில் இன்னொருவர் இழப்பை சந்திக்க கூடும். கூடுதலாக, நிதி மேலாளர்கள் மூலம் வருமானத்தை சம்பாதிக்க முயற்சிப்பது சில நேரங்களில் ஓப்பிட்டளவில் குறியீடு அடிப்படையிலான முதலீட்டை விட அதிக செலவு வைப்பதாக இருக்கும். .


இந்தியாவில், மொத்த வருவாய் குறியீடுகள் (TRI - total return indices) அடிப்படையிலான வருமான செயல்திறன் ஒப்பீடு,  மியூச்சுவல் ஃபண்ட் வகைப்படுத்தல் போன்ற செபி (SEBI) அமைப்பின்  சமீபத்திய ஒழுங்குமுறை மாற்றங்கள்,  துரிதமாக செயல்படும் நிதி மேலாளர்களின்  வேலையை இன்னும் கடுமையானதாக உருவாக்கும் (active fund manager even tougher) என்று எதிர்பார்க்கப்படுகிறது.
பங்குச் சந்தையில் வர்த்தகமாகும் ஃபண்ட்கள் (இ.டி.எஃப்கள்) மூலம் நிர்வகிக்கப்படும் தொகை இந்தியாவில் கடந்த ஐந்தாண்டுகளில் கணிசமாக அதிகரித்துள்ளது. 2013 டிசம்பர் முதல் 2018 டிசம்பர் வரையிலான காலத்தில் நிர்வகிக்கப்படும் தொகை ரூ. 8,010 கோடியிலிருந்து ரூ.1,12,381 கோடியாக அதிகரித்துள்ளது.  ஆண்டுக்கு சராசரி வளர்ச்சி விகிதம் 69.6%  ஆகும். இதே கால கட்டத்தில் ஈக்விட்டி இ.டி.எஃப் முதலீடு 141 மடங்குகள் அதிகரித்து அதாவது ரூ. 745 கோடியிலிருந்து ரூ. 1,05,282 கோடியாக அதிகரித்துள்ளது. அதேநேரத்தில், கோல்டு இ.டிஎஃப். முதலீடு குறைந்துள்ளது. 2019, ஜூன் 28 ஆம் தேதி நிலவரப்படி, இந்தியாவில் இ.டி.எஃப்கள் மூலம் நிர்வகிக்கப்படும் தொகை ரூ.1,46,193 கோடிகளாக உள்ளது. இது, 30%. அதிகரிப்பாகும்.  

ஈக்விட்டி இ.டி.எஃப்களின் கணிசமான வளர்ச்சியின் முக்கிய இயக்கி, மத்திய அரசாங்கத்தின் முன்முயற்சிகளாகும். அவற்றில் ஒன்று இ.டி.எஃப்களின் மூலம் இந்திய அரசு, அதன் பங்கு மூலதனத்தை குறைத்து வருவதாகும். 2019, ஜூன் 28 ஆம் தேதி நிலவரப்படி, எஸ்&பி பி.எஸ்.இ பாரத் 22 குறியீட்டை (S&P BSE Bharat 22 index) பின்பற்றும், பாரத் 22 இ.டி.எஃப் (Bharat 22 ETF) மூலம் நிர்வகிக்கப்படும் தொகை ரூ. 8,422  கோடிகளாக உள்ளது. 2015 ஆம் ஆண்டில், இ.பி.எஃப்.ஓ  என்கிற பணியாளர் வருங்கால வைப்பு நிதி அமைப்பு (EPFO - Employee Provident Fund Organization)  எஸ்&பி பி.எஸ்.இ சென்செக்ஸ் (S&P BSE SENSEX) –ஐ பின்பற்றும் இ.டி.எஃப்களில் முதலீடு செய்ய  முடிவு செய்தது.  இது இ.டி.எஃப்களின் வளர்ச்சிக்கு முக்கியமான காரணியாக இருந்தது. இ.பி.எஃப்.ஓ –ன் மத்திய அறங்காவலர் குழு (Central Board of Trustees) சமீபத்தில் செய்த திருத்தத்தின் மூலம், இ.பி.எஃப்.ஒ இப்போது அதன் நிதியில் 50%- ஐ எஸ்&பி பி.எஸ்.இ சென்செக்ஸ்-ல் முதலீடு செய்ய அனுமதிக்கப்பட்டுள்ளது.

சமீபத்தில் 2019 ஜனவரியில், முதலீட்டுக் கலவையில் (portfolio) இடர்ப்பாட்டை (risk) நிவர்த்தி செய்வதை நோக்கமாகக் கொண்ட விதிமுறைகளை,  பங்கு வர்த்தக நிதிகள் மற்றும் குறியீட்டு நிதிகளுக்கு  (equity traded funds and index funds)  செபி அறிமுகப்படுத்தியது.

காரணி முதலீடு  (factor investing) மற்றும் .எஸ்.ஜி (சுற்றுச்சூழல், சமூக மற்றும் வெளிப்படையான நிர்வாகம்ESG - Environment, Social and Governance) போன்ற புதிய கருப்பொருள்கள் (New themes)  உலக அளவிலும் இந்தியாவிலும் அதிக கவனம் பெறுகின்றன. ஒரு முதலீட்டுக் கலவையின் இடர்ப்பாடு / வருவாய் பண்புகளின் மூலத்தை விளக்க உதவும் ஓர் உறுப்பு என்று ஒரு காரணி (A factor) கருதப்படுகிறது. பரவலாக அங்கீகரிக்கப்பட்ட காரணிகள் , அளவு, டிவிடெண்ட், ஏற்ற - இறக்கம், உத்வேகம், தரம் மற்றும் மதிப்பு போன்றவையாகும். எஸ்&பி பி.எஸ்.இ  இன்கேன்ஸ்ட் வேல்யூ, எஸ்&பி  பி.பி.எஸ்.இ டிவிடெண்ட் யீல்டு, எஸ்&பி பி.எஸ்.இ  வாலடைலிட்டி, எஸ்&பி பி.எஸ்.இ மொமென்டம், எஸ்&பி பி.எஸ்.இ குவாலிட்டி (S&P BSE Enhanced Value, S&P BSE Dividend Yield, S&P BSE Low Volatility, S&P BSE Momentum, S&P BSE Quality) போன்ற குறியீடுகள் தொடர்புடைய காரணியின் செயல்பாட்டை அளவிட வடிவமைக்கப்பட்டவையாகும்.

இதேபோல், காலநிலை மாற்றம், சமூக அமைதியின்மை மற்றும் மோசமான நிர்வாகம், சுற்றுச்சூழல், சமூகம் மற்றும் நிர்வாக அம்சங்கள் (environment, social, and governance) முறைப்படி  ஆய்வு செய்யப்பட்டு முதலீட்டு பகுப்பாய்விற்கு காரணியாகின்றன. எஸ் & பி பி.எஸ்.இ 100 இ.எஸ்.ஜி குறியீடு (S&P BSE 100 ESG index), இந்த வகை அளவீடுகளில் ஒப்பீட்டளவில் அதிக  புள்ளிகள் பெறும் நிறுவனங்களின் செயல்திறனை அளவிடும் இ.எஸ்.ஜி குறியீட்டிற்கு சிறந்த எடுத்துக்காட்டு.

இப்போது, புதிய முதலீட்டு கருப்பொருள்கள் வடிவம் பெறத் தொடங்கி இருக்கின்றன.  உதாரணமாக, ரோபா செயல்பாடுகள்,  தானியங்கி மற்றும் செயற்கை நுண்ணறிவு ஆகியவற்றின் விரைவான முன்னேற்றங்கள், தீவிரமான இணைப்பு மற்றும் அதிவேக செயலாக்க சக்தி கிடைப்பது ஆகியவற்றால், நம் வாழ்வின் அனைத்து அம்சங்களிலும்   மாற்றங்கள் ஏற்பட்டுள்ளன.

நான்காவது தொழில் புரட்சி (Fourth Industrial Revolution) என்று குறிப்பிடப்படுவதை நாம் உள்ளீடு செய்யும்போது, எஸ்&பி கென்ஷோ  நியூ எக்கனாமிக் இண்டிசஸ்: 21 ஆம் நூற்றாண்டு துறைகள்(S&P Kensho New Economy Indices: 21st Century Sectors℠)  புரட்சியைத் தூண்டும் நிறுவனங்களை கைப்பற்றும் வகையில் இருக்கின்றன. கென்ஷோ  நியூ எக்கனாமிக் இண்டிசஸ், முற்றிலும் முறையான, விதிமுறைகள் சார்ந்த முறையைப் பயன்படுத்தி கட்டமைக்கப்படுகின்றன.

ஒவ்வொரு புதிய பொருளாதாரத்திலும் ஈடுபட்டுள்ள நிறுவனங்களை அடையாளம் காண, கென்ஷோவின் தனியுரிம இயற்கை மொழி செயலாக்கம் (proprietary natural language processing -NLP)  தளத்தை மேம்படுத்துதல், மில்லியன் கணக்கான பக்கங்கள் ஒழுங்குமுறை தாக்கல் மற்றும் பிற பொது தகவல்கள் பகுப்பாய்வு செய்யப்படுகின்றன. இதில் அடங்கும் சில குறியீடுகள் - எஸ்&பி கென்ஷோ நியூ எக்கனாமிக்ஸ் காம்போசைட் இண்டெக்ஸ், எஸ்&பி கென்ஷோ கிளின் பவர் இண்டெக்ஸ், எஸ்&பி கென்ஷோ ஸ்பேஸ் இண்டெக்ஸ், ட்ரோன் இண்டெக்ஸ் மற்றும் எஸ்&பி கென்ஷோ  எலெக்ட்ரிக் வெகிள்ஸ் இண்டெக்ஸ் (S&P Kensho New Economies Composite℠ Index, S&P Kensho Clean Power Index, S&P Kensho Space Index, Drone Index, and the S&P Kensho Electric Vehicles index) ஆகும்."

Wednesday, December 12, 2018

அனைத்து தரப்பு முதலீட்டாளர்களுக்கும் ஏற்றது, ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப்

அனைத்து தரப்பு முதலீட்டாளர்களுக்கும் ஏற்றது, ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப்


ஆதித்ய பிர்லா சன் லைஃப் மியூச்சுவல் ஃபண்ட் நிறுவனம், ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப்  அறிமுகம்
(நிஃப்டி நெக்ஸ்ட் 50 குறியீட்டை பின்பற்றும் ஓப்பன் எண்டெட் திட்டம்)

 முக்கிய அம்சங்கள்

·         ஃபண்ட் வெளியீடு டிசம்பர் 11, 2018 அன்று ஆரம்பிக்கிறது, டிசம்பர் 17, 2018 அன்று நிறைவடைகிறது
·         நிஃப்டி 50 க்கு அடுத்து  கீழே உள்ள 50 நிறுவனப் பங்குகளில்   முதலீடு  செய்யும் வாய்ப்பு
·         திட்டத்தின் அலகுகள் என்எஸ்இ மற்றும் பிஎஸ் இ- ல் பட்டியலிடப்படும்
·         இந்தக்  குறியீடு பரந்த அளவிலான துறைகளை சேர்ந்தது என்பதால் முதலீடு  பரவலாகிறது
·          நுழைவு  மற்றும்  வெளியேறும் கட்டணம் இல்லை

சென்னை, டிசம்பர் 10, 2018: ஆதித்ய பிர்லா கேப்பிட்டல் லிமிடெட் (முந்தைய பெயர் ஆதித்ய பிர்லா ஃபைனான்ஷியல் சர்வீசஸ் லிமிடெட்) – ன் துணை நிறுவனம் மற்றும் ஆதித்ய பிர்லா சன் லைஃப் மியூச்சுவல் ஃபண்ட் நிறுவனத்தின் (Aditya Birla Sun Life Mutual Fund - ABSLMF) முதலீட்டு நிறுவனமான  ஆதித்ய பிர்லா சன் லைஃப் ஏஎம்சி (Aditya Birla Sun Life AMC Limited  - முந்தைய பெயர் ஆதித்ய பிர்லா சன் லைஃப் அஸெட் மேனேஜ்மென்ட் கம்பெனி லிமிடெட்), ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப் -(Aditya Birla Sun Life Nifty Next 50 ETF) ஐ அறிமுகம் செய்துள்ளது. இது எப்போது வேண்டுமானலும் முதலீடு செய்யும், எப்போது வேண்டுமானலும் முதலீட்டை வெளியே எடுக்கும் வசதி கொண்ட ஓப்பன் எண்டெட் திட்டம் ( open ended scheme) ஆகும். இது நிஃப்டி நெக்ஸ்ட் 50 குறியீட்டை ( Nifty Next 50 Index) பின்பற்றும் பங்குச் சந்தையில் வர்த்தகமாகும் ஃபண்ட் (Exchange Traded Fund - ETF) ஆகும். இந்த இடிஎஃப், முதலீட்டாளர்களுக்கு நிஃப்டி50 க்கு அடுத்து  கீழே உள்ள50 நிறுவனப் பங்குகளில்   முதலீடுசெய்யும் வாய்ப்பை அளிக்கிறது. நிஃப்டி நெக்ஸ்ட் 50 குறியீட்டில் இடம் பெற்றிருக்கும் 50 பங்குகளின் அதே விகிதாச்சாரத்தின் அடிப்படையில் அதே பங்குகளில் இந்தத் திட்டத்தில் முதலீடு செய்யப்படும்.

இந்த புதிய ஃபண்ட் வெளியீடு (New Fund Offer -NFO) டிசம்பர்11, 2018 அன்று ஆரம்பிக்கிறது.  டிசம்பர்17, 2018 அன்று  வணிக நேர முடிவில் நிறைவடைகிறது. இந்த இடிஎஃப் விற்பனை மற்றும் மறுமுதலீட்டுக்காக (sale and repurchase), முதலீட்டாளர்களுக்கு அலகுகள் (Units) ஒதுக்கீடு செய்யப்பட்ட ஐந்து வணிக தினங்களுக்குள் ஆரம்பிக்கிறது. இந்தத் திட்டத்தின் முதலீட்டு நோக்கம், நிஃப்டி நெக்ஸ்ட் 50 குறியீடு அளிக்கும் மொத்த வருமானத்தை ஒட்டி அளிப்பதாக இருக்கிறது. குறியீட்டை பின்பற்றும் போது ஏற்படும் டிராக்கிங் எரர் (tracking errors) –ஐ பொறுத்து வருமானம் சற்று மாறுபடக் கூடும்.

இந்தத் திட்டம் அறிமுகம் குறித்து ஆதித்ய பிர்லா சன் லைஃப் ஏஎம்சி லிமிடெட்-ன் தலைமை செயல் அதிகாரி திரு. ஏ.பாலசுப்பிரமணியன்
(Mr. A. Balasubramanian, CEO, Aditya Birla Sun Life AMC Limited) கூறும் போது: “பங்குகளின் மதிப்பின் அடிப்படையில் மிகப் பெரிய நிறுவனப் பங்குகளில் ((large-cap)) நிஃப்டி 50 மற்றும் நிஃப்டி நெக்ஸ்ட் 50 குறியீட்டில் இடம் பெற்றிருக்கும் பங்குகள் மிகவும் எளிதில் பணமாக்க கூடிய (liquid stocks) பங்குகளாக இருக்கின்றன. நிஃப்டி நெக்ஸ்ட் 50 குறியீட்டில் இடம் பெற்றுள்ள பங்குகள், அதிக வளர்ச்சிக்கு வாய்ப்புள்ளவையாகவும், முன்னணிக்கு செல்லும் திறன் கொண்டவையாகவும் இருக்கின்றன.  எனவே, இந்தியாவின் வளர்ச்சியில் இந்த நிறுவனப் பங்குகள் பங்கேற்பவையாக இருக்கின்றன.

மேலும் விளக்கி கூறும் போது திரு. பாலசுப்பிரமணியன், நீண்ட காலத்தில் நிஃப்டி நெக்ஸ்ட் 50 குறியீட்டில் இடம் பெற்றுள்ள நிறுவனங்கள், பிரதான குறியீட்டில் இடம் பெற்றிருக்கும் நிறுவனங்களை விட மிகவும் சிறப்பாக செயல்படும் என கணித்திருக்கிறோம்.

இடிஎஃப்கள் என்பது பங்குச் சந்தையில் பட்டியலிடப்பட்ட மியூச்சுவல் ஃபண்ட்கள் ஆகும். இவை, நிறுவனப் பங்குகள் போல் பங்குச் சந்தையில் வர்த்தகமாகும். இதன் பிரத்யேக அமைப்பின்படி, அனைத்து வகை முதலீட்டாளர்கள் குறிப்பாக சிறு முதலீட்டாளர்கள் அல்லது நிறுவன முதலீட்டாளர்கள் இதில் நீண்ட காலம் அல்லது குறுகிய காலத்துக்கு முதலீடு செய்யலாம். முதலீட்டாளர்கள் தங்களின் முக்கிய பங்குச் சந்தை சார்ந்த முதலீட்டுக் கலவையில் (Equity Portfolio) இந்த வகையான நிதி ஆவணங்களை சேர்த்துக்கொள்ளலாம்.

நிஃப்டி நெக்ஸ்ட் 50 குறியீட்டில் இடம் பெற்றுள்ள 50 நிறுவனங்களின் பங்குகள் பல்வேறு துறைகளை சேர்ந்தவையாகும். எந்த ஒரு துறையிலும் அதிக விகிதாச்சாரத்தை கொண்டிருக்கவில்லை. உதாரணத்துக்கு, நிஃப்டி நெக்ஸ்ட் 50 குறியீட்டில் இடம் பெற்றிருக்கும் முதல் 5 துறைகளின் பங்களிப்பு  76% ஆக உள்ளது. இதுவே நிஃப்டி 50 குறியீட்டில்  84%  ஆக உள்ளது,”  என திரு. ஏ. பாலசுப்பிரமணியன் தெரிவித்தார்.

இந்த ஃபண்டில் நுழைவு மற்றும் வெளியேறும் கட்டணம் கிடையாது. புதிய ஃபண்ட் வெளியீட்டுக்கு பிறகு பங்குச் சந்தைகள் மூலம் பங்குச் சந்தையின் வர்த்தக நேரத்தில் வாங்கவும் விற்கவும் செய்யலாம்.

புதிய ஃபண்ட் வெளியீட்டின் போது, குறைந்தபட்ச முதலீட்டு ரூ. 5,000 மற்றும் அதன் பிறகு ரூ.1,000 மடங்குகளில் இருக்கிறது.   

ஆதித்ய பிர்லா சன் லைஃப் மியூச்சுவல் ஃபண்ட் நிறுவனத்தின் நிதி மேலாளர் லோவிலிஷ் சோலங்கி (Lovelish Solanki, Fund Manager, Aditya Birla Sun Life Mutual Fund) ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப் -ஐ, நிர்வகிப்பார்.


Media Queries –

 

Amrita Panja
Chief Manager - Corporate Communications
Email: Amrita.Panja@adityabirlacapital.com