Showing posts with label Share - ETF. Show all posts
Showing posts with label Share - ETF. Show all posts

Wednesday, May 20, 2020

ஆப்பிள், கூகிள், டெஸ்லா, அமேசான், மெர்சிடிஸ் பென்ஸ் சர்வதேச பங்குச் சந்தைகளில் முதலீடு செய்வதற்கான வாய்ப்பு...!

ஆப்பிள், கூகிள், டெஸ்லா, அமேசான், மெர்சிடிஸ் பென்ஸ் சர்வதேச பங்குச் சந்தைகளில் முதலீடு செய்வதற்கான வாய்ப்பு...!


அப்ஸ்டாக்ஸ், 25 நாடுகளில் 60+  பங்குச் சந்தைகளுடன் உலகளாவிய முதலீட்டு சேவை அறிமுகம்
·         சர்வதேச பங்குச் சந்தைகளில் முதலீடு செய்வதற்கான வாய்ப்பை வழங்கும்  இந்தியப் பங்கு  தரகு நிறுவனங்களில் ஒன்று

·         அமெரிக்க பங்குகளில் ஜீரோ கமிஷன் வர்த்தகத்தை வழங்குகிறது
ஆர்.கே.எஸ்.வி செக்யூரிட்டீஸ் இந்தியா பிரைவேட் லிமிடெட் (RKSV Securities India Private Limited), {பதிவுசெய்யப்பட்ட பிராண்ட் அப்ஸ்டாக்ஸ் (Upstox)} இந்தியாவின் முன்னணி மற்றும் வேகமாக வளர்ந்து வரும் பங்கு தரகு (broking) நிறுவனங்களில் ஒன்றாகும். இது, ஒரு புதிய உலகளாவிய முதலீட்டு சேவையை அறிமுகப்படுத்தியுள்ளது. 25 நாடுகளில் 60க்கும் மேற்பட்ட பங்குச் சந்தைகளில் ஒரே தளத்தில் (platform) முதலீடு செய்யும் வசதியை இந்திய முதலீட்டாளர்களுக்கு அறிமுகப்படுத்துகிறது. இதுபோன்ற பரந்த அளவிலான பங்குச் சந்தைகளில் முதலீடு செய்யும் வாய்ப்பை வழங்கும் சில இந்திய தரகு நிறுவனங்களில் ஒன்றாக அப்ஸ்டாக்ஸ் உருவாகி இருக்கிறது. தற்போது, உலகளாவிய பங்குச் சந்தைகள் 90 டிரில்லியன் டாலர் மதிப்புடையது. மேலும் உலகம் முழுவதும் 60 முக்கிய பங்குச் சந்தைகள் உள்ளன. இப்போது, அப்ஸ்டாக்ஸ்-ன் புதிய உலகளாவிய முதலீட்டு தளத்துடன், இந்திய முதலீட்டாளர்கள் நாஸ்டாக், டவ் ஜோன்ஸ் அல்லது ஹேங் செங் (NASDAQ, Dow Jones or the Hang Seng) போன்ற எந்தவொரு பங்குச் சந்தையிலும் முதலீடு செய்யலாம்.
உலகின் மிகப் பெரிய நிறுவனங்களான ஆப்பிள், கூகிள், டெஸ்லா, அமேசான், மெர்சிடிஸ் பென்ஸ் அல்லது டீவா  (Apple, Google, Tesla, Amazon, Mercedes-Benz, or Teva) போன்றவற்றின் பங்குகளில் அவர்கள் முதலீடு செய்ய முடியும். கூடுதலாக, முதலீட்டாளர்கள் பூஜ்ஜிய கமிஷனில் அமெரிக்காவின் எந்தப்  பங்குச் சந்தையிலும் முதலீடு செய்யலாம்.
மேலும், முதலீட்டாளர்கள் இந்தச் சர்வதேச பங்குகளின் முழு பங்குகளையும் வாங்க தேவையில்லை. பகுதியளவு முதலீட்டைப் பயன்படுத்தி, அவர்கள் ஒரு பங்கின் ஒரு சிறிய பகுதியாகக் கூட முதலீடு செய்யலாம், மேலும் இனி வரையறுக்கப்பட்ட முதலீட்டு  கட்டுப்பாடு இல்லை. இது முதலீட்டாளர்கள் தங்கள் இடர்ப்பாட்டை (risk) பரவலாக்கவும், அவர்களின் முதலீட்டுக் கலவையை (portfolio) பல்வகைப்படுத்தவும், வெவ்வேறு நாடுகளில் உள்ள முதலீட்டு வாய்ப்புகளைப் பயன்படுத்திக் கொள்ளவும் அனுமதிக்கிறது.
அப்ஸ்டாக்ஸ்-ன்  இணை நிறுவனர் ரவி குமார், (Ravi Kumar, Co-Founder of Upstox), கூறும் போது,“ பன்முகப்படுத்தப்பட்ட நிதி ஆதாரங்களை ஒதுக்குவது முதலீட்டாளர்களின் நீண்டகால முதலீட்டு நோக்கங்களை அடைய உதவுவதில் அர்த்தமுள்ள பங்கைக் கொண்டிருக்கும் என்று நான் நம்புகிறேன். இந்திய முதலீட்டாளர்களுக்கு பங்கு வர்த்தகத்தை எளிதாக அணுக அனுமதிக்கும் எங்கள் தொடர்ச்சியான முயற்சிகளின் ஒரு பகுதியாக அப்ஸ்டாக்ஸ் குளோபல் இன்வெஸ்ட்மென்ட்ஸ் (Upstox Global Investments) ஆரம்பித்திருப்பதாகும். இந்தச் சேவை உலகளாவிய முதலீட்டிற்கு பரந்த அளவில் குறிப்பிடத்தக்க மற்றும் கவர்ச்சிகரமான வாய்ப்பை வழங்குகிறது."
அப்ஸ்டாக்ஸ்- இணை நிறுவனர் ரவி குமார்,

இந்திய
முதலீட்டாளர்கள் பொதுவாக இந்திய நிறுவனப் பங்குகள் அல்லது பரஸ்பர நிதிகளில் (mutual funds) முதலீடு செய்கிறார்கள். இதன் அர்த்தம் அவர்கள் உலகளாவிய பொருளாதார வளர்ச்சியின் லாபத்தை இழக்கிறார்கள் மற்றும் ஒரு நாட்டின் பொருளாதார ஏற்ற இறக்கங்களுக்கு அதிகமாக உள்ளனர். சர்வதேச நிறுவனப் பங்குகளில் முதலீடு செய்வது முதலீட்டிற்கு கூடுதல் பாதுகாப்பை சேர்க்கிறது.

Wednesday, December 12, 2018

அனைத்து தரப்பு முதலீட்டாளர்களுக்கும் ஏற்றது, ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப்

அனைத்து தரப்பு முதலீட்டாளர்களுக்கும் ஏற்றது, ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப்


ஆதித்ய பிர்லா சன் லைஃப் மியூச்சுவல் ஃபண்ட் நிறுவனம், ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப்  அறிமுகம்
(நிஃப்டி நெக்ஸ்ட் 50 குறியீட்டை பின்பற்றும் ஓப்பன் எண்டெட் திட்டம்)

 முக்கிய அம்சங்கள்

·         ஃபண்ட் வெளியீடு டிசம்பர் 11, 2018 அன்று ஆரம்பிக்கிறது, டிசம்பர் 17, 2018 அன்று நிறைவடைகிறது
·         நிஃப்டி 50 க்கு அடுத்து  கீழே உள்ள 50 நிறுவனப் பங்குகளில்   முதலீடு  செய்யும் வாய்ப்பு
·         திட்டத்தின் அலகுகள் என்எஸ்இ மற்றும் பிஎஸ் இ- ல் பட்டியலிடப்படும்
·         இந்தக்  குறியீடு பரந்த அளவிலான துறைகளை சேர்ந்தது என்பதால் முதலீடு  பரவலாகிறது
·          நுழைவு  மற்றும்  வெளியேறும் கட்டணம் இல்லை

சென்னை, டிசம்பர் 10, 2018: ஆதித்ய பிர்லா கேப்பிட்டல் லிமிடெட் (முந்தைய பெயர் ஆதித்ய பிர்லா ஃபைனான்ஷியல் சர்வீசஸ் லிமிடெட்) – ன் துணை நிறுவனம் மற்றும் ஆதித்ய பிர்லா சன் லைஃப் மியூச்சுவல் ஃபண்ட் நிறுவனத்தின் (Aditya Birla Sun Life Mutual Fund - ABSLMF) முதலீட்டு நிறுவனமான  ஆதித்ய பிர்லா சன் லைஃப் ஏஎம்சி (Aditya Birla Sun Life AMC Limited  - முந்தைய பெயர் ஆதித்ய பிர்லா சன் லைஃப் அஸெட் மேனேஜ்மென்ட் கம்பெனி லிமிடெட்), ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப் -(Aditya Birla Sun Life Nifty Next 50 ETF) ஐ அறிமுகம் செய்துள்ளது. இது எப்போது வேண்டுமானலும் முதலீடு செய்யும், எப்போது வேண்டுமானலும் முதலீட்டை வெளியே எடுக்கும் வசதி கொண்ட ஓப்பன் எண்டெட் திட்டம் ( open ended scheme) ஆகும். இது நிஃப்டி நெக்ஸ்ட் 50 குறியீட்டை ( Nifty Next 50 Index) பின்பற்றும் பங்குச் சந்தையில் வர்த்தகமாகும் ஃபண்ட் (Exchange Traded Fund - ETF) ஆகும். இந்த இடிஎஃப், முதலீட்டாளர்களுக்கு நிஃப்டி50 க்கு அடுத்து  கீழே உள்ள50 நிறுவனப் பங்குகளில்   முதலீடுசெய்யும் வாய்ப்பை அளிக்கிறது. நிஃப்டி நெக்ஸ்ட் 50 குறியீட்டில் இடம் பெற்றிருக்கும் 50 பங்குகளின் அதே விகிதாச்சாரத்தின் அடிப்படையில் அதே பங்குகளில் இந்தத் திட்டத்தில் முதலீடு செய்யப்படும்.

இந்த புதிய ஃபண்ட் வெளியீடு (New Fund Offer -NFO) டிசம்பர்11, 2018 அன்று ஆரம்பிக்கிறது.  டிசம்பர்17, 2018 அன்று  வணிக நேர முடிவில் நிறைவடைகிறது. இந்த இடிஎஃப் விற்பனை மற்றும் மறுமுதலீட்டுக்காக (sale and repurchase), முதலீட்டாளர்களுக்கு அலகுகள் (Units) ஒதுக்கீடு செய்யப்பட்ட ஐந்து வணிக தினங்களுக்குள் ஆரம்பிக்கிறது. இந்தத் திட்டத்தின் முதலீட்டு நோக்கம், நிஃப்டி நெக்ஸ்ட் 50 குறியீடு அளிக்கும் மொத்த வருமானத்தை ஒட்டி அளிப்பதாக இருக்கிறது. குறியீட்டை பின்பற்றும் போது ஏற்படும் டிராக்கிங் எரர் (tracking errors) –ஐ பொறுத்து வருமானம் சற்று மாறுபடக் கூடும்.

இந்தத் திட்டம் அறிமுகம் குறித்து ஆதித்ய பிர்லா சன் லைஃப் ஏஎம்சி லிமிடெட்-ன் தலைமை செயல் அதிகாரி திரு. ஏ.பாலசுப்பிரமணியன்
(Mr. A. Balasubramanian, CEO, Aditya Birla Sun Life AMC Limited) கூறும் போது: “பங்குகளின் மதிப்பின் அடிப்படையில் மிகப் பெரிய நிறுவனப் பங்குகளில் ((large-cap)) நிஃப்டி 50 மற்றும் நிஃப்டி நெக்ஸ்ட் 50 குறியீட்டில் இடம் பெற்றிருக்கும் பங்குகள் மிகவும் எளிதில் பணமாக்க கூடிய (liquid stocks) பங்குகளாக இருக்கின்றன. நிஃப்டி நெக்ஸ்ட் 50 குறியீட்டில் இடம் பெற்றுள்ள பங்குகள், அதிக வளர்ச்சிக்கு வாய்ப்புள்ளவையாகவும், முன்னணிக்கு செல்லும் திறன் கொண்டவையாகவும் இருக்கின்றன.  எனவே, இந்தியாவின் வளர்ச்சியில் இந்த நிறுவனப் பங்குகள் பங்கேற்பவையாக இருக்கின்றன.

மேலும் விளக்கி கூறும் போது திரு. பாலசுப்பிரமணியன், நீண்ட காலத்தில் நிஃப்டி நெக்ஸ்ட் 50 குறியீட்டில் இடம் பெற்றுள்ள நிறுவனங்கள், பிரதான குறியீட்டில் இடம் பெற்றிருக்கும் நிறுவனங்களை விட மிகவும் சிறப்பாக செயல்படும் என கணித்திருக்கிறோம்.

இடிஎஃப்கள் என்பது பங்குச் சந்தையில் பட்டியலிடப்பட்ட மியூச்சுவல் ஃபண்ட்கள் ஆகும். இவை, நிறுவனப் பங்குகள் போல் பங்குச் சந்தையில் வர்த்தகமாகும். இதன் பிரத்யேக அமைப்பின்படி, அனைத்து வகை முதலீட்டாளர்கள் குறிப்பாக சிறு முதலீட்டாளர்கள் அல்லது நிறுவன முதலீட்டாளர்கள் இதில் நீண்ட காலம் அல்லது குறுகிய காலத்துக்கு முதலீடு செய்யலாம். முதலீட்டாளர்கள் தங்களின் முக்கிய பங்குச் சந்தை சார்ந்த முதலீட்டுக் கலவையில் (Equity Portfolio) இந்த வகையான நிதி ஆவணங்களை சேர்த்துக்கொள்ளலாம்.

நிஃப்டி நெக்ஸ்ட் 50 குறியீட்டில் இடம் பெற்றுள்ள 50 நிறுவனங்களின் பங்குகள் பல்வேறு துறைகளை சேர்ந்தவையாகும். எந்த ஒரு துறையிலும் அதிக விகிதாச்சாரத்தை கொண்டிருக்கவில்லை. உதாரணத்துக்கு, நிஃப்டி நெக்ஸ்ட் 50 குறியீட்டில் இடம் பெற்றிருக்கும் முதல் 5 துறைகளின் பங்களிப்பு  76% ஆக உள்ளது. இதுவே நிஃப்டி 50 குறியீட்டில்  84%  ஆக உள்ளது,”  என திரு. ஏ. பாலசுப்பிரமணியன் தெரிவித்தார்.

இந்த ஃபண்டில் நுழைவு மற்றும் வெளியேறும் கட்டணம் கிடையாது. புதிய ஃபண்ட் வெளியீட்டுக்கு பிறகு பங்குச் சந்தைகள் மூலம் பங்குச் சந்தையின் வர்த்தக நேரத்தில் வாங்கவும் விற்கவும் செய்யலாம்.

புதிய ஃபண்ட் வெளியீட்டின் போது, குறைந்தபட்ச முதலீட்டு ரூ. 5,000 மற்றும் அதன் பிறகு ரூ.1,000 மடங்குகளில் இருக்கிறது.   

ஆதித்ய பிர்லா சன் லைஃப் மியூச்சுவல் ஃபண்ட் நிறுவனத்தின் நிதி மேலாளர் லோவிலிஷ் சோலங்கி (Lovelish Solanki, Fund Manager, Aditya Birla Sun Life Mutual Fund) ஆதித்ய பிர்லா சன் லைஃப் நிஃப்டி நெக்ஸ்ட் 50 இடிஎஃப் -ஐ, நிர்வகிப்பார்.


Media Queries –

 

Amrita Panja
Chief Manager - Corporate Communications
Email: Amrita.Panja@adityabirlacapital.com



Saturday, April 14, 2018

 இண்டெக்ஸ் ஃபண்டுகளின் நன்மை, தீமைகள்..!  சொக்கலிங்கம் பழனியப்பன், பிரகலா வெல்த்மேனேஜ்மென்ட்

இண்டெக்ஸ் ஃபண்டுகளின் நன்மை, தீமைகள்..! சொக்கலிங்கம் பழனியப்பன், பிரகலா வெல்த்மேனேஜ்மென்ட்

Index Funds Positive and Negative இண்டெக்ஸ் ஃபண்டுகளின் நன்மை, தீமைகள்..!



சொக்கலிங்கம் பழனியப்பன், பிரகலா வெல்த்மேனேஜ்மென்ட்

ஒரு ஃபண்ட் மேனேஜரின் திறமையையோ அல்லது ஒரு ஃபண்ட் நிறுவனத்தின் திறமையையோ வைத்து இவை செயல்படுவதில்லை. ஆகவே, இண்டெக்ஸ் ஃபண்டுகளில் ஹ்யூமன் எரர் (human error) என்று சொல்லக்கூடிய மனிதர்கள் செய்யக்கூடிய தவறுகள் மிக மிகக் குறைவு.

மேலும், இண்டெக்ஸ் ஃபண்டுகள் தொழில் மற்றும் பொருளாதாரத்தை அடிப்படையாகக் கொண்டு செயல்படுகின்றன. ஆகவே, அடிப்படை பொருளாதாரம் நன்றாக இருக்கும் வரைக்கும், இந்த ஃபண்டுகளின் செயல்பாடும் நன்றாக இருக்கும். இந்த வித ஃபண்டுகளின் ஃபண்ட் நிர்வாகக் கட்டணங்கள் குறைவு.

இந்த இண்டெக்ஸ் ஃபண்டுகளிலும் பிற ஆக்டிவ் ஃபண்டுகளைப் போலவே, எஸ்.ஐ.பி, எஸ்.டி.பி, எஸ்.டபிள்யூ.பி போன்ற அனைத்து வசதிகளும் இருக்கின்றன.
மேலும், இண்டெக்ஸ் ஃபண்டுகள்  குறிப்பிட்ட குறியீட்டை பின்பற்றுவதால், முதலீட்டுப் பரவாக்கம் (Diversification) நன்றாக இருக்கிறது.
அமெரிக்கா போன்ற வளர்ந்த நாடுகளில் ஆக்டிவ் ஃபண்டுகளை, இன்டெக்ஸ் ஃபண்டுகள் அதிக வருமானம் தந்திருகின்றன. அது போன்ற நாடுகளில் இண்டெக்ஸ் ஃபண்டுகள் குறைந்த செலவில் சிறப்பான வருமானத்தை கொடுத்து வருகின்றன.

இந்தியா போன்ற வளரும் நாடுகளில், பங்குச் சந்தை பல்வேறு காரணங்களால் அவ்வளவு திறமையாக செயல்படவில்லை. ஆகவே, ஆக்டிவ் ஃபண்ட் மேனேஜர்கள் தொடர்ந்து இண்டெக்ஸ் ஃபண்டுகளைவிட அதிக வருமானத்தைக் கொடுத்து வருகின்றன.
சொக்கலிங்கம் பழனியப்பன்,
பிரகலா வெல்த்மேனேஜ்மென்ட்
 இண்டெக்ஸ் ஃபண்டுகளில் முதலீடு செய்பவர்கள் ஆக்டிவ் ஃபண்டுகளுடன் ஒப்பிடும்போது குறைவான வருமானத்தை பெற்று வருகிறார்கள்.
ஆக்டிவ் ஃபண்ட் மேனேஜர், சந்தை வெகுவாக ஏறி இருக்கும்போது சற்று பாதுகாப்பான (அதிகம் இறக்கம் காணாத) பங்குகளில் முதலீடு செய்ய முடியும். அதேபோல், ரொக்க கையிருப்பை  அதிகப்படுத்திக் கொள்ள முடியும்.
ஆனால், இண்டெக்ஸ் ஃபண்டுகளால் சந்தை கீழே விழும்போது, விரும்பினாலும் வீழ்ச்சியின் விகிதத்தைக் குறைக்க முடியாது.

தற்போதைய நிலையில் முதலீட்டாளர்கள் பெரும்பாலும் ஆக்டிவ் ஃபண்ட்களிலேயே அதிகமாக முதலீடு செய்கிறார்கள்.  காரணம் இண்டெக்ஸைவிட அதிக வருமானத்தை ஆக்டிவ் ஃபண்டுகள் தந்து கொண்டிருப்பதுதான்.
பங்குச் சந்தையைவிட அதிக ரிஸ்க் எடுக்க விரும்பாதவர்கள், நீண்ட காலத்தில் வங்கி டெபாசிட் விட  சற்று அதிக வருமானத்தை வருமான வரிக்கு பிந்தைய நிலையில் பெற  விரும்புபவர்கள், மியூச்சுவல் ஃபண்டுகளில் முதன்முறை முதலீடு செய்பவர்கள், மூத்த குடிமக்கள்,  ஃபண்ட் நிர்வாகத்தில் குறைவான செலவு விகிதத்தை விரும்புகிறவர்கள் போன்ற அனைவரும் இண்டெக்ஸ் ஃபண்டுகளில் முதலீடு செய்யலாம்.


Wednesday, April 11, 2018

இண்டெக்ஸ் ஃபண்டுகள் வெர்சஸ்இ.டி.எஃப்-கள்

இண்டெக்ஸ் ஃபண்டுகள் வெர்சஸ்இ.டி.எஃப்-கள்


இண்டெக்ஸ் ஃபண்டுகள் வெர்சஸ்இ.டி.எஃப்-கள்

பேஸிவ் ஃபண்டுகளை இண்டெக்ஸ் ஃபண்டுகள் (Index Funds) என்றும் சொல்லலாம்.

இ.டி.எஃப்-கள் (ETFs – Exchange Traded Funds)  இண்டெக்ஸ் ஃபண்ட் பிரிவின் கீழ் வரும்.
இண்டெக்ஸ் ஃபண்டுகளை டீமேட் கணக்கு இல்லாமலே வாங்கலாம் மற்றும் விற்கலாம்.

மேலும், இண்டெக்ஸ் ஃபண்டுகளை வாங்க / விற்க தரகு கட்டணம் (புரோக்கரேஜ்) செலுத்த வேண்டாம்.

இண்டெக்ஸ் ஃபண்ட்டில் ஒரு நாளைக்கு ஒருமுறைதான் வர்த்தகம் / முதலீடு செய்ய முடியும்.

இ.டி.எஃப்-களை பங்குச் சந்தை மூலம்தான் வாங்க முடியும்.  இ.டி.எஃப்-களில் ஒரு நாளில் எத்தனை முறை வேண்டு மானாலும் வர்த்தகம் செய்யலாம். .

Tuesday, April 10, 2018

 இண்டெக்ஸ் ஃபண்டுகளில் கவனிக்க வேண்டிய 3 முக்கிய அம்சங்கள்..!

இண்டெக்ஸ் ஃபண்டுகளில் கவனிக்க வேண்டிய 3 முக்கிய அம்சங்கள்..!

Index Funds இண்டெக்ஸ் ஃபண்டுகளில் கவனிக்க வேண்டிய 3 முக்கிய அம்சங்கள்..!

சொக்கலிங்கம் பழனியப்பன், பிரகலா வெல்த்மேனேஜ்மென்ட்


 * கட்டணங்கள்
 நுழைவுக் கட்டணம்
பொதுவாக எந்த மியூச்சுவல் ஃபண்ட்க்கும் இப்போது இந்தியாவில் இல்லை.
வெளியேறும் கட்டணம் :
சில இண்டெக்ஸ் ஃபண்டுகளில் இல்லை; சில ஃபண்டுகளில் உள்ளது.
முதலீடு செய்யும் ஃபண்டின் வெளியேறும் கட்டணத்தை கவனித்துக் கொள்ளுங்கள்.

* செலவு விகிதம்

 பணியாளர் ஓய்வுக் கால நிதியானது (EPF) பங்குச் சந்தையில் இடிஎஃப்கள் மூலம் முதலீடு செய்யப்படுவதால், பல ஃபண்ட் நிறுவனங்கள் தங்களின் இண்டெக்ஸ் இடிஎஃப் நிர்வாகச் செலவு விகிதத்தை (Expense ratio) குறைத்துள்ளன.
பிற இண்டெக்ஸ் ஃபண்டுகளுடன் ஒப்பிடும்போது, உங்கள் ஃபண்டின் செலவு விகிதத்தை ஒப்பிட்டுக் கொள்ளுங்கள்.
சொக்கலிங்கம் பழனியப்பன்,
பிரகலா வெல்த்மேனேஜ்மென்ட்

* டிராக்கிங் எரர்

டிராக்கிங் எரர் எந்த அளவு உள்ளது என்பதையும் கவனிப்பது அவசியம்.

சமீப காலங்களில் இ.டி.எஃப் ஃபண்ட்கள் மூலம் நிர்வகிக்கும் தொகை ஏற்றம் கண்டு வருகின்றன. ஆனால், இண்டெக்ஸ் ஃபண்டுகளில் நிர்வகிக்கப்படும் தொகை அந்த அளவு  ஏறவில்லை.

இந்தியாவில் இண்டெக்ஸ் ஃபண்டுகள், சென்செக்ஸ் மற்றும் நிஃப்டி 50 குறியீடுகளை அடிப்படையாகக் கொண்டு செயல்பட்டு வருகின்றன. அதனைத் தொடர்ந்து நிஃப்டி ஜூனியர், மிட்கேப், பிஎஸ்இ 100, சிஎன்எக்ஸ் 500 போன்ற பிற குறியீடுகளையும் அடிப்படையாகக் கொண்டு இண்டெக்ஸ் ஃபண்டுகள் செயல்பட்டு வருகின்றன.


Sunday, November 12, 2017