முருகேசு : அப்பா உன்ன கணக்கு வாத்தியார் பார்க்கணுமாம்.நீ ஸ்கூலுக்கு வரணும்.
அப்பா : எதுக்குடா என்னை வரச் சொல்றான் ?
முருகேசு : கிளாஸ்ல ஒரு கேள்வி கேட்டாங்க.9 அ 7 ஆல பெருக்கினா என்ன வரும்னு? கேட்டாங்க அதுக்கு நான் 63 ன்னு சொன்னேன்.
அப்பா : சரி அப்புறம்.
முருகேசு : 7அ 9 ஆல பெருக்கினா என்ன வரும்னு கேட்டாங்க.
அப்பா : அதே எழவு தானேடா. வரும். சரி நீ என்ன சொன்ன?
முருகேசு : அதே எழவு தானேடா வரும்னு சொன்னேன்.உன்ன வந்து பார்க்கச் சொல்லிட்டாங்க.
அப்பா : சரி ,சரி நாளைக்கு வரேன்.
அடுத்த நாள்
முருகேசு : அப்பா ஸ்கூலுக்கு வந்து டீச்சரைப் பார்த்தியா?
அப்பா :இல்லடா நாளைக்கு வரேன்.
முருகேசு : சரி நாளைக்கு கணக்கு வாத்தியாரை பார்த்துட்டு அப்படியே பி.டி. வாத்தியாரையும் பார்த்துடு.
அப்பா : எதுக்குடா ?
முருகேசு : ட்ரில்(drill) இருந்தது.முதல்ல வலது கையத் தூக்கச் சொன்னாரு செஞ்சேன்.
அப்புறம் இடது கையத் தூக்கச் சொன்னார். செஞ்சேன்..
ரெண்டு கையயும் தூக்கிட்டே வலது கால தூக்கச் சொன்னாரு தூக்கினேன்..
அப்றம் இடது கால தூக்குன்னு சொன்னாரு .
அப்பா : ரெண்டு காலையும் தூக்கிட்டு எப்படி நிக்க முடியும்? லூசா அவன்?.. சரி நீ என்ன பண்ணுன?
முருகேசு : ரெண்டு காலையும் தூக்கிட்டு எப்படிடா நிக்க முடியும் லூசாடா நீ-ன்னு தான் சொன்னேன்.உங்கப்பாவை கூட்டிட்டு வான்னு சொல்லிட்டாரு.
அப்பா : சரி சரி நாளைக்கு வந்து பார்க்கிறேன்
அதற்கு அடுத்த நாள்
முருகேசு : இன்னிக்கு ஸ்கூலுக்கு போனியாப்பா ?
அப்பா : இல்லடா நாளைக்கு வரேன்.
முருகேசு : நீ போக வேணாம்பா.
அப்பா : ஏண்டா?
முருகேசு :ஸ்கூலேர்ந்து என்னை டிஸ்மிஸ் பண்ணிட்டாங்க
அப்பா : ஏண்டா? என்னாச்சுடா?
முருகேசு :பிரின்சிபல் ரூமுக்கு வரச் சொன்னார்.அங்க கணக்கு டீச்சர், பி.டி. டீச்சர், சயின்ஸ் டீச்சர் மூணு பேரும் இருந்தாங்க.
அப்பா : சயின்ஸ் டீச்சரா.! அந்த நாய் ஏன்டா அங்க இருந்தான்?
முருகேசு :அதைத் தான்பா நானும் கேட்டேன்.டிஸ்மிஸ் பண்ணி வீட்டுக்கு அனுப்பிட்டாங்க
கூற வந்த கருத்து:
"பெற்றோரிடம் கற்றபடியே பிள்ளைகளும் வளர்கிறார்கள்"
"பெற்றோரிடம் கேட்டதையே பிள்ளைகளும் பேசுகிறார்கள்"
"நல்ல மாணவர்களை உருவாக்குவது ஆசிரியர் மட்டுமல்ல பெற்றோர்களின் கடமையும் கூட"
