தேசிய பங்கு சந்தையில் தனி நபர்
முதலீட்டாளர்களின் எண்ணிக்கை 12 கோடியை தாண்டி சாதனை
மும்பை, செப்டம்பர்
27,2025: இந்திய தேசிய பங்குச்
சந்தையில் பதிவுசெய்துள்ள தனிநபர் முதலீட்டாளர் எண்ணிக்கையானது கடந்த 23ந்தேதியுடன் 12 கோடியைத்
தாண்டி சாதனை படைத்துள்ளது. தேசிய பங்குச் சந்தையில் பதிவு செய்துள்ள மொத்த
முதலீட்டாளர் கணக்குகளின் எண்ணிக்கை (தனித்துவமான வாடிக்கையாளர் குறியீடுகள்)
கடந்த 23-ந்தேதி வரை 23.5 கோடியாக உள்ளது. இது ஜூலை 2025ல் 23 கோடியைத் தாண்டியது.
தேசிய பங்குச் சந்தை செயல்பாடுகளைத் தொடங்கிய 14 ஆண்டுகளுக்குப்
பிறகு பதிவு செய்த முதலீட்டாளர் எண்ணிக்கையானது 1 கோடியை
எட்டியது, அடுத்த 1 கோடி
சேர்க்கைக்கு சுமார் ஏழு ஆண்டுகள் ஆனது, அதைத்
தொடர்ந்து 1 கோடி சேர்க்கைக்கு சுமார் மூன்றரை ஆண்டுகள் ஆனது, அதனைத்
தொடர்ந்து மார்ச் 2021-ல் பதிவுசெய்யப்பட்ட
முதலீட்டாளர் தளம் 4 கோடியை எட்ட 25 ஆண்டுகளுக்கும்
மேலானது, அதன் பின்னர் 1 கோடி
முதலீட்டாளர்கள் சுமார் 6 முதல் 7 மாதங்களில்
சேர்க்கப்பட்டனர்.
இந்தியாவின் முதலீட்டாளர் எண்ணிக்கையில் அதிகரிப்பிற்கு
முக்கிய காரணமாக, டிஜிட்டல் மயமாக்கல், நிதி
தொழில்நுட்பம், நடுத்தர மக்களின் வளர்ச்சி மற்றும் பிரதமர் நரேந்திர
மோடியின் தலைமையின் கீழ் ஆதரவான கொள்கை நடவடிக்கைகள் ஆகியவை உள்ளன.
இந்த நிதியாண்டில் இதுவரை (செப்டம்பர் 23, 2025 நிலவரப்படி), முக்கிய
நிப்டி 50 குறியீடு 7.0% வருமானத்தை
ஈட்டியுள்ளது, அதே நேரத்தில் நிப்டி 500 குறியீடு
இந்த காலகட்டத்தில் 9.3% லாபத்தை ஈட்டியுள்ளது.
செப்டம்பர் 23, 2025 உடன் முடிவடைந்த ஐந்து ஆண்டு காலத்தில் நிப்டி 50
மற்றும் நிப்டி 500 முறையே 17.7% மற்றும் 20.5% வருடாந்திர வருமானம்
கிடைத்துள்ளது. அதேபோல் செப்டம்பர் 23, 2025
நிலவரப்படி, தேசிய பங்கு சந்தையில் பட்டியலிடப்பட்ட நிறுவனங்களின் சந்தை
மூலதனம் இந்த ஐந்து ஆண்டு காலத்தில் 25.1% ஆண்டு விகிதத்தில் ரூ.460 லட்சம்
கோடியாக அதிகரித்துள்ளது. கடந்த ஜூன் 30, 2025
நிலவரப்படி, தனிப்பட்ட முதலீட்டாளர்கள், நேரடியாகவும்
மறைமுகமாகவும் மியூச்சுவல் பண்ட் மூலம், சந்தையில்
18.5% முதலீடு செய்துள்ளார்கள்.
இன்றைய முதலீட்டாளர்களில் நான்கில் ஒருவர் பெண்கள். மேலும், சமீபத்திய
ஆண்டுகளில் நாட்டின் இளைஞர்களிடையே நிதிச் சந்தைகள் மற்றும் பங்கு உரிமையில்
ஆர்வம் அதிகரித்து வருகிறது. இது பங்கு சந்தை மீது முதலீட்டாளர்கள் வைத்திருக்கும் நம்பிக்கைக்கு ஒரு
சான்றாகும். இந்தியாவில் இன்று வரை பதிவு செய்துள்ள 12 கோடி முதலீட்டாளர்களின்
சராசரி வயது சுமார் 33 ஆகும், இது ஐந்து
ஆண்டுகளுக்கு முன்பு 38 இருந்தது, அவர்களில்
சுமார் 40% பேர் 30 வயதுக்குக் குறைவானவர்கள்.
இதற்கு முக்கிய காரணம் இந்தியா முழுவதும் உள்ள இளைஞர்கள்
இதில் அதிக ஆர்வம் காட்டுவதாகும். இன்றைய முதலீட்டாளர் தளம் இந்தியாவின்
பின்கோடுகளில் 99.85%ஐ உள்ளடக்கி உள்ளது. கடந்த ஆகஸ்ட் 31, 2025
நிலவரப்படி, ஒரு கோடிக்கும் அதிகமான தனி நபர் முதலீட்டாளர்கள் வரிசையில்
மகாராஷ்டிரா 1.9 கோடி முதலீட்டாளர்களுடன் முன்னணியில் உள்ளது, அதைத்
தொடர்ந்து உத்தரபிரதேசம் 1.4 கோடி முதலீட்டாளர்களுடன் இருந்தது. இதில் சமீபத்தில்
நுழைந்த குஜராத் 1.03 கோடி முதலீட்டாளர்களுடன் 3வது இடத்தில் உள்ளது.
கடந்த ஏப்ரல் 25 முதல் ஆகஸ்ட் 25 வரை சுமார் 2.9 கோடி புதிய
எஸ்ஐபி கணக்குகள் திறக்கப்பட்டு உள்ளது. இந்த காலகட்டத்தில், சராசரி
மாதாந்திர எஸ்ஐபி வரவு ரூ.27,464 கோடியாக
இருந்தது, இது கடந்த ஆண்டின் இதே மாதங்களில் ரூ.21,883 கோடியாக
இருந்தது.
முதலீடு தொடர்பான விழிப்புணர்வு மூலம் புதிய
முதலீட்டாளர்களின் வருகை அதிகரித்துள்ளது. அதிலும் குறிப்பாக பலர் இளம் தலைமுறை, முதல் முறை
முதலீட்டாளர்கள் ஆவார்கள். கடந்த ஐந்து ஆண்டுகளில், இந்த
பகுதியில் தேசிய பங்கு சந்தை தனது பணிகளை சிறப்பாக மேற்கொண்டதே இந்த வளர்ச்சிக்கு
முக்கிய காரணம் ஆகும். இதன் முதலீட்டாளர் விழிப்புணர்வு திட்டங்கள் நான்கு மடங்காக
அதிகரித்துள்ளன – 2020-ம் நிதி ஆண்டில் 3,504 ஆக
இருந்து தற்போது 2025-ம் நிதி ஆண்டில் 14,679 ஆக
உயர்ந்து அனைத்து மாநிலங்கள் மற்றும் யூனியன் பிரதேசங்களிலும் 8 லட்சத்திற்கும்
மேற்பட்ட பங்கேற்பாளர்களை சென்றடைந்துள்ளது. இதற்கிடையில், இதன்
முதலீட்டாளர் பாதுகாப்பு நிதி கடந்த ஆகஸ்ட் 31, 2025
நிலவரப்படி ஆண்டுக்கு ஆண்டு அதிகரிப்பு அடிப்படையில் சுமார் 21% உயர்ந்து ரூ.2,644 கோடியாக
உள்ளது.
இது குறித்து தேசிய பங்கு சந்தையின் தலைமை வணிக மேம்பாட்டு
அதிகாரி ஸ்ரீராம் கிருஷ்ணன் கூறுகையில், இந்த ஆண்டு, எங்கள்
முதலீட்டாளர் தளத்தைப் பொறுத்தவரை மற்றொரு புதிய சாதனையை படைத்துள்ளோம். ஜனவரியில்
11 கோடியை தாண்டிய முதலீட்டாளர் பதிவானது, உலகளாவிய
வர்த்தகம் மற்றும் அரசியல் சார்ந்த தொடர்ச்சியான கவலைகள் இருந்தபோதிலும், கடந்த 8
மாதங்களில் கூடுதலாக ஒரு கோடி அதிகரித்துள்ளது பாராட்டத்தக்கது.
இந்த நிலையான வளர்ச்சிக்கு பல முக்கிய காரணங்கள் உள்ளன.
அதில் நெறிப்படுத்தப்பட்ட உங்கள் வாடிக்கையாளரை அறிந்து கொள்ளுங்கள் (KYC) செயல்முறை, பங்குதாரர்
தலைமையிலான முதலீட்டாளர் விழிப்புணர்வு திட்டங்கள் மூலம் மேம்படுத்தப்பட்ட நிதி கல்வியறிவு
மற்றும் நீடித்த நேர்மறையான சந்தை உணர்வு. பங்குகள், பரிவர்த்தனை-வர்த்தக
நிதிகள், ரியல் எஸ்டேட் முதலீட்டு அறக்கட்டளைகள், உள்கட்டமைப்பு
முதலீட்டு அறக்கட்டளைகள், அரசு
பத்திரங்கள் மற்றும் கார்ப்பரேட் பத்திரங்கள் உள்ளிட்ட பரிவர்த்தனை - வர்த்தக
திட்டங்கள் ஆகியவை உள்ளன என்று தெரிவித்தார்.
About National Stock Exchange of India Limited (NSE): National
Stock Exchange of India (NSE) was the first exchange in India to implement
electronic or screen-based trading. It began operations in 1994 and is ranked
as the largest stock exchange in India in terms of total and average daily
turnover for equity shares every year since 1995, based on SEBI data. NSE has a
fully integrated business model comprising exchange listings, trading services,
clearing and settlement services, indices, market data feeds, technology
solutions and financial education offerings. NSE also oversees compliance by
trading, clearing members and listed companies with the rules and regulations
of SEBI and the exchange. NSE is a pioneer in technology and ensures the
reliability and performance of its systems through a culture of innovation and
investment in technology. NSE is the world’s largest derivatives exchange by
trading volume (contracts) as per the statistics maintained by Futures Industry
Association (FIA) for calendar year 2024. NSE is ranked 2nd in the world in
equity segment by number of trades (electronic order book) in 2024, as per the
statistics maintained by World Federation of Exchanges (WFE).
