மத்திய பட்ஜெட் 2022-23-ல் அறிவிக்கப்பட்ட ‘கிரீன் பாண்ட்’ முதலீட்டாளர்களிடையே அதிக ஆர்வத்தைத் தூண்டியிருக்கிறது. நிதி நிபுணர் திரு. வ.நாகப்பன் கூறினார்
‘‘ காலநிலை மாற்றம் தொடர்பான பாதிப்புகள் சர்வதேச நாடுகளின் கவனத்துக்கு வந்த பிறகு, அது குறித்து மாநாடுகள் நடத்தப்பட்டு வருகின்றன. அந்த மாநாடுகளில் கார்பன் வெளியேற்றத்தைக் குறைக்கும் நடவடிக்கைகளை எடுத்து சுற்றுச் சூழலைப் பாதுகாக்க வேண்டும் என்பது பிரதான நோக்கமாக முன்வைக்கப்பட்டிருக்கிறது. கார்பன் வெளியேற்றத் துக்கு ஏற்ப எடுக்க வேண்டிய நடவடிக்கைகள் குறித்து நாடுகள் ஆராய்ச்சி செய்து வருகின்றன. இதற்கு அதிக முதலீடு தேவைப்படுகிறது. இதை திரட்ட கிரீன் பாண்ட் திட்டம் கொண்டு வரப்பட்ட்டிருக்கிறது.
பல்வேறு நாடுகள் பசுமை பத்திரங்களை வெவ்வேறு பெயர்களில் வெளியிட்டு வருகின்றன. கடந்த செப்டம்பர் 2021-ல் . இங்கிலாந்து ஏஏ ( AA) தரக் குறியீடு கொண்ட கிளைமேட் பாண்டுகளை 10 பில்லியன் பவுண்டுகளுக்கு வெளியிட்டது. டாலர் மதிப்பில் இது 13.6 பில்லியன் டாலர ஆகும்.
இந்தப் பத்திரங்களில் முதலீடு செய்ய 10 மடங்கு அதிகமாக விண்ணப்பங்கள் குவிந்தன. இந்த கிளைமேட் பத்திரங்களுக்குக் கிடைத்த வரவேற்பை அடுத்து மீண்டும் ஆறு பில்லியன் பவுண்டுகளுக்கு பத்திரங்களை வெளியிட்டது. அதுவும் 12 மடங்கு அதிகமாக விண்ணப்பிக்கப்பட்டது.அதைத் தொடர்ந்து ஐரோப்பிய ஒன்றியம் ஏ ஏ ஏ (AAA) தரக் குறியீடு கொண்ட கிரீன் பாண்டுகளை 12 பில்லியன் யூரோவுக்கு வெளியிட்டது. அதற்கான விண்ணப்பங்கள் 11 மடங்கு அதிக மாகக் குவிந்தன.
சர்வதேச எரிசக்தி ஏஜென்சி வெளியிட்டுள்ள கணிப்புப்படி, வளர்ந்துவரும் நாடுகள் தங்களின் நாட்டில் பூஜ்ய கார்பன் வெளியீட்டு இலக்கை எட்டுவதற்கு 4 டிரில்லியன் டாலர் முதலீடு செய்ய வேண்டும். இதற்குத் தேவையான நிதியைத் திரட்ட சிறந்த வழியாக இந்த கிரீன் பாண்டுகள் உள்ளன. சர்வதேச அளவில் இந்தப் பசுமை பத்திரங்களுக்குக் கிடைத்துள்ள வரவேற்பு இந்தியாவிலும் நிச்சயம் இருக்கும் எனலாம்” என்றார்..
இந்தியாவில் கடந்த 2015 ஆம் ஆண்டிலிருந்தே பசுமைப் பத்திரங்கள் வெளியிடப்பட்டு வருக்கின்றன இவற்றை கார்ப்பரேட் நிறுவனங்கள் அதிகம் வெளியிட்டுள்ளன. கடந்த 2021-ல்தான் அதிகபட்சமாக 6.11 பில்லியன் டாலருக்கு பசுமை பத்திரங்கள் வெளியிட்டுள்ளன. 2021-ல் வெளியிடப்பட்ட மொத்த கிரீன் பாண்டுகளில் 94% நிதித்துறை அல்லாத கார்ப்பரேட் நிறுவனங்களால் வெளியிடப்பட்டுள்ளன.
இந்த நிலையில், தற்போது பட்ஜெட்டில் கிரீன் பாண்டுகளை மத்திய அரசு வெளியிட உள்ளது என்ற அறிவித்துள்ளது. ஏனெனில், உலகின் மூன்றாவது பெரிய கார்பன் டை ஆக்ஸைடு உமிழ்வு நாடாக உள்ள இந்தியா உள்ளது. நம் நாட்டில் கார்பன் சமநிலை நாடாக புத்துயிர் பெறுவதற்கு 10 டிரில்லியன் டாலர் முதலீடுகள் செய்யப்பட வேண்டும்.
