Showing posts with label Retirement. Show all posts
Showing posts with label Retirement. Show all posts

Saturday, December 7, 2019

விருப்ப ஓய்வு: கவனிக்க வேண்டிய அம்சங்கள்..!

விருப்ப ஓய்வு: கவனிக்க வேண்டிய அம்சங்கள்..!


சரியும் ஜி.டி.பி வளர்ச்சி...
பொருளாதாரம் உயர
எடுக்க வேண்டிய 5  நடவடிக்கைகள்!



எல்லோருக்கும்
ஏற்ற எஸ்.ஐ.பி...
ஈஸி டிப்ஸ்!


விருப்ப ஓய்வு: கவனிக்க வேண்டிய அம்சங்கள்..!

நாணயம் விகடன் - டிசம்பர் 8, 2019 முதல் கடைகளில் கிடைக்கும் 

Wednesday, November 27, 2019

ஆக்ஸிஸ் ரிட்டயர்மென்ட் சேவிங்ஸ் ஃபண்ட்

ஆக்ஸிஸ் ரிட்டயர்மென்ட் சேவிங்ஸ் ஃபண்ட்


ஆக்ஸிஸ் மியூச்சுவல் ஃபண்ட்ஆக்ஸிஸ் ரிட்டயர்மென்ட் சேவிங்ஸ் ஃபண்ட்அறிமுகம்



முக்கிய அம்சங்கள்
·         ஓய்வூதியத் திட்டமிடல் என்பது  உழைக்கும் வயதினருக்கு ஒரு முக்கிய பிரச்னையாக இருக்கிறதுபணி ஓய்வுக்கு பிறகு தன்னிறைவாக இருக்க விரும்புகிறார்கள்.
·         முதலீட்டாளர்களுக்கு நீண்ட கால ஓய்வுக்கால நிதியை திரட்டுவதற்கு ஏற்ப ஆக்ஸிஸ் ரிட்டயர்மென்ட் சேவிங்ஸ் ஃபண்ட் வடிவமைக்கப்பட்டிருக்கிறது.
·         எப்போது வேண்டுமானாலும் முதலீடு செய்யக் கூடிய மற்றும் வெளியேறக் கூடிய திட்டமாகும். மேலும், முதலீட்டாளர்களின் வயது மற்றும் மாறிவரும் சூழ்நிலைகளைப் பொறுத்து மாறும் இடர்ப்பாடுகளை பூர்த்தி செய்யும் விதமாக நெகிழ்வுத்தன்மையுடன் மூன்று வெவ்வேறு திட்டங்களாக  இந்த ஃபண்ட் உள்ளது.
·         ஐப்ளஸ் எஸ்.ஐ.பி  இன்சூரன்ஸ் மூலம் நீண்டகால எஸ்.ஐ.பி முதலீட்டாளர்களுக்கு நிலுவையில் உள்ள எஸ்.ஐ.பி கடமைகளின் அடிப்படையில் பிரத்யேகமான  ஆயுள் காப்பீட்டை வழங்குகிறது
புதிய ஃபண்ட் வெளியீடு தேதி: நவம்பர் 29, 2019 முதல் டிசம்பர் 13, 2019 வரை




முன்னணி மியூச்சுவல் ஃபண்ட் நிறுவனங்களில் ஒன்றான ஆக்ஸிஸ் மியூச்சுவல் ஃபண்ட் (Axis Mutual Fund), இன்று அதன் புதிய ஃபண்ட் - ‘ஆக்ஸிஸ் ரிட்டயர்மென்ட் சேவிங்ஸ் ஃபண்ட்’ (‘Axis Retirement Savings Fund’) அறிமுகம் செய்துள்ளது. இது, எப்போது வேண்டுமானாலும் முதலீடு செய்யக் கூடிய மற்றும் வெளியேறக் கூடிய (Open ended) திட்டமாகும்.   இது ஓய்வூதிய தீர்வு சார்ந்த திட்டம் (retirement solution oriented scheme), முதலீட்டை 5 ஆண்டுகள் அல்லது ஓய்வூதிய வயது வரை (எது முந்தையது) எடுக்க முடியாது.  புதிய ஃபண்ட் வெளியீடு (New Fund Offer -NFO)  நவம்பர் 29, 2019 தொடங்கி டிசம்பர்  13, 2019 நிறைவு பெறுகிறது.

முறையான சமூக பாதுகாப்பு (social security) இல்லாதது மற்றும் பாரம்பரியக் கூட்டுக் குடும்ப  கட்டமைப்புகளில் மாற்றங்கள் ஆகியவற்றுடன் நீண்ட கால ஓய்வூதிய வாழ்க்கையை வாழ்வதற்கான வாய்ப்பை அவர்கள் எதிர்கொள்வதால், ஓய்வூதியத் திட்டமிடல் (Retirement planning) என்பது  மெதுவாக நாட்டின் உழைக்கும் வயதினரிடையே  ஒரு முக்கியமான பிரச்னையாக உருவாகி இருக்கிறது. ஆக்சிஸ் சொத்து மேலாண்மை நிறுவனம் (Axis AMC) நடத்திய சந்தை ஆய்வின் கண்டுபிடிப்புகளால் இந்தச் சிக்கல்கள் தீர்க்கப்படுகின்றன. இந்த ஆய்வில்,  வெவ்வேறு பின்னணி மற்றும் வெவ்வேறு நகரங்களில் ஓய்வு பெறுவதற்கான தயார்நிலை (readiness for retirement) குறித்து அனைவரும் கவலை தெரிவித்திருப்பது தெரிய வந்துள்ளது.

மக்கள் தங்கள்  பணி ஓய்வுக் காலத்தில் தன்னிறைவு (self-sufficient) பெற ஆசைப்படுகிறார்கள். அவர்கள் ஓய்வு பெறுவது அவர்களின் வாழ்க்கை முறையில் (lifestyle) மாற்றத்தை கொண்டு வருவதை அவர்கள் விரும்பவில்லை. இந்தச் சவால்களைப் பற்றிய விழிப்புணர்வு அதிகரித்து வருவதால், மக்களுக்கு உதவ சரியான நிதி தீர்வின் (financial solution) தேவை அதிகரித்து வருகிறது. இந்த ஆக்ஸிஸ் ரிட்டயர்மென்ட் சேவிங்ஸ் ஃபண்ட், சிறப்பு அம்சங்களுடன் முதலீட்டாளர்களுக்கு உதவ பிரத்யேகமாக வடிவமைக்கப்பட்டிருக்கிறது.

முதலீட்டாளர்களின் நெகிழும் இடர்ப்பாட்டுக்கு ஏற்ற திட்டங்கள், சொத்துப் பிரிவுகளில் வலிமையான நிதி மேலாண்மை, குறைவான வரி (tax efficiency), பணி ஓய்வுக்கு பிறகு வருமானத்தை பயன்படுத்துவதில் நெகிழும் தன்மை, எஸ்.ஐ.பி முதலீட்டாளர்கள் தொடர்ந்து முதலீட்டை மேற்கொண்டால் அவர்களுக்கு நீண்ட கால ஆயுள் காப்பீடு சலுகை அளிக்கப்படுகிறது.

ஆக்ஸிஸ் ரிட்டயர்மென்ட் சேவிங்ஸ் ஃபண்ட் –ல் முதலீட்டு பூட்டுக் காலம் (lock-in) 5 ஆண்டுகள் அல்லது ஓய்வூதிய வயது வரை (எது முந்தையது) ஆக உள்ளது. முதலீட்டாளர்களின் மாறுபட்ட இடர்ப்பாடு சுயவிவரங்களை மனதில் கொண்டு, இந்த ஃபண்ட் மூன்று முதலீட்டுத் திட்டங்களை வழங்குகிறது  அக்ரசிவ் பிளான் (Aggressive Plan), இதில் நிறுவனப் பங்குகளில் செய்யப்படும் முதலீடு 65-80% வரை இருக்கும். டைனமிக் பிளான் (Dynamic Plan), இதில் நிறுவனப் பங்குகளில் செய்யப்படும் முதலீடு, 65% மற்றும் 100%க்கு இடையே மாறும் வகையில் நிர்வகிக்கப்படும். கன்சர்வேடிவ் பிளான் (Conservative Plan), இதில் கடன் சந்தை சார்ந்த முதலீடு 40 முதல் 80% வரை இருக்கும்.

ஓய்வூதிய ஃபண்ட் போன்ற நீண்ட கால தீர்வை வழங்கும்போது வெவ்வேறு இடர்ப்பாட்டு சுயவிவரங்களுடன் (risk profiles) வெவ்வேறு விருப்பங்களைக் (options) கொண்டிருப்பது அவசியம். ஏனென்றால், முதலீட்டாளர்களின் வயது மற்றும் சூழ்நிலையின் அடிப்படையில்  இடர்ப்பாடு  சுயவிவரங்களில் மாற்றங்கள் ஏற்படும். எடுத்துக்காட்டாக, முதலீட்டாளர்கள் ஓய்வூதிய வயதை நெருங்கும்போது,  இடர்ப்பாட்டை சந்திக்கும் திறன் குறைந்து, அதன் விளைவாக அவர்களுக்கு குறைந்த இடர்ப்பாடு கொண்ட முதலீட்டு விருப்பம் (low risk investment option) தேவைப்படுகிறது.

அதே நேரத்தில் பணி ஓய்வுக்கு நீண்ட காலமுள்ள ஓர் இளைய முதலீட்டாளர் அதிக  இடர்ப்பாட்டை எடுக்க முடியும். மேலும், செல்வத்தை உருவாக்குவதில் (wealth generation) கவனம் செலுத்தும் முதலீட்டு விருப்பத்தில் அதிக  கவனம் செலுத்த வேண்டும்.

ஐப்ளஸ்  எஸ்.ஐ.பி  இன்சூரன்ஸ்  (Iplus SIP Insurance)

இந்த ஃபண்ட் ஒரு தனித்துவமான மற்றும் புதுமையான அம்சத்தை வழங்குகிறது. இது முதலீட்டாளரின் நீண்ட கால திட்டமிடப்பட்ட முதலீடுகள் அறியப்படாத இடர்ப்பாட்டுக்கு ஆளாகாது என்பதை உறுதிசெய்கிறது.

இந்த ப்ளஸ்  எஸ்.ஐ.பி  இன்சூரன்ஸ், முதலீட்டாளர்களுக்கு அவர்களின் நீண்டகால எஸ்.ஐ.பிகளின் மீதமுள்ள உறுதிப்பாட்டிற்கு சமமான   ஆயுள் காப்பீட்டை இலவசமாக வழங்குகிறது. இந்த அம்சம், முதலீட்டாளர்கள் தங்கள் குடும்பத்தினரையும் சார்ந்திருப்பவர்களையும் மனதில் வைத்து நீண்ட கால முதலீட்டு திட்டங்களை உருவாக்குவதால் மன அமைதியை அனுமதிக்கும். இந்தக் காப்பீட்டை ஹெச்.டி.எஃப்.சி லைஃப் இன்சூரன்ஸ் கம்பெனி லிமிடெட் (HDFC Life Insurance Company Limited) வழங்குகிறது.

ஆக்ஸிஸ் மியூச்சுவல் ஃபண்ட நிறுவனத்தின் நிர்வாக இயக்குநர் மற்றும் முதன்மை செயல் அதிகாரி திரு. சந்திரேஷ்குமார் நிகம் (Mr. Chandresh Kumar Nigam, MD & CEO, Axis AMC) கூறும் போது,’’ ஆக்ஸிஸ் சொத்து மேலாண்மை நிறுவனம், முதலீட்டாளர்களின் தேவைகள் மற்றும் ஆசைகளை நிறைவேற்றுவதில்  கூடுதல் கவனம் எப்போதும் செலுத்தி வருகிறது. ஆக்ஸிஸ் ரிட்டயர்மென்ட் சேவிங்ஸ் ஃபண்ட், என்பது முதலீட்டாளர்கள் தங்கள் நிதித் திட்டமிடலில் மிக முக்கியமான பகுதியை செயல்படுத்த உதவும் எங்களின் சிறிய உதவியாகும்.

மேலும் ஒவ்வொரு முதலீட்டாளருக்கும் அவர்களின் பயணத்தை சிறந்த முறையில் வழிநடத்தும் நெகிழ்வுத்தன்மையை வழங்குவதன் அவசியத்தை மனதில் கொண்டு இந்த ஃபண்டை  நாங்கள் வடிவமைத்துள்ளோம்நிலையான நீண்ட கால வருவாயை மையமாகக் கொண்டு ஆக்ஸிஸ் ஏ.எம்.சி முதலீட்டு கொள்கையை கொண்டிருப்பதால்முதலீட்டாளர்கள் மகிழ்ச்சியான ஓய்வுக் காலத்தை அடைய உதவ முடியும் என்று நாங்கள்  நம்புகிறோம்

ஆக்ஸிஸ் ஏ.எம்.சி  பற்றி (About Axis AMC):


 ஆக்ஸிஸ் சொத்து மேலாண்மை நிறுவனம் (Axis AMC), மியூச்சுவல் ஃபண்ட்கள் (பரஸ்பர நிதிகள்), போர்ட்ஃபோலியோ மேலாண்மை சேவைகள் மற்றும் மாற்று முதலீடுகள் (alternative investments) என ஒருங்கிணைந்த சொத்து மேலாண்மை வழங்கும் இந்தியாவின் வேகமாக வளர்ந்து வரும் சொத்து மேலாண்மை நிறுவனங்களில் ஒன்றாகும் 
Mr. Ujjawal Punmiya
AVP – Public Relations& Corporate Communications
M: +91 9619130947

Product Labelling

* Investors should consult their financial advisers if in doubt about whether the product is suitable for them.
For detailed asset allocation & investment strategy, kindly refer to scheme information document of Axis Retirement Savings Fund.
Disclaimer: This press release represents the views of Axis Asset Management Co. Ltd. and must not be taken as the basis for an investment decision. Neither Axis Mutual Fund, Axis Mutual Fund Trustee Limited nor Axis Asset Management Company Limited, its Directors or associates shall be liable for any damages including lost revenue or lost profits that may arise from the use of the information contained herein. Investors are requested to consult their financial, tax and other advisors before taking any investment decision(s). Statutory Details: Axis Mutual Fund has been established as a Trust under the Indian Trusts Act, 1882, sponsored by Axis Bank Ltd. (liability restricted to Rs. 1 Lakh). Trustee: Axis Mutual Fund Trustee Ltd. Investment Manager: Axis Asset Management Co. Ltd. (the AMC). Risk Factors: Axis Bank Limited is not liable or responsible for any loss or shortfall resulting from the operation of the scheme.  No representation or warranty is made as to the accuracy, completeness or fairness of the information and opinions contained herein. The AMC reserves the right to make modifications and alterations to this statement as may be required from time to time.
The information set out above is included for general information purposes only and does not constitute legal or tax advice. In view of the individual nature of the tax consequences, each investor is advised to consult his or her own tax consultant with respect to specific tax implications arising out of their participation in the Scheme. Income Tax benefits to the mutual fund & to the unit holder is in accordance with the prevailing tax laws as certified by the mutual funds consultant. Any action taken by you on the basis of the information contained herein is your responsibility alone. Axis Mutual Fund will not be liable in any manner for the consequences of such action taken by you. The information contained herein is not intended as an offer or solicitation for the purchase and sales of any schemes of Axis Mutual Fund.
Mutual Fund Investments are subject to market risks, read all scheme related documents carefully.



Saturday, September 7, 2019

இந்த 5 விஷயங்களைக் கடைப்பிடித்தால் 50 வயதில் நிம்மதியாக  ஓய்வு பெறலாம்!

இந்த 5 விஷயங்களைக் கடைப்பிடித்தால் 50 வயதில் நிம்மதியாக ஓய்வு பெறலாம்!


இந்த 5 விஷயங்களைக் கடைப்பிடித்தால் 50 வயதில் நிம்மதியாக  ஓய்வு பெறலாம்!
 - நிதி ஆலோசகர் யு.என்.சுபாஷ்

இன்றைய நிலையில் பெரும்பாலான வர்கள் 58 வயது வரை வேலை பார்க்க விரும்புவதில்லை. அதற்கு முன்பே பணியிலிருந்து ஓய்வுபெற்று, மீதமுள்ள காலத்தில் தங்களுக்குப் பிடித்த சேவை செய்ய அல்லது  நிம்மதியாக கழிக்க விரும்புகிறார்கள்.

இப்படி விரும்புகிறவர்களில் சிலர் மட்டுமே அதற்கான திட்டமிடலை செய்து தங்கள் ஆசையை / இலக்கை நிறைவேற்றிக் கொள்கிறார்கள்.

பலர் சரியான திட்டமிடல் இல்லாமல் ஆசைப் படுவதோடு நின்றுவிடுகிறார்கள்.
50  வயதில் ஓய்வுபெற என்ன செய்ய வேண்டும், எந்த மாதிரி திட்டமிடல் வேண்டும் என. விளக்கமாக பார்ப்போம்.

1. இளமையிலேயே திட்டம்

''
கல்வி பயில   வாழ்நாளின் பெரும் பகுதியை செலவு செய்யும் நாம், அடுத்ததாக வேலைக்குச் சென்று அல்லது தொழில் செய்து சம்பாதிப்பதிலேயே அதிக காலத்தைக் கழித்துவிடுகிறோம். இதற்கிடையில் கிடைக்கும் நேரத்தில் ஓய்வு, குடும்பத்தாருடன் கொண்டாட்டம், குதூகலம். ஆனால், நம் ஓய்வுக்காலத்துக்கு எந்த நிதியும் சேர்த்துவைக்காமல், பின்னர் கஷ்டப்படுகிறோம்.

பணி ஓய்வுக்கு முன்பாகவே ஓய்வுபெற விரும்புபவர்கள் செய்ய வேண்டிய முதல் விஷயம்,  சம்பாதிக்க ஆரம்பிக்கும்போதே, அதாவது, இளம் வயதிலேயே ஓய்வுக் காலத்துக்கான சேமிப்பைத் தொடங்க வேண்டும். ஏனெனில் ஓய்வுக் காலம் என்பது நீண்டகாலம் என்பதால், அதற்கு தேவையான  முதலீட்டுக்கும் கால அவகாசம் கிடைக்கும். சிறு துளி பெருவெள்ளம் என்பதுபோல, சிறுக சிறுக முதலீடு செய்யவும் ஏதுவாக இருக்கும்.

உதாரணத்துக்கு, 25 வயதுள்ள ஒருவர் ரூ. 40,000 மாதம்  சம்பாதிப்பதாகக் கொள்வோம்.

ரூ. 20,000 குடும்பச் செலவு என்றால்  மீதி அவரிடம் முதலீட்டுக்காக ரூ. 20,000  இருக்கும்.
இந்த  ரூ.20,000யில் 43% தொகையை, அதாவது 8,500 ரூபாயைத் தனது 50வது வயது வரை தொடர்ந்து முதலீடு செய்ய வேண்டும். இந்த முதலீட்டை சம்பளம் உயரும்போது  ஆண்டு தோறும் 10% அதிகரித்து வர வேண்டும் என்பது கட்டாயம்.

ஆண்டுக்கு சராசரியாக சுமார்  14% வருமானம் எதிர்பார்க்கக்கூடிய ஈக்விட்டி ஃபண்டு ளில் 8,500 ரூபாயை  முதலீடு செய்து வந்தால் அவரின் 58 வயதில் ரூ. 4.31 கோடி கிடைக்கும். இந்தத் தொகை அவர் 9% வருமானம் தரக்கூடிய கடன் சார்ந்த மியூச்சுவல் ஃபண்ட்களில் முதலீடு செய்தால்  அப்போது  தேவைப்படும் மாத செலவு  ரூ. 1.37 லட்சத்தை எளிதாக சமாளிக்க முடியும்.

அதே 30-40 வயது வரை உள்ள ஒருவர் அன்று வரை ஓய்வுக் காலத்துக்கு முதலீடு எதுவும் செய்யாதபட்சத்தில்  சம்பாத்தியம் / வருமானம் அதிகமாக இருந்தால் மட்டுமே முன்னதாகவே ஓய்வு பெறுவது குறித்து யோசிக்க வேண்டும். ஏனெனில், அன்றைய நிலையில் அவர் குடும்பச் செலவு போக மீதமிருக்கும் தொகையில் பெரும் பகுதியை ஓய்வுக்காலத்துக்காக முதலீடு செய்தாக வேண்டும்.

2. விடாமல் தொடர்ந்து முதலீடு

கல் வலிமையானதா அல்லது தண்ணீர் வலிமையானதா என்று கேட்டால், எல்லோரின் பதிலும் கல் என்பதாகவே இருக்கும்

. ஆனால், அந்தப் பலம் வாய்ந்த கல்லின் மீதும் நீரானது விழுந்து கொண்டே இருந்தால், அந்தக் கல்லும் உடைந்துவிடும் என்பதை யாராலும் மறுக்க முடியாது.
அதுபோலத்தான் 50 வயதில் ஓய்வுபெற நினைப்பவர்களும் ஆரம்பித்த முதலீட்டை தொடர்ந்து செய்துகொண்டே வரவேண்டும். இடையில் வரும் நிதி தடையால் ஓய்வுக்கால முதலீட்டை நிறுத்துவது கூடாது.

சம்பாதிப்பவர்களுக்கு வருடத்துக்கு ஒருமுறை சம்பள உயர்வு என்பது இருக்கும். நம்மில் பலர்  ஒவ்வொரு வருடமும் சம்பளம் உயரும் போது செலவை அதிகப்படுத்துகிறோமே தவிர, முதலீட்டை அதிகரிப்பதில் கோட்டை விட்டுவிடுகிறோம்

 ஓய்வுக்கால முதலீட்டைப் பொறுத்தவரை, முதலீட்டில் சீரான ஒழுக்கமாக இருந்தே ஆக வேண்டும். இதற்கு முதலீட்டில் சமச்சீர் முதலீட்டு திட்டத்தை (எஸ்ஐபி) பின்பற்றுவது அவசியம்.

3. சிக்கனம் தேவை!
 
50
வயதில் ஓய்வை இலக்காகக் கொண்டவர்கள் சிக்கனத்தைக் கடைப்பிடிக்க வேண்டியது கட்டாயம். சுற்றத்தாரைப் பார்த்து பந்தாவுக்காக வாழ்வதில் எந்த பிரயோஜனமும் இல்லை.

சிக்கனத்தை பிள்ளைகளின் திருமணம் மற்றும் அவர்களின் கல்வியி லும்கூடக் காட்டுவது அவசியமே. ஏனெனில், பிள்ளைகளின் கல்விக்கும், திருமணத்துக்கும் பிளான் பி என்கிற ஆப்ஷன் இருக்கிறது.

அதாவது, கல்விக் கடன் மற்றும் சிக்கனமான திருமணம் போன்ற திட்டங்கள்.
ஆனால், ஒருவரின் ஓய்வுக்கால தேவைக்கு மாற்றாக வேறெந்த திட்டத்தையும் நம்மால் தீட்டிவிட முடியாது.

ஆனால், நம்மில் பெரும்பாலானவர்கள் செய்யும் தவறு குழந்தைகளின் கல்வி மற்றும் திருமணத்துக்காக அதிகமாகச் செலவு செய்துவிட்டு, ஓய்வுக் காலத்தில் அவர்களை நம்பி வாழ்க்கையை நடத்திக்கொள்ளலாம் என்று நினைப்பதே.

இந்த இடத்தில், 'பெற்றுப் போட்ட பிரம்மாக்களே 1 முதல் 10 வயது வரை பிள்ளைகளுக்கு நீங்கள் வேலைக்காரர்கள், 15 வயது வரை பிள்ளைகள் உங்களுக்கு வேலைக்காரர்கள். 16 முதல் பாகம் பிரிக்கும் வரை தோழர்கள். பிறகு தூரத்து உறவினர்கள்என்கிற வைரமுத்துவின் கவிதை வரிகளை நினைத்து பாருங்கள்...



4. மிகச் சரியான முதலீட்டுத் திட்டம்

ஓய்வுக்காலத்துக்காக  தொடர்பு வைப்பு (ஆர்.டி) போட்டி ருக்கேன். வைப்பு திட்டத்தில் (எஃப்டி) பணம் சேர்க்கிறேன் என்பதெல்லாம் வேலைக்கு ஆகாது.
இளம்வயதிலேயே ஓய்வுக்கால முதலீட்டை ஆரம்பித்துவிடுவதால், தாராளமாக  ரிஸ்க் எடுக்கலாம். அதனால் ஈக்விட்டி சார்ந்த முதலீட்டு திட்டங்களைத் தேர்வு செய்வது உத்தமம்.
நாம் தேர்வு செய்யும் முதலீட்டுத் திட்டங்கள் சிறப்பாக அமைந்துவிட்டால், இலக்கை அடைவதும் எளிதாகிவிடும்.

5. கடன்  கூடாது!
 
50
வயதில் ஓய்வுபெற நினைப்பதால், பெரும்பாலும் கடன் இல்லாமல் பார்த்துக்கொள்வது அவசியம். ஏனெனில் ஓய்வுக்குப்பிறகும் கடன் இருந்தால் நிம்மதியான ஓய்வுக்காலத்தை இழந்து தவிக்கும் நிலையே உருவாகும்.
ஆனால், நம்மில் பெரும்பாலானவர்கள் அவசரத் தேவை களுக்காகக் கடன் வாங்கிவிட்டேன் என்று சொல்வார்கள். அவசரத் தேவைக்கான நிதி ஒதுக்குதல் என்கிற திட்டமே இந்த மாதிரி இக்கட்டான சூழ்நிலைகளைத் தவிர்க்கத்தான் என்பதை மறக்க வேண்டாம்

கட்டுரை ஆசிரியரை தொடர்பு கொள்ள

un.subhash@gmail.com









மியூச்சுவல் ஃபண்ட் முதலீடுகள் 

சந்தை அபாயங்களுக்கு உட்பட்டது.

Mutual Fund investments are subject to market risks, read all scheme related documents carefully.

Disclaimer
Mutual Fund investments are subject to market risks, read all scheme related documents carefully. The NAVs of the schemes may go up or down depending upon the factors and forces affecting the securities market including the fluctuations in the interest rates. The past performance of the mutual funds is not necessarily indicative of future performance of the schemes.
The Mutual Fund is not guaranteeing or assuring any dividend under any of the schemes and the same is subject to the availability and adequacy of distributable surplus. Investors are requested to review the prospectus carefully and obtain expert professional advice with regard to specific legal, tax and financial implications of the investment/participation in the scheme.
While all efforts have been taken to make this web site as authentic as possible, please refer to the print versions, notified Gazette copies of Acts/Rules/Regulations for authentic version or for use before any authority. We will not be responsible for any loss to any person/entity caused by any short-coming, defect or inaccuracy inadvertently or otherwise crept in the Mutual Funds Sahi Hai web site. https://www.mutualfundssahihai.com/en/disclaimer