எஸ்.ஐ.எஃப் முதலீடு ரூ.40,000 கோடியைத் தாண்டியது! ஒரே
மாதத்தில் 13% அதிகரித்த முதலீட்டாளர் கணக்குகள்!
ஹைபிரிட்
உத்திகளுக்கு முதலிடம்... தொடர்ந்து அதிகரிக்கும் முதலீட்டாளர்கள்!
ஆர்.சுரேஷ் குமார், இயக்குநர், www.fundzavenue.com
Call : +91
9884022122, Mail
:fundzavenue@gmail.com
ARN: 77037
சென்னையைச்
சேர்ந்த ராஜேஷ், மியூச்சுவல் ஃபண்டுகளில் நீண்ட காலமாக முதலீடு செய்து வருபவர்.
அண்மையில் அவர் தனது நிதி ஆலோசகரிடம், வழக்கமான மியூச்சுவல் ஃபண்ட் திட்டங்களைத்
தாண்டி வேறு ஏதாவது புதிய முதலீட்டு வாய்ப்புகள் இருக்கின்றனவா என்று கேட்டார்.
அப்போது ஆலோசகர், அதிக முதலீட்டுத் தொகையும் கூடுதல் ரிஸ்கையும் ஏற்கக்கூடிய
முதலீட்டாளர்களுக்காக உருவாக்கப்பட்டுள்ள சிறப்புத் தன்மை கொண்ட முதலீட்டுத்
திட்டங்களைப் பற்றிக் கூறினார். அவைதான் சிறப்புத் தன்மை கொண்ட முதலீட்டு ஃபண்டுகள்
எனப்படும் எஸ்.ஐ.எஃப் (SIF-Specialised
Investment Fund).
ரூ.40,758 கோடியாக உயர்ந்த முதலீடு!
இந்தியாவில்
அறிமுகமாகியுள்ள இந்த முதலீட்டுத் திட்டங்கள் மீது முதலீட்டாளர்களின் ஆர்வம்
படிப்படியாக அதிகரித்து வருகிறது. இதை உறுதிப்படுத்தும் வகையில், 2026 அக்டோபர்
மாதத்தில் எஸ்.ஐ.எஃப் திட்டங்களின் சராசரி நிர்வாகத்தின் கீழ் உள்ள சொத்து மதிப்பு
ரூ.40,758 கோடியாக உயர்ந்துள்ளது.
இந்திய
மியூச்சுவல் ஃபண்ட் நிறுவனங்களின் கூட்டமைப்பான ஆம்ஃபி (AMFI) வெளியிட்டுள்ள
அக்டோபர் மாதத் தரவுகளின்படி, எஸ்.ஐ.எஃப் திட்டங்களின் சராசரி நிர்வாகத்தின் கீழ்
உள்ள சொத்து மதிப்பு (AAUM) செப்டம்பர் மாதத்தில் ரூ.35,021 கோடியாக இருந்தது. இது
அக்டோபரில் 16.38 சதவிகிதம் அதிகரித்து ரூ.40,758 கோடியாக உயர்ந்துள்ளது.
அதேபோல,
இந்தத் திட்டங்களில் முதலீடு செய்துள்ள முதலீட்டாளர் கணக்குகளின் எண்ணிக்கையும்
குறிப்பிடத்தக்க அளவில் அதிகரித்துள்ளது. செப்டம்பர் மாத இறுதியில் 1,56,483 ஆக
இருந்த முதலீட்டாளர் கணக்குகள், அக்டோபர் மாத இறுதியில் 1,76,542 ஆக உயர்ந்துள்ளன.
இது ஒரே மாதத்தில் 12.82 சதவிகித வளர்ச்சியாகும்.
இதன் மூலம்,
எஸ்.ஐ.எஃப் திட்டங்கள் மீதான முதலீட்டாளர்களின் கவனம் அதிகரித்து வருவது
தெரியவருகிறது.
சொத்து
மதிப்பும் முதலீட்டாளர் கணக்குகளும் அதிகரித்திருந்தாலும், அக்டோபர் மாதத்தில்
புதிய முதலீட்டு வரத்து குறைந்துள்ளது. செப்டம்பர் மாதத்தில் ரூ.7,578 கோடியாக
இருந்த நிகர முதலீட்டு வரத்து, அக்டோபரில் ரூ.5,150 கோடியாகக் குறைந்துள்ளது.
ஹைபிரிட் திட்டங்களுக்கு முதலிடம்!
எஸ்.ஐ.எஃப்
முதலீடுகளில் ஹைபிரிட் வகைத் திட்டங்கள்தான் ஆதிக்கம் செலுத்துகின்றன. இவை
பங்குகள் மற்றும் கடன் சார்ந்த முதலீடுகளை இணைத்து முதலீடு செய்யும் உத்திகளைக்
கொண்டுள்ளன.
அக்டோபர்
மாதத்தில் ஹைபிரிட் திட்டங்களில் ரூ.3,825 கோடி நிகர முதலீடு வந்துள்ளது. இந்தப்
பிரிவின் சராசரி நிர்வாகச் சொத்து மதிப்பு 17.43 சதவிகிதம் அதிகரித்து ரூ.28,376
கோடியாக உயர்ந்துள்ளது. மொத்த எஸ்.ஐ.எஃப் சொத்து மதிப்பில் சுமார் 70 சதவிகிதம்
ஹைபிரிட் திட்டங்களின் பங்களிப்பாகும்.
குறிப்பாக,
ஹைபிரிட் லாங்-ஷார்ட் திட்டங்கள் ரூ.25,510 கோடி சொத்து மதிப்புடன் முதலிடத்தில்
உள்ளன.
ஈக்விட்டி திட்டங்களின் நிலை என்ன?
பங்குச்
சந்தையைச் சார்ந்த ஈக்விட்டி வகை எஸ்.ஐ.எஃப் திட்டங்களில் அக்டோபர் மாதத்தில்
ரூ.1,325 கோடி முதலீடு வந்துள்ளது. செப்டம்பர் மாதத்தில் ரூ.2,404 கோடியாக இருந்த
முதலீட்டு வரத்து 44.89 சதவிகிதம் குறைந்துள்ளது.
இதில், முதல்
100 நிறுவனங்களுக்கு வெளியே உள்ள பங்குகளில் முதலீடு செய்யும் ஈக்விட்டி
எக்ஸ்-டாப் 100 லாங்-ஷார்ட் திட்டம் ரூ.713 கோடி முதலீட்டை ஈர்த்துள்ளது. முந்தைய
மாதத்தில் இது ரூ.1,492 கோடியாக இருந்தது. ரூ.7,869 கோடி சொத்து மதிப்புடன் ஈக்விட்டி
பிரிவில் இது முதலிடத்தில் உள்ளது.
மற்றொரு
பிரிவான ஈக்விட்டி லாங்-ஷார்ட் திட்டங்கள் ரூ.603 கோடி முதலீட்டை ஈர்த்துள்ளன.
இவற்றின் சொத்து மதிப்பு ரூ.4,446 கோடியாக உயர்ந்துள்ளது.
வளர்ச்சிப் பாதையில் ஆக்டிவ் அசெட் அலோகேட்டர்!
மற்ற
திட்டங்களுடன் ஒப்பிடும்போது, ஆக்டிவ் அசெட் அலோகேட்டர் லாங்-ஷார்ட் திட்டங்கள்
குறிப்பிடத்தக்க வளர்ச்சியைப் பதிவு செய்துள்ளன. செப்டம்பர் மாதத்தில் ரூ.688
கோடியாக இருந்த முதலீட்டு வரத்து, அக்டோபரில் ரூ.915 கோடியாக அதிகரித்துள்ளது. இது
33.04 சதவிகித வளர்ச்சியாகும். இதன் சொத்து மதிப்பு 33.83 சதவிகிதம் உயர்ந்து
ரூ.2,866 கோடியாக உள்ளது.
எஸ்.ஐ.எஃப் திட்டங்களின் 2026
அக்டோபர் மாத நிலவரம்…!
|
விவரம் |
செப்டம்பர் |
அக்டோபர் |
|
முதலீட்டாளர்
கணக்குகள் |
1,56,483 |
1,76,542 |
|
சராசரி
சொத்து மதிப்பு |
ரூ.35,021
கோடி |
ரூ.40,758
கோடி |
|
நிகர
முதலீட்டு வரத்து |
ரூ.7,578
கோடி |
ரூ.5,150
கோடி |
முக்கிய
எஸ்.ஐ.எஃப் முதலீட்டுப் பிரிவுகள்
|
முதலீட்டுப் பிரிவு |
2026 அக்டோபர் சொத்து மதிப்பு |
|
ஈக்விட்டி
லாங்-ஷார்ட் |
ரூ.4,446
கோடி |
|
ஈக்விட்டி
எக்ஸ்-டாப் 100 லாங்-ஷார்ட் |
ரூ.7,869
கோடி |
|
செக்டர்
ரொட்டேஷன் லாங்-ஷார்ட் |
ரூ.67 கோடி |
|
ஆக்டிவ்
அசெட் அலோகேட்டர் |
ரூ.2,866
கோடி |
|
ஹைபிரிட்
லாங்-ஷார்ட் |
ரூ.25,510
கோடி |
ஆதாரம்:
ஆம்ஃபி (AMFI).
முதலீட்டாளர்கள் கவனிக்க வேண்டியது என்ன?
எஸ்.ஐ.எஃப்
திட்டங்களின் வளர்ச்சி, இந்திய முதலீட்டுச் சந்தையில் புதிய முதலீட்டு
உத்திகளுக்கு வரவேற்பு அதிகரித்து வருவதைக் காட்டுகிறது. குறிப்பாக, பங்குச் சந்தை
ஏற்ற இறக்கங்களைப் பயன்படுத்திக்கொள்ளும் லாங்-ஷார்ட் உத்திகள் முதலீட்டாளர்களின்
கவனத்தை ஈர்த்து வருகின்றன.
ஆனால்,
எஸ்.ஐ.எஃப் திட்டங்கள் சாதாரண மியூச்சுவல் ஃபண்ட் திட்டங்களைப் போன்றவை அல்ல.
இவற்றில் முதலீடு செய்வதற்கான குறைந்தபட்சத் தொகை பொதுவாக ரூ.10 லட்சமாக உள்ளது.
முதலீட்டு உத்திகள் சிக்கலானவையாக இருக்கலாம். லாங்-ஷார்ட் உத்திகள் மூலம் சந்தை
சரிவிலும் வருமானம் ஈட்ட முயற்சி செய்கிறது.
எனவே, அதிக ரிஸ்க்கைத்
தாங்கக்கூடிய, முதலீட்டுச் சந்தையைப் பற்றிய புரிதல் கொண்ட முதலீட்டாளர்கள்
மட்டுமே இத்தகைய திட்டங்களைப் பரிசீலிக்க வேண்டும். முதலீடு செய்வதற்கு முன்பு
திட்டத்தின் முதலீட்டு உத்தி, செலவுகள், ரிஸ்க் அளவு, நிதி மேலாளரின் அனுபவம்
ஆகியவற்றை முழுமையாக ஆராய்வது அவசியம்.
முதலீட்டாளர்
கணக்குகள் அதிகரிப்பதும், சொத்து மதிப்பு உயர்வதும் எஸ்.ஐ.எஃப் சந்தையின்
வளர்ச்சியைக் காட்டுகின்றன. முதலில் பாதுகாப்பு... பிறகு வருமானம்... அதற்குப்
பிறகு வளர்ச்சி!
கூடுதல்
விவரங்கள் மற்றும் முதலீட்டுக்கு..
ஆர்.சுரேஷ் குமார், இயக்குநர், www.fundzavenue.com
Call : +91
9884022122
Mail :fundzavenue@gmail.com
ARN: 77037
முன்னணி
தனிநபர் நிதி இதழ் நாணயம் விகடனில் திரு. ஆர்.சுரேஷ் குமார் எழுதிய கட்டுரைகளைப்
படிக்க https://bit.ly/4afnSZD
ஃபிக்ஸட்
டெபாசிட், பங்குச் சந்தை, மியூச்சுவல் ஃபண்ட் போன்ற முதலீடுகள், வரித் திட்டம்,
நிதி இலக்குகளுக்கான திட்டம், காப்பீடு உள்ளிட்ட அனைத்து விதமான பர்சனல் ஃபைனான்ஸ்
சேவைகளை தனிநபர்கள் மற்றும் கார்ப்ரேட் நிறுவனப் பணியாளர்களுக்கு அளிக்கும்
FundzAvenue நிறுவனத்தை திரு. ஆர்.சுரேஷ் குமார் நடத்தி வருகிறார். சுமார்
2000-க்கும் மேற்பட்ட தனிநபர்களுக்கு நிதிச் சேவை அளித்து வருகிறார்.
Disclaimer:
மியூச்சுவல் ஃபண்ட் முதலீடு
சந்தை ரிஸ்க்களுக்கு உட்பட்டது. முதலீடு செய்யும் முன் திட்டம் சார்ந்த அனைத்து ஆவணங்களையும்
சரியாகப் படித்துப் பார்க்குமாறு அறிவுறுத்தப்படுகிறது.
மியூச்சுவல் ஃபண்ட் மூலம் நிச்சயமான ஆதாயங்கள் கிடைக்கும் என்பதற்கு உத்தரவாதம் கிடையாது.
