Showing posts with label Real Estate - Flats. Show all posts
Showing posts with label Real Estate - Flats. Show all posts

Friday, May 1, 2020

மேஜிக்பிரிக்ஸ் இந்தியாவின் நம்பர் 1 சொத்து இணைய தளம் மாதம் 2 கோடி பேர் பார்வையிடுகிறார்கள்..!

மேஜிக்பிரிக்ஸ் இந்தியாவின் நம்பர் 1 சொத்து இணைய தளம் மாதம் 2 கோடி பேர் பார்வையிடுகிறார்கள்..!


மேஜிக்பிரிக்ஸ் (Magicbricks) என்பது இந்தியாவின் நம்பர் 1 சொத்து இணைய தளம் (property site) ஆகும். மாதம் 20 மில்லியனுக்கும் அதிகமான வருகைகள் மற்றும் 14 லட்சத்துக்கும் மேற்பட்ட சொத்துகள் இந்த இணைய தளத்தில்  பட்டியலிடப்பட்டுள்ளன.  
மேஜிக் பிரிக்ஸ் சொத்து வாங்குபவர்களுக்கும் விற்பவர்களுக்கும் இடையே தெளிவான, வெளிப்படையான முறையில்  மிகப்பெரிய தளத்தை வழங்குகிறது.

இதைக் கருத்தில் கொண்டு, மேஜிக் பிரிக்ஸ் பல திட்ட அம்சங்கள், உள்ளடக்கம் மற்றும் ஆராய்ச்சி சேவைகளை கண்டுபிடித்தது, அதிக  பார்வையாளர்களை உருவாக்கி இருக்கிறது.


 மேஜிக்பிரிக்ஸ்’ பிராப்இண்டெக்ஸ் (Magicbricks’ PropIndex)

Thursday, April 30, 2020

சென்னை அண்ணா நகர், அம்பத்தூர் பகுதிகளில் அடுக்குமாடி குடியிருப்புகளுக்கு தேவை அதிகரிக்க என்ன காரணங்கள்?

சென்னை அண்ணா நகர், அம்பத்தூர் பகுதிகளில் அடுக்குமாடி குடியிருப்புகளுக்கு தேவை அதிகரிக்க என்ன காரணங்கள்?


 சென்னையின்  குடியிருப்பு விலைகள், 2020 –ம் ஆண்டின் முதல் காலாண்டில், முந்தைய ஆண்டின் இதே காலாண்டோடு ஒப்பிடும் போது 6.7% அதிகரித்துள்ளது. 

உள்கட்டமைப்பு வளர்ச்சி மற்றும் மேம்பட்ட போக்குவரத்து இணைப்பு ஆகியவற்றால் இந்த வளர்ச்சி தூண்டப்பட்டிருகிறது. இந்த விவரம்,  மேஜிக்பிரிக்ஸ்’ பிராப்இண்டெக்ஸ் (Magicbricks’ PropIndex) (முதல் காலாண்டு, 2020) –ன் சமீபத்திய பதிப்பு மூலம் தெரிய வந்துள்ளது. 


பிராப்இண்டெக்ஸ் (PropIndex) சென்னையில், ஓ.எம்.ஆர் மைக்ரோ மார்க்கெட் தொடர்ந்து சிறப்பாக செயல்படுவதாகவும், வாங்குபவர்களால் அதிகம் விரும்பப்படுவதாகவும் குறிப்பிடுகிறது. 

தொழில்நுட்ப மேம்பாடுகள் மற்றும் பல்வேறு தொழில் நிறுவனங்கள் இந்தப் பிராந்தியத்தில் அமைந்துள்ளதால் ரியல் எஸ்டேட் வளர்ச்சி காணப்படுகிறது.



அண்ணா நகர் மற்றும் அம்பத்தூர் மைக்ரோ சந்தைகளில்  2020 ஆம் ஆண்டின் முதல் காலாண்டில் தேவை கணிசமாக அதிகரித்துள்ளன. இந்த இடங்களின் எதிர்கால வாய்ப்புகளை கணிசமாக மேம்படுத்துவதற்காக தற்போதுள்ள மற்றும் வரவிருக்கும் மெட்ரோ ரெயில் பாதைகளை வாங்குவோர் எதிர்பார்த்ததால் இந்தத் தேவை உயர்ந்துள்ளது.

மேஜிக்பிரிக்ஸ் பிராப்இண்டெக்ஸின்படி, குடியிருப்பு பிரிவு முதன்மையாக மூன்று முக்கியமான காரணிகளால் இயக்கப்படுகிறது:

·        சிறப்பான மெட்ரோ ரெயில் சேவை இணைப்பு மவுண்ட் பூந்தமல்லி சாலையை ஐடி நிறுவனங்களுக்கு ஓ.எம்.ஆர் 2.0 ஆக மாற்றுகிறது. இதனால், குடியிருப்புகளுக்கான தேவை அதிகரிக்கும்.

·        இரண்டு படுக்கை அறை (2 BHK) வீடுகளுக்கான தேவை 2020 முதல் காலாண்டில் அதிகமாக இருந்துள்ளது. இந்தப் பிரிவில் நகரத்தின்  தேடல்கள் 56% ஆக இருந்தன.
·      
  வெளிப்புற வளைய சாலை (Outer ring road) நெமிலிச்சேரி முதல் மீஞ்சூர் வரை நீட்டிப்பு, மற்றும் பூஞ்சேரி சந்திப்பை எண்ணூர் துறைமுகத்துடன் இணைக்கும் புற வளைய சாலை (peripheral ring road) ஆகியவை 2020 ஆம் ஆண்டில் நிறைவடையக்கூடும்

அதேநேரத்தில், கோவிட்-19  பரவலிருந்தும், அதன் பின்னர் வரும்  நாடு தழுவிய ஊரடங்கிலிருந்தும் ரியல் எஸ்டேட் சந்தை மீண்டு வருவதால் இந்தக் காரணிகள் எவ்வாறு செயல்படுகின்றன என்பதைப் பார்ப்பது சுவாரஸ்யமாக இருக்கும்.

நாடு இயல்பு நிலைக்குத் திரும்பும்போது, அடுத்த இரண்டு ஆண்டுகள் குடியிருப்புப் பிரிவுக்கு முக்கியமானதாக இருக்கும் என்று மேஜிக்பிரிக்ஸ் ஆராய்ச்சி கணித்திருக்கிறது. நிதிச் சிக்கலில் சிக்கியுள்ள பெரும்பாலான ரியல் எஸ்டேட் திட்டங்கள் மத்திய அரசின் ரூ.250 பில்லியன் நிதியின் உதவியுடன் நிறைவடையும் என எதிர்பார்க்கப்படுகிறது.
அதே நேரத்தில், முக்கிய மெட்ரோ  ரெயில் பாதைகளை நிறைவு செய்வது, புற நகர் மற்றும் வணிக பகுதிகளுக்கு இடையேயான இணைப்பை எளிதாக்கி,  ரியல் எஸ்டேட்-ன் அடுத்த கட்ட வளர்ச்சிக்கு வழிவகுக்கும்.

கடைசியாக, கோவிட் -19 நிலைமை சீராகி வந்தவுடன், இந்தச் சோதனை நேரங்களைத் தாங்கி, மேலும் வலுவாக தயாராவது ரியல் எஸ்டேட் துறைக்கு  கட்டாயமாகும்.

சென்னை அடுக்குமாடி குடியிருப்பு: எந்த பகுதிகளுக்கு அதிக தேவை இருக்கிறது?

சென்னை அடுக்குமாடி குடியிருப்பு: எந்த பகுதிகளுக்கு அதிக தேவை இருக்கிறது?


கோவிட் – 19  பரவலுக்கு இடையே, சென்னையின் குடியிருப்பு விலை 6.7% வளர்ச்சி,  மேஜிக்பிரிக்ஸ் பிராப்இண்டெக்ஸ் முதல் காலாண்டு, 2020  மூலம் வெளிப்பாடு

-         அண்ணா நகர் மற்றும் அம்பத்தூர் மைக்ரோ சந்தைகள் குறிப்பிடத்தக்க அளவில் உயர்வு

-         கட்டுமானம் நடந்துக்கொண்டிருப்பது மற்றும் உடனடியாக குடியேறக் கூடிய வீடுகளின் விலை சதுர அடி ரூ. 7,000 மற்றும் அதற்கு அதிகமாக உள்ளது.

 கோவிட் -19 பரவலுக்கு இடையே, சென்னையின்  குடியிருப்பு விலைகள், 2020 –ம் ஆண்டின் முதல் காலாண்டில், முந்தைய ஆண்டின் இதே காலாண்டோடு ஒப்பிடும் போது 6.7% அதிகரித்துள்ளது. உள்கட்டமைப்பு வளர்ச்சி மற்றும் மேம்பட்ட போக்குவரத்து இணைப்பு ஆகியவற்றால் இந்த வளர்ச்சி தூண்டப்பட்டிருகிறது. இந்த விவரம்,  மேஜிக்பிரிக்ஸ்’ பிராப்இண்டெக்ஸ் (Magicbricks’ PropIndex) (முதல் காலாண்டு, 2020) –ன் சமீபத்திய பதிப்பு மூலம் தெரிய வந்துள்ளது. 


கோவிட் -19 (COVID-19) இன் உலகளாவிய பரவல் மற்றும் அதன் தொடர்ச்சியான ஊரடங்கு ஆகியவை இந்தியாவின் ரியல் எஸ்டேட் துறையை பாதித்தாலும், சென்னையின் குடியிருப்பு  ரியல் எஸ்டேட் தேவை  2020 ஜனவரி-பிப்ரவரி-மார்ச் காலத்தில் 6.4%  உயர்ந்துள்ளது. சென்னை மெட்ரோ ரெயில், சென்னை-பெங்களூரு உள்கட்டமைப்பு பாதை (Chennai-Bengaluru infrastructure corridor) மற்றும் புற சாலை வழியாக இணைப்புகளை மேம்படுத்துவது குறிப்பாக புறநகர்களில் குடியிருப்பு சந்தையை வளர்ச்சிப் பாதைக்கு அழைத்து செல்கிறது.

கட்டுமானம் நடந்துக்கொண்டிருப்பது (Under Construction -UC)) மற்றும் உடனடியாக குடியேறக் கூடிய (Ready-to-Move - RM)) வீடு ஆகிய இரு சொத்து பிரிவுகளிலும் அனைத்து விலை பிரிவுகளிலும் 2020 முதல் காலாண்டில் தேவை அதிகரித்துள்ளது.  பெரிய அளவிலான இந்தியப் பொருளாதார மந்த நிலையின் பயத்தையும் தாண்டி இந்த விலை அதிகரிப்பு நடந்துள்ளது. கட்டுமானம் நடந்து வரும் வீடுகளின் விலை 2% அதிகரித்துள்ளது. சென்னை நகரில் பிரீமியம் பிரிவுக்கான (premium segment) தேவை, குறிப்பிடத்தக்க அளவு அதிகரித்துள்ளது. சதுர அடிக்கு ரூ.9,000க்கும் அதிகமான விலையுள்ள சொத்துகளுக்கான நுகர்வோர் தேடல்கள் 20% அதிகரித்து காணப்பட்டிருக்கிறது.

பிராப்இண்டெக்ஸ் குறித்து கருத்து தெரிவிக்கையில், மேஜிக்பிரிக்ஸ் நிறுவனத்தின் முதன்மை நிர்வாக அதிகாரி சுதிர் பாய்  ( PropIndex, Sudhir Pai, CEO, Magicbricks), கூறும் போது, கோவிட் -19 பரவலைக் கட்டுப்படுத்த அரசாங்கம் கடுமையான நடவடிக்கைகளை எடுத்து வருகிறது. சொத்து சந்தையில்  இதன் நீண்டகால தாக்கம் நிச்சயமற்றதாக இருக்கிறது. இன்னும் மதிப்பீடு செய்யப்படவில்லை. ஆனால், இது வீட்டு வாங்குபவர்களின் ஆர்வத்தைக் குறைக்கவில்லை என்று தெரிகிறது.  குடியேற தயாராக இருக்கும் வீடுகள் பிரிவில்  80% தேடல்கள் நடக்கிறது. மீதி கட்டப்பட்டு வரும் வீடுகளாக இருப்பதாக எங்கள் தரவு குறிப்பிடுகிறது.

Wednesday, October 16, 2019

ஹெச்.டி.எஃப்.சி வீட்டுக் கடன் சராசரி ரூ 27.8 லட்சம் HDFC Home Loans

ஹெச்.டி.எஃப்.சி வீட்டுக் கடன் சராசரி ரூ 27.8 லட்சம் HDFC Home Loans



அர்விந்த் ஸ்மார்ட்பேசஸ் & ஹெச்.டி.எஃப்.சி கேப்பிட்டல் ரூ. 250 கோடி முதலீட்டில் வாங்கக் கூடிய மலிவு விலை வீடுகள்நடுத்தர வருமான வருமானப் பிரிவினருக்கான வீட்டு வசதி திட்டம்

அஹமதாபாத்தை தலைமையிடமாகக் கொண்ட லால்பாய் குழுமத்தின் (Lalbhai group) ஓர் அங்கமான  அர்விந்த் ஸ்மார்ட்பேசஸ் (Arvind SmartSpaces Limited - ASL), இந்தியாவின் முன்னணி ரியல் எஸ்டேட் மேம்பாட்டு நிறுவனங்களில் ஒன்று. இது, ஹெச்.டி.எஃப்.சி லிமிடெட் நிறுவனத்தின் முழு துணை நிறுவனமான ஹெச்.டி.எஃப்.சி கேப்பிட்டல் அட்வைசர்ஸ் லிமிடெட் நிர்வகிக்கும்  ஹெச்.டி.எஃப்.சி கேப்பிட்டல் அபோர்டபிள் ரியல் எஸ்டேட் ஃபண்ட் 1 (HDFC Capital Affordable Real Estate Fund 1 - H-CARE 1) உடன் வர்த்தக  கூட்டாண்மை மேற்கொண்டுள்ளதாக அறிவித்துள்ளது.


இந்தக் கூட்டு இந்தியாவில் வாங்கக் கூடிய விலையுள்ள வீடுகள் (affordable housing) மற்றும் நடுத்தர வருமானம் கொண்டவர்களுக்கான வீட்டு வசதித் திட்டங்களை மேம்படுத்துவதில் கவனம் செலுத்துகிறது, அதேநேரத்தில், வீடுகளின் சரியான தரம் மற்றும் சரியான நேரத்தில் வீட்டை ஒப்படைப்பதை உறுதி செய்யும். இந்தத் திட்டம், சிறப்பு நோக்க திட்ட நிறுவனமான “அரவிந்த் ஹோம்ஸ் பிரைவேட் லிமிடெட்(Arvind Homes Private Limited) மூலமாக ரூ.250 கோடி ஆரம்ப முதலீட்டில் ஆரம்பிக்கப்பட்டுள்ளது. 



ஹெச்.டி.எஃப்.சி லிமிடெட்-ன் நிர்வாக இயக்குநர் திருமதி. ரேணு சுத் கர்னாட் (Ms. Renu Sud Karnad, Managing Director, HDFC Ltd) கூறும்போது, இந்தியாவில் வீட்டுவசதி ஒரு முக்கியத் தேவையாக உள்ளது. நகரமயமாக்கலுடன் வாங்கக் கூடிய விலையிலான வீடுகளின் தேவை கணிசமாக அதிகரிக்கும் என்று எதிர்பார்க்கப்படுகிறது. ஹெ.சி.டி.எஃப், இந்தியா முழுவதும் உள்ள முன்னணி ரியல் எஸ்டேட் டெவலப்பர்களுக்கு நெகிழ்வான நீண்ட கால மூலதனத்தை வழங்குவதன் மூலம் இந்தியாவில் வாங்கக் கூடிய மலிவு விலை வீடுகளின் தேவை-வழங்கல்   இடையை உள்ள இடைவெளியை (demand-supply gap) நிவர்த்தி செய்யும்  முயற்சியில் உள்ளது. எங்கள் நோக்கம் மற்றும் மதிப்புகளுடன் இணைந்த அர்விந்த் ஸ்மார்ட்ஸ்பேசஸ் போன்ற டெவலப்பர்களுடன் கூட்டுசேர நாங்கள் கடமைப்பட்டுள்ளோம்.”

ஹெச்.டி.எஃப்.சி கேப்பிஃப்டல் அட்வைசர்ஸ் லிமிடெட்-ன் நிர்வாக இயக்குநர். மற்றும் முதன்மை நிர்வாக அதிகாரி திரு. விபுல் ரூங்தா (Mr. Vipul Roongta, MD & CEO of HDFC Capital Advisors Limited) கூறும்போது,அர்விந்த் ஸ்மார்ட்ஸ்பேசஸ் நிறுவனத்துடனான எங்கள் கூட்டு, உயர்தர மலிவு மற்றும் நடுத்தர வருமானப் பிரிவினருக்கன வீடுகளை செலவு குறைந்த முறையில் கட்டுவது மற்றும் மேம்படுத்துவதில் கவனம் செலுத்தும். இது ஹெச்.டி.எஃப்.சி கேப்பிட்டல் நிறுவனத்தின் சிறந்த மதிப்பிடப்பட்ட ரியல் எஸ்டேட் டெவலப்பர்களுடன் கூட்டு சேருவதற்கான வர்த்தக உத்தியுடன் ஒத்துப்போகிறது.”

அர்விந்த் ஸ்மார்ட்ஸ்பேசஸ் நிறுவனத்தின்  சேர்மன் திரு. சஞ்சய் லால்பாய், (Mr. Sanjay Lalbhai, Chairman, Arvind SmartSpaces) இந்தக் கூட்டு குறித்து கருத்து தெரிவிக்கும் போது,
இந்தக் கூட்டு கிடைத்ததில் நாங்கள் மிகவும் மகிழ்ச்சியடைகிறோம், இது புதிய திட்டங்களில் வளர்ச்சி மற்றும் முதலீடுகளை அதிகரிக்க உதவும். இந்திய வணிகத் துறையில் மிகவும் நம்பகமான இரண்டு நிறுவனங்களுக்கு இடையில் இது இணைந்திருப்பது அனைத்து பங்குதாரர்களுக்கும் நீண்ட கால மதிப்பை உருவாக்கும் என்று நாங்கள் நம்புகிறோம். ஹெச்.டி.எஃப்.சி கேப்பிட்டல் மற்றும் அர்விந்த் நிறுவனங்களால் முதலீடு செய்யப்படும் புதிய நீண்ட கால நிதிகள், செயல்பாடுகளின் அளவிலும், நிறுவனத்தின் புதிய திட்ட அளவிலும் மாற்றத்தைக் கொண்டு வருகின்றன. நம்பிக்கை மற்றும் சிறப்பு மரபுகளை தொடர்ந்து கட்டமைக்கவும் ஒருங்கிணைக்கவும் இந்தக் கூட்டு உதவும்.’’

அர்விந்த் ஸ்மார்ட்ஸ்பேசஸ்-ன் நிர்வாக இயக்குநரும் முதன்மை செயல் அதிகாரியுமான திரு. கமல் சிங்கல் (Mr. Kamal Singal, Managing Director and CEO of Arvind SmartSpaces) கூறும்போது‘’ இந்த முன்மொழியப்பட்ட கட்டமைப்பு (proposed structure) நிறுவனத்தில் மூலதன இடையூறுகளை நீக்குவதோடு மட்டுமல்ல, குறுகிய கால மற்றும் நடுத்தர கால வணிக சுழற்சிகளைக் கவனித்துக்கொள்வதற்காக அதன் பேலன்ஸ் ஷீட்டில் தேவையற்ற அழுத்தங்களை செலுத்தாமல், வணிகத்திற்கு நீண்டகால மூலதனம் கிடைக்கப்பெறுவதை உறுதி செய்ய இது போதுமான நெகிழ்வுத் தன்மையைக் கொண்டிருக்கிறது”.

அர்விந்த் ஸ்மார்ட்ஸ்பேசஸ் பற்றி (About Arvind SmartSpaces):

லால்பாய் குழுமம், 80 ஆண்டுகள் பழமையான பாரம்பரியமிக்கது. இதன் ஓர் அங்கமாக  2008 ஆம் ஆண்டில் நிறுவப்பட்ட அரவிந்த் ஸ்மார்ட்ஸ்பேசஸ் அஹமதாபாத்தை தலைமையிடமாகக் கொண்ட இந்தியாவின் முன்னணி ரியல் எஸ்டேட் மேம்பாட்டு நிறுவனங்களில் ஒன்றாகும். நாடு முழுவதும் சுமார் 70 லட்சம் (7 million) சதுர அடி ரியல் எஸ்டேட் சொத்து உருவாக்கத்துடன், இந்த நிறுவனம் தனது வாடிக்கையாளர்களின் வாழ்க்கைக்கு மதிப்பு சேர்க்கும் ரியல் எஸ்டேட் தீர்வுகளை வழங்குவதில் கவனம் செலுத்துகிறது மற்றும் நாட்டின் முன்னணி கார்ப்பரேட் ரியல் எஸ்டேட் நிறுவனமாக வேகமாக வளர்ந்து வருகிறது. இந்த நிறுவனம் அஹமதாபாத், காந்திநகர், பெங்களூரு மற்றும் புனே போன்ற நகரங்களில்  ரியல் எஸ்டேட் சொத்துகளைக் கொண்டுள்ளது. அர்விந்த்-ன் வலுவான பிராண்ட் பெயரால்  இது வளர்ந்து வருகிறது
ஏற்கனவே நிறைவேற்றப்பட்ட திட்டங்கள் மூலம் பெறப்பட்ட நம்பகத்தன்மை மூலம் , மேலும் விரிவுபடுத்தவும், மேலும் வளரவும் தீவிரமான திட்டங்களைக் கொண்டிருக்கிறது.


ஹெச்.டி.எஃப்.சி லிமிடெட் பற்றி (About HDFC Ltd):
இந்தியாவின் முன்னோடி வீட்டுவசதி நிறுவனமான ஹவுசிங் டெவலப்மென்ட் ஃபைனான்ஸ் கார்ப்பரேஷன் லிமிடெட் (ஹெச்.டி.எஃப்.சி) 72 லட்சத்துக்கும் மேற்பட்ட குடும்பங்களுக்கு சொந்த வீடு கிடைக்க  உதவியுள்ளது. ஹெச்.டி.எஃப்.சியின் வலிமை அதன் மதிப்பு கூட்டப்பட்ட சேவைகளாகும். இந்தச் சேவைகள், பயிற்சி பெற்ற மற்றும் அனுபவம் வாய்ந்த நிபுணர்களின் சிறப்புக் குழு மூலம் வழங்கப்படுகிறது. ஹெச்.டி.எஃப்.சி தொடர்ந்து வாடிக்கையாளர் நட்பு சேவைகளின் நீண்ட வரலாற்றைக் கொண்டுள்ளது.

ஹெச்.டி.எஃப்.சி தொழில்நுட்ப உதவியுடன் வீட்டுக் கடன் வழங்கும் ஒரு மாதிரி வீட்டு வசதி நிதி நிறுவனம் (model housing finance company) என்று விவரிக்கப்பட்டுள்ளது. வளரும் நாடுகளுக்கான ஆசியா, ஆப்பிரிக்கா மற்றும் கிழக்கு ஐரோப்பா முழுவதும் ஆலோசனை பணிகளை அளித்து வருகிறது. ஹெச்.டி.எஃப்.சி வழங்கிய வீட்டுக் கடன் சராசரி ரூ 27.8 லட்சம். பிரதான் மந்திரி அவாஸ் யோஜனா திட்டத்தின் (நகர்ப்புற) கீழ்  இணைக்கப்பட்ட மானியத் திட்டத்தின் கீழ் ஒரு லட்சம் பயனாளிகளைக் கடக்கும் முதல் நிறுவனம் ஹெச்.டி.எஃப்.சி.


ஹெச்.டி.எஃப்.சி கேப்பிட்டல் அட்வைசர்ஸ் பற்றி (About HDFC Capital Advisors):

ஹெச்.டி.எஃப்.சி லிமிடெட்-ன் 100 சதவிகித துணை நிறுவனமாக ஹெச்.டி.எஃப்.சி கேப்பிட்டல் அட்வைசர்ஸ் நிறுவனத்தின் (HDFC Capital Advisors Limited), உள்ளது. இந்த நிறுவனம், ரியல் எஸ்டேட் தனியார் பங்கு  நிதி உதவிக்கான முதலீட்டு மேலாண்மை சேவைகளை வழங்குகிறது. மற்றும் நாட்டின் மிகப்பெரிய நிதி மேலாளர்களில் ஒருவராக உள்ளது.  செபி அமைப்பில் பதிவு செய்யப்பட்ட பிரிவு II மாற்று முதலீட்டு ஃபண்ட்களான (Category II Alternative Investment Fund), ஹெச்.டி.எஃப்.சி கேப்பிட்டல் அபோர்டபிள் ரியல் எஸ்டேட் ஃபண்ட் 1 மற்றும் ஹெச்.டி.எஃப்.சி கேப்பிட்டல் அபோர்டபிள் ரியல் எஸ்டேட் ஃபண்ட் 2-ன் (HDFC Capital Affordable Real Estate Fund 1 (H-CARE 1) and HDFC Capital Affordable Real Estate Fund 2 (H-CARE 2) முதலீட்டு மேலாளராக இருக்கிறது.  ஹெச் – கேர் ஃபண்ட்களின் முதன்மை முதலீட்டாளர்கள் அபுதாபி முதலீட்டு ஆணையத்தின் (Abu Dhabi Investment Authority -ADIA) முழுக்க சொந்தமான துணை நிறுவனமும், தேசிய முதலீட்டு மற்றும் உள்கட்டமைப்பு நிதியமும் (National Investment and Infrastructure Fund -NIIF)) அடங்கும்

ஹெச் – கேர் 1 மற்றும் ஹெச் – கேர் 2 ஃபண்ட்கள், இந்தியாவின் முன்னணி 20 நகரங்களில் வாங்கக் கூடிய மலிவு விலை வீடுகள் மற்றும் நடுத்தர வருமானம் கொண்ட குடியிருப்பு திட்டங்களை குறிவைத்து 1.1 பில்லியன் அமெரிக்க டாலர் (US$1.1 billion) உருவாக்கி உள்ளது. இந்தத் தளத்தின் முதன்மை நோக்கம், இந்தியாவில் வாங்கக் கூடிய விலையிலான மலிவு விலை வீடுகள் மற்றும் நடுத்தர வருமான வீடுகளை அபிவிருத்தி செய்வதற்கான நிலம் மற்றும் முன் ஒப்புதல் கட்டத்தில் உள்ள டெவலப்பர்களுக்கு நீண்ட கால, பங்கு மூலதனம் மற்றும் பங்கு மூலதனம் மற்றும் கடன் பத்திர மூலதனத்தை வழங்குவதாகும்.

தற்போது, கிட்டத்தட்ட 1 பில்லியன் அமெரிக்க டாலர் முதலீடுகள், இந்தியா முழுவதும் உள்ள முன்னணி டெவலப்பர்களுடன் மலிவு விலை வீடுகள் மற்றும் நடுத்தர வருமானம் கொண்டவர்களுக்கான வீடுகளை அளிக்க உறுதிபூண்டுள்ளன.

ஹெச்.டி.எஃப்.சி கேப்பிட்டல் லிமிடெட், சமீபத்தில் ஹெச்.டி.எஃப்.சி அபோர்டபிள் ரியல் எஸ்டேட் மற்றும் தொழில்நுட்ப திட்டத்தை (HDFC Affordable Real Estate and Technology Program - H@ART) அறிமுகப்படுத்தியது. H@ART,  மலிவு விலை வீடுகள் மற்றும் சுற்றுச்சூழல் அமைப்பினுள் புதுமை மற்றும் செயல்திறனை மேம்படுத்தும் ரியல் எஸ்டேட் தொழில்நுட்ப நிறுவனங்களில் வழிகாட்டி, பங்குதாரர், முதலீடு செய்ய முயல்கிறது.

கூடுதல் விவரங்களுக்கு, Contact:
Mr. Jagdish Dalal
Phone: +919825039722