நிதி முதலீடு : Economic SLOW DOWN

Showing posts with label Economic SLOW DOWN. Show all posts
Showing posts with label Economic SLOW DOWN. Show all posts

Tuesday, May 26, 2020

சிகைக்காய்  பொடியுடன் எண்ணெய் குளியல் எடுப்பதின் முக்கியத்துவம்..!

சிகைக்காய் பொடியுடன் எண்ணெய் குளியல் எடுப்பதின் முக்கியத்துவம்..!


1990 ஆம் ஆண்டுகளில் மக்களின் மனம்கவர்ந்த பிரபலமான ‘வெள்ளிக் கிழமை’ விளம்பரத்தை மீண்டும் ஒளிபரப்பி அந்த சிறப்பான கடந்த காலத்தை மீண்டும் நினைவுக்கு கொண்டுவரும் மீரா சிகைக்காய்

இந்த விளம்பரம் மீண்டும் அறிமுகம் செய்யப்படுவது குறித்து பேசிய மீரா பிராண்ட்-ன் மூத்த மேலாளர் – மார்கெட்டிங்,  திருமதி காயத்ரி கபிலன் கூறியதாவது: “நமது சமூகத்தின் பாரம்பரிய நடைமுறைகள் இன்றைய தலைமுறையினராலும் பரவலாக ஆர்வத்தோடு பின்பற்றப்படுவதை நாங்கள் காணத் தொடங்கியிருக்கிறோம். ஆகவே, கடந்த கால பாரம்பரிய வழிமுறையில் மீரா சிகைக்காய்  பொடியுடன் எண்ணெய் குளியல் எடுப்பதின் முக்கியத்துவத்தை மீண்டும் வலியுறுத்த இது சரியான நேரமாக இருக்கும் என்று நாங்கள் கருதுகிறோம். மீராவின் ‘வெள்ளிக்கிழமை’ விளம்பரமானது தமிழ்நாடு எங்கும் பிரபலமான தொலைக்காட்சி அலைவரிசைகளில் மறு ஒளிபரப்பு செய்யப்பட்டு வருகிறது. கடந்தகால பாரம்பரியத்தோடு இதனையும் சிறப்பாக நுகர்வோர்களால் இணைத்துப்பார்க்க ஏதுவாக்க வேண்டும் என்பதற்காக மக்கள் மனதில் ஆழமான இடம்பிடித்த கிளாசிக் நெடுந்தொடர்கள், 1990-களில் வெளிவந்த திரைப்படங்கள் ஆகிய நிகழ்ச்சிகளுக்கு இடையே இந்த விளம்பரமும் ஒளிபரப்பாகிறது. இந்த கடந்தகால பிரபல நிகழ்ச்சிகள் ஒளிபரப்பான அந்த காலகட்டத்திலும் அதிகமாக விளம்பரம் செய்த பிராண்டாக நாங்கள் இருந்திருப்போம் மற்றும் அதே நிகழ்ச்சிகளை நுகர்வோர்கள் மீண்டும் தொலைக்காட்சியில் பார்க்கும்போது எமது விளம்பரத்தோடு அவர்களால் அதை தொடர்புபடுத்தி பார்க்கவும், அத்தகைய நேரத்தில் இந்த பாரம்பரிய எண்ணெய் குளியலின் முக்கியத்துவத்தை சரியாக உணரவும் முடியும். ஒரு பிராண்டாக மீரா எப்போதுமே தென்னிந்திய நுகர்வோர்களோடும் மற்றும் அவர்களோடு பின்னிப்பிணைந்த சடங்குகள் மற்றும் பாரம்பரியங்களோடும் ஏறக்குறைய முப்பது ஆண்டுகளாக வலுவான பிணைப்பினை கொண்டு இருக்கிறது. கடந்தகால திரைப்படங்கள் மற்றும் நெடுந்தொடர் நிகழ்ச்சிகளை நுகர்வோர்கள் இப்போது பார்க்கும்போது அந்த உணர்வை முழுமையாக்குவதற்கு மீரா போன்ற கடந்தகால பிரபல விளம்பரங்களைவிட வேறு எது வலு சேர்க்கமுடியும்?”.

இந்தத் தொலைக்காட்சி விளம்பரப்படமானது, சித்தி, மெட்டி ஒலி மற்றும் 1990-களில் பிரபல வெற்றிபெற்ற வேறு பிற நிகழ்ச்சிகள் மறுஒளிபரப்பு செய்யப்படுகிற நேரத்தில் சன் டிவி போன்ற முதன்மையான அலைவரிசைகளில் ஒளிபரப்பப்படும்.

விளம்பர இணைப்பு: https://youtu.be/ChB2oD6p6CE

சமூக ஊடக இணைப்பு: https://www.instagram.com/worldofmeera/?hl=en
                                  https://www.facebook.com/WorldOfMeera

மீரா குறித்து: ஆரோக்கியமான மற்றும் வலுவான கேசத் உறுதிசெய்கிற செயல்பாட்டில் 28வது ஆண்டில் வெற்றிநடை போட்டுக்கொண்டிருக்கும் மீரா, கவின்கேர் குழுமத்தின் முதன்மையான பிராண்டுகளுள் ஒன்றாகும். தலைமுடி / கேசத்தின் ஒட்டுமொத்த ஆரோக்கியத்தினை உறுதிசெய்வதற்காக ஷாம்பு, மூலிகைப் பொடி, தேங்காய் எண்ணெய், மூலிகை எண்ணெய், கன்டீஷனர் மற்றும் ஹேர் வாஷ் பேஸ்ட் போன்ற பல தயாரிப்புகளின் தொகுப்பினை மீரா கொண்டிருக்கிறது. 


பாரம்பரியமான இந்திய நடைமுறைகள் மற்றும் பழக்கவழக்கங்களின் மீதான ஆழமான புரிதலிலிருந்து இந்த பிராண்ட் தனக்கான பலத்தை பெற்றிருக்கிறது மற்றும் எளிதில் பயன்படுத்தத்தக்க தற்காலத்திய வடிவங்களில் நுகர்வோர்களுக்கு அதை தயாரிப்பு பொருட்களாக வழங்குகிறது. ‘மீரா’ என்ற பிராண்ட், நுகர்வோர்கள் மற்றும் ரீடெய்லர்கள் ஆகிய இரு தரப்பினர்கள் மத்தியிலும் மிகப்பெரிய மதிப்பையும், மரியாதையையும் எழுப்புகிறது. தென்னிந்தியாவில் ஏறக்குறைய அனைத்து குடும்பங்களாலும் முழுமையாக நம்பப்படுகிற பிராண்டுகளுள் ஒன்றாக மீரா திகழ்கிறது.

கவின்கேர் பிரைவேட் லிமிடெட் குறித்து:

கவின்கேர் பிரைவேட் லிமிடெட், தனிநபர் பராமரிப்பு, தொழில்முறை பராமரிப்பு, உணவுகள், பால்பொருட்கள், பானங்கள, நொறுக்குத்தீனிகள், உணவுகள் மற்றும் சலூன்கள் ஆகிய துறையில் தொழிற்பிரிவுகளைக் கொண்டு, ஒரு பன்முக செயல்பாடுள்ள  ஒரு எஃப்.எம்.சி.ஜி (FMCG) பெருநிறுவனமாகும்.

இதன் பிராண்டுகள் தொகுப்பில் ஷாம்புகள் (சிக், மீரா, கார்த்திகா மற்றும் நைல்), ஹேர் வாஷ் பவுடர்கள் (மீரா மற்றும் கார்த்திகா), தேங்காய் எண்ணெய் (மீரா), ஃபேர்னஸ் கிரீம்கள் (ஃபேர் எவர்), டியோடரண்ட் மற்றும் டால்க் (ஸ்பின்ஸ்), ஊறுகாய்கள் மற்றும் நொறுக்குத்தீனிகள் (ருச்சி, சின்னிஸ் & கார்டன்), ஹேர் கலர்ஸ் (இன்டிகா), ரீடெய்ல் சலூன் தயாரிப்புகள் (ராகா புரொஃபஷனல்), பானங்கள் (மா), பால் பொருட்கள் (கவின்ஸ்), மற்றும் பியூட்டி சலூன்கள் (கிரீன் டிரென்ட்ஸ் & லைம்லைட்) ஆகியவை அடங்கும்.

இதன் பெரும்பாலான பிராண்டுகள் அவைகளுக்குரிய தயாரிப்பு வகையினங்களில் முதலிடத்தை தக்கவைத்துக் கொண்டிருக்கிற பிராண்டுகளாகும். நவீன சாதனங்கள் மற்றும் தொழில்நுட்ப திறன்கொண்ட ஒரு பிரத்யேக ஆராய்ச்சி மற்றும் உருவாக்க மையமானது (R&D), இந்த பல்வேறு துறைகள் முன்னேற்றம் காண்பதற்கு தொடர்ந்து பெரிதும் உதவுகிறது. கவின்கேர், குறிப்பிடத்தக்க பல மைல்கற்களை எட்டி சாதனைகள் படைத்திருக்கிறது. தேசிய அளவிலான சந்தையில் மிக வலுவாக காலூன்றுவதற்காக மிகப்பெரியளவில் சந்தையாக்கல் செய்வதற்கான யுக்திகளையும், அம்சங்களையும் இந்நிறுவனம், மிகச்சரியாக புரிந்துகொண்டிருக்கிறது.

‘வாடிக்கையாளர்களுக்கு மிக அதிக அளவிலான திருப்தியை வழங்குகிற தனித்துவமான தயாரிப்புகள் மற்றும் சேவைகளைத் தொடர்ந்து வழங்குவதன் மூலம் நாங்கள் வளர்ச்சியை எட்டுவோம் மற்றும் இதன்மூலம் ஒரு முன் மாதிரி (ரோல் மாடல்) ஆக திகழ்வோம்’ என்ற இதன் கார்ப்பரேட் செயல்திட்டத்தை வலுவாக சார்ந்தே கவின்கேரின் வெற்றி அமைந்திருக்கிறது.

ஒருவரது வாழ்க்கையில் வெற்றிக்கான தங்களது அளப்பரிய பங்களிப்புக்காக பெண்களை அங்கீகரித்து பாராட்டி மகிழும் நடவடிக்கைகளிலும் கவின்கேர் தொடர்ந்து ஈடுபட்டு வருகிறது.




 மீரா சிகைக்காய் : மக்களின் மனம்கவர்ந்த பிரபலமான வெள்ளிக் கிழமை விளம்பரம் மீண்டும் ஒளிபரப்பு..

மீரா சிகைக்காய் : மக்களின் மனம்கவர்ந்த பிரபலமான வெள்ளிக் கிழமை விளம்பரம் மீண்டும் ஒளிபரப்பு..



1990 ஆம் ஆண்டுகளில் மக்களின் மனம்கவர்ந்த பிரபலமான ‘வெள்ளிக் கிழமை’ விளம்பரத்தை மீண்டும் ஒளிபரப்பி அந்த சிறப்பான கடந்த காலத்தை மீண்டும் நினைவுக்கு கொண்டுவரும் மீரா சிகைக்காய்

சென்னை,  மே 26, 2020: இதற்கு முன்பு ஒருபோதும் சந்தித்திராத கோவிட்-19 தொற்றுப் பரவலின் இக்கட்டான சூழலில். நாளின் பெரும்பகுதியை நமது வீடுகளுக்குள்ளேயே செலவிட வேண்டிய நிர்ப்பந்தத்தில் நாம் இருக்கிற நிலையில் இந்த நெருக்கடியான, நிச்சயமற்ற தன்மையின் காரணமாக உருவாகிற மன அழுத்தத்தை சமாளிப்பதில் சிரமம் அதிகமானதாக மாறிவருகிறது.

பாரம்பரியம் என்பது அனைத்தையும் தனக்குள் உள்ளடக்கியிருக்கிறது என்றும் அனைத்து வகையான சூழ்நிலைகளுக்கும் அது உறுதுணையாக இருக்கும் என்றும் கவின்கேர் குழுமத்தின் பிரபலமான முதன்மை பிராண்டுகளுள் ஒன்றான மீரா உறுதியாக நம்புகிறது.

இருகரம் கூப்பி வணக்கம் என்று சொல்லி வரவேற்பதில் தொடங்கி வெளியிலிருந்து வீட்டிற்குள் வருகிறபோது கைகளையும், கால்களையும் சுத்தம் செய்வது வரை நமது பாரம்பரியமான நடைமுறையின் முக்கியத்துவத்தை இந்த உலகம் மெதுவாக உணர தலைப்படுகிற நிலையில் மற்றொரு மிக முக்கியமான நமது பாரம்பரிய வழக்கம் ஒன்றின் முக்கியத்துவத்தை வலியுறுத்த பிராண்ட் மீரா முடிவு செய்திருக்கிறது. சிகைக்காய் (பேச்சு வழக்கில் சீயக்காய்) பயன்படுத்தி எண்ணெய் தேய்த்து குளிக்கிற வழக்கம்தான் அது. 1990களின் காலகட்டத்தில் மக்கள் மனதில் இடம்பிடித்த அந்த இனிய நினைவுகளை மீண்டும் கொண்டுவருவதற்காக தங்களது மிகப் பிரபலமான ‘வெள்ளிக்கிழமை’ விளம்பர படத்தை மறு ஒளிபரப்பு செய்யவிருப்பதாக மீரா அறிவித்திருக்கிறது.



ஏறக்குறைய தமிழ்நாட்டில் உள்ள ஒவ்வொரு இல்லமுமே இந்த விளம்பரப்படம், அதன் அற்புதமான இசை மற்றும் இனிய, பாரம்பரியமான சடங்குகளோடு வலுவாக தொடர்புபடுத்தி பார்ப்பார்கள் என்பது நிச்சயம். தனது மகளுக்கு ஓர் அம்மா பாசத்தோடு ரிலாக்ஸ் செய்யும் எண்ணெய் மசாஜ் செய்கிறார் என்பதையும், அதைத் தொடர்ந்து 11 இயற்கையான மூலிகைகளின் கலவையான மீரா மூலிகைப் பொடியின் மூலம் தலைக்கேசத்தை தூய்மையாக்குவதை எப்படி செய்கிறார் என்பதையும் இனிய இசையோடு கூடிய அந்தக் காட்சி சித்தரிப்பு அழகாக எடுத்துக்காட்டியிருந்தது. அளவுக்கு அதிகமான உடல்வெப்பமானது, குறிப்பாக சுட்டெரிக்கும் கோடைக் காலத்தில் தலைவலி, முடி உதிர்வு, முறையான தூக்கம் வராமை போன்ற பல பிரச்னைகளை விளைவிக்கக்கூடும். மீரா சிகைக்காய் பொடியுடன் உடலுக்கு புத்துயிரூட்டி புத்துணர்வு தரும் எண்ணெய் மசாஜ் குளியல் இந்தப் பிரச்னைகள் அனைத்தையும் வராமல் தடுப்பதோடு எண்ணற்ற பிற ஆரோக்கிய பலன்களையும் உங்களுக்கு வழங்குகிறது.

Sunday, May 24, 2020

இந்தியாவில் பொதுத்துறை அரசு நிறுவனங்கள் உருவாக்கிய, விற்ற பிரதமர்கள் முழுமையான பட்டியல்....

இந்தியாவில் பொதுத்துறை அரசு நிறுவனங்கள் உருவாக்கிய, விற்ற பிரதமர்கள் முழுமையான பட்டியல்....

இந்தியாவில் பொதுத்துறை அரசு நிறுவனங்கள் உருவாக்கிய பிரதமர்கள்.

ஜவஹர்லால் நேரு: 33 நிறுவனங்கள்

லால் பகதூர் சாஸ்திரி  5

இந்திரா காந்தி  66

மொராஜி தேசாய்  9

ராஜீவ் காந்தி  16

வி.பி.சிங்  2

நரசிம்மராவ் 14

தேவகவுடா & குஜ்ரால் 3
வாஜ்பாய் 7

மன்மோகன்சிங் 21
நரேந்திர மோடி  0.

பொதுத்துறை அரசு நிறுவனங்களை தாரை வாா்த்த (அ) விற்ற பிரதமர்கள்.

வாஜ்பாய் 7

மன்மோகன்சிங்  3

நரேந்திர மோடி 23...

இதில் சிறப்பம்சம் என்னவெனில், ஒன்றுமே உருவாக்காத ஒருவர் 23 பொதுத்துறை நிறுவனங்களை தனியாருக்கு தாரை வாா்த்தது தான்!...

- Alfred Noble

Friday, December 27, 2019

உலக அளவில் இந்தியாவுக்கு முதல் இடம் வங்கிகளின் வாராக் கடன்

உலக அளவில் இந்தியாவுக்கு முதல் இடம் வங்கிகளின் வாராக் கடன்

வங்கிகளின் வாராக் கடன்
உலக அளவில் இந்தியாவுக்கு முதல் இடம்



இந்தியா 9.2%
சீனா 1.8%

இதுவே இந்தியப் பொருளாதாரம் 
எந்த அளவுக்கு மோசமாக இருக்கிறது 
என்பதற்கு சிறந்த உதாரணம். 
இதை சரி செய்ய மத்திய அரசு எடுத்து வரும் பெரு நிறுவன வரி (கார்ப்பரேட் டேக்ஸ்) போன்ற நடவடிக்கைகள் பாராட்டுக்குரியவை. 


2019 இரண்டாம் காலாண்டு நிலவரம் 
BANK NPA WORLD

Saturday, December 7, 2019

இந்தியாவின் பொருளாதர மந்தநிலை நீடிக்கும் :  டிபி.எஸ்

இந்தியாவின் பொருளாதர மந்தநிலை நீடிக்கும் : டிபி.எஸ்

இந்தியாவின் பொருளாதர மந்தநிலை நீடிக்கும் :  டிபி.எஸ்

இந்தியாவின் பொருளாதார வளர்ச்சி நடப்பு நிதி ஆண்டின் இரண்டாம் பாதியில் (2019 அக்டோபர் முதல் மார்ச் 2020)  மேலும் குறையும் என்று சிங்கப்பூரை சேர்ந்த டிபிஎஸ் தெரிவித்துள்ளது.

நாட்டின் உண்மையான மொத்த உள்நாட்டு உற்பத்தி (Real GDP ) 4.3 சதவிகிதமாக இருக்கிறது. நுகர்வுத் துறையில்  காணப்படும் மந்த நிலை மேலும் நீடிக்கும்.

இந்தியாவின் ரிசர்வ் பேங்க் இந்தியாவின் (ஆர்.பி.ஐ) ஆய்வறிக்கையும் நாட்டு மக்களின் வருமானம் மற்றும் வேலைவாய்ப்பு குறைந்திருக்கிறது என குறிப்பிட்டிருக்கிறது.''

Sunday, October 13, 2019

பி.எஸ்.என்.எல்  பிரச்னைக்கு தீர்வு உங்கள் கைகளில்தான்

பி.எஸ்.என்.எல் பிரச்னைக்கு தீர்வு உங்கள் கைகளில்தான்

பி எஸ் என் எல் –  இந்த நிறுவனத்தை நஷ்டத்தில் ஆழ்த்தி விட்டார்,

இழுத்து மூடப் போகிறார்,  அம்பானிக்கு சாமரம் வீசுகிறார் –

அரசு துறைகளை இழுத்து மூடுவதிலேயே குறியாக இருக்கிறார்,

நாட்டையே தனியார் கார்ப்பொரேட்டுகளுக்கு விற்று விடுவார் –

இப்படியெல்லாம் பிரதமர் மோடியைப் பற்றிய ஒரு குற்றச்சாட்டு நடமாடிக் கொண்டிருக்கிறது.

ஆச்சரியம் என்னவென்றால்  கம்யூனிஸ்டுகள் தவிர இந்தக்   குற்றச்சாட்டுகளை வீசுபவர்கள் யாரென்று பார்த்தால் அது தமிழ்நாட்டு மீம்ஸ் புலிகள் மட்டுமே.

 ஏனென்றால் கம்யூனிஸ்டுகளுக்கு அடுத்தபடியாக எந்த ஒரு விஷயத்தையும்  அதன் அடிப்படை என்னெவென்று கூடப் புரிந்து கொள்ளாமல் மணிக்கணக்கில் எதிர்த்துப் பேசிக்கொண்டேயிருக்கக் கூடிய திறமை இந்த மீம்ஸ் புலிகளுக்கும் சமூக ஆர்வலர்களுக்கும்தான் உண்டு.

2004-05ம் ஆண்டுகளில் பி எஸ் என் எல்லின் நிகர லாபம் 10,183 கோடிகள்.



அதாவது அதுவரைக்கும் பி எஸ் என் எல் நிறுவனம் லாபம் ஈட்டும் நிறுவனமாகத்தான் இருந்து வந்தது.

 2004 மே மாதம் மன்மோகன் சிங் பிரதமராகப் பதவியேற்றார்.

2009 தேர்தலுக்குப் பின்னும் அவரே பிரதமரானார்.

  2009-10ல் முதல் முறையாக 1.823 கோடி ரூபாய் நஷ்டம் அடைந்தது.

2010-11ல்  நிகர நஷ்டம் 6,386 கோடிகளானது.

2011-12ல் நிகர நஷ்டம் 8,851 கோடிகள் ஆனது.

2012-13ல் நிகர நஷ்டம் 8,198 கோடிகள் ஆனது.

இந்த கால கட்டத்தில் மோடி பிரதமர் இல்லை என்பதை மீம்ஸ் புலிகள் மறந்து விட்டார்கள்.

அடுத்தது தனியார் தொலைதொடர்பு நிறுவனங்களில் தொழிலாளர் ஊதியம் என்ற வகையில் அவர்கள் செலவிடுவது அதிகபட்சம் 7% மட்டுமே.

ஆனால் அரசு நிறுவனமான பி எஸ் என் எல்லில் சம்பளமாக மட்டுமே 60% வரைக்கும் செலவாகிறது.

நீங்களே யோசித்துப் பாருங்கள் –  நீங்களும் உங்கள் நண்பரும் விவசாயிகள்.  நீங்கள் 60 ரூபாய் கொடுத்து கூலிக்கு ஆளை வைத்து விவசாயம் செய்கையில் உங்கள் நண்பர் 7 ரூபாய் கூலி கொடுத்து ஆளை இறக்குகிறார்.  யாருக்கு லாபம் கிடைக்கும்?

இது சம்பளம் மட்டுமல்ல – உங்கள் நண்பர் 10 பேரை வைத்து அறுவடை செய்து விடுகிறார், ஆனால் நீங்கள் 100 பேரை வைத்து அறுவடை செய்கிறீர்கள். இப்போது சொல்லுங்கள் நெல்லுக்கு நீங்கள் சொல்லும் விலை எவ்வளவு இருக்கும்? உங்கள் நண்பர் சொல்லும் விலை எவ்வளவு இருக்கும்?

 கட்டாயமாக உங்களை விட பல மடங்கு குறைவாகத்தான் உங்கள் நண்பரின் விலை இருக்கும், அப்படியும் அவருக்கு லாபம் கிடைக்கும்.

கடைசியில் உங்கள் நெல்லை நீங்களே அரிசியாக்கித் தின்ன வேண்டியதுதான். எவ்வளவு நாள்?  கூலி கொடுக்கக் கூட பணமில்லாமல் நீங்கள் விவசாயத்தை நிறுத்த வேண்டியதுதான். இல்லையென்றால்  வேறு வியாபாரம் அல்லது தொழில் செய்து அதிலே லாபம் வந்தால் அதனை இந்த நஷ்டத்தில் ஈடுகட்ட வேண்டியதுதான்.

கஷ்டப்பட்டு தொழில் செய்து லாபம் ஈட்டி அதனை இந்த நஷ்டத்திலே போட வேண்டுமென்றால் வீட்டிலே எல்லாரும் சும்மா இருப்பார்களா?

இதுதான் ஏர் இண்டியா விஷயத்திலும் நடந்தது.

போட்டியில்லாமல் தனிக்காட்டு ராஜாவாக இருந்தவரை ஒன்றும் தெரியவில்லை. தனியார் விமான கம்பெனிகள் வந்ததும் ஏர் இண்டியாவின் ஆதிக்கம் சரிந்தது.

மேலே சொன்ன விவசாயம் மாதிரிதான்.

 சம்பளம் கூடுதல், ஊழியர்களும் அதிகம், அதனால் கட்டணங்களும் அதிகம்.

ஆனால் இதைவிட பாதி கட்டணத்தில் தனியார் விமானங்கள் சேவை அளிக்கையில் ஏர் இண்டியா படுத்து விட்டது.

 எத்தனை வருடம்தான் கோடிக்கணக்கான ரூபாய் நஷ்டத்தை சகித்துக் கொள்வது?

தனியார் துறைக்குத் திறந்து விடப்பட்ட எல்லா அரசு நிறுவனங்களின் நிலையும் இதுதான்.  மாற்றமேயில்லை.

 தனியார் துறையில் வேலை செய்தாலும் செய்யாவிட்டாலும் வேலையும் நிரந்தரம், சம்பளமும் கூடிக் கொண்டே இருக்கும் என்பதை எதிர்பார்க்க முடியாது.

வேலைத் திறன் குறைந்தால் கல்தா என்ற நிலையில் சோம்பித் திரிய முடியாது.


ஒன்று பி எஸ் என் எல் நிறுவனத்தின் ஊழியர்களின் எண்ணிக்கை குறைய வேண்டும், அவர்களது ஊதியமும் குறைய வேண்டும்,

அல்லது தனியார் துறையில் சம்பளம் அதிகரிக்க வேண்டும்.  நடக்கிற காரியமா?



சரி, அடுத்த விஷயத்துக்கு வருவோம்.

 தபால் துறை கூடத்தானே நஷ்டத்தில் இயங்குகிறது? அப்படி இருக்க அதனை மூடலாமே?  இதுவும் இன்னொரு அதிமேதாவித்தனமான கேள்வி.

தபால் துறையை இந்தியாவின் மூலை முடுக்குகளெல்லாம் கோடிக்கணக்கான இந்தியர்கள் இன்றும் பயன்படுத்துகிறார்கள்.

தபால் துறையை இழுத்து மூடினால் கோடிக்கணக்கானோர் பாதிக்கப்படுவார்கள்.  அதே சமயத்தில் தபால் துறையின் சேவையை தனியாரால் கொடுக்க முடியாது.

இப்போது இதை மனதில் கொண்டு பி எஸ் என் எல்லைப் பார்ப்போம்.

எத்தனை தனியார் கொரியர்  நிறுவனங்கள் வந்தாலும் தபால் துறையின் பங்கு குறையவில்லை.

கொரியர் நிறுவனங்களால் தபால் துறை அளவுக்கு சேவை அளிக்க முடியாது. அதே சமயம் தபால் துறையை நம்பி இருப்பவர்களின் எண்ணிக்கை அந்த அளவுக்கு அபாயகரமாகக் குறையவில்லை.  எந்த அளவுக்கு என்று கேட்கிறீர்களா?


இன்றைக்கு பி எஸ் என் எல் லை உபயோகிப்பவர்களின் சதவீதம் என்ன தெரியுமா?

பத்து சதவீதத்துக்குக் கொஞ்சம் அதிகம், அவ்வளவுதான்.

 கொஞ்சம் நில்லுங்க.

2013-14லேயே அது 13% க்கு வந்து விட்டது,

 அதனால இதுவும் அம்பானி–அதானின்னு கூத்தடிக்காதீங்க டோலர்ஸ்.

இப்போ ஒரு கேள்வி கேட்கிறேன்.  பி எஸ் என் எல் லை மூடக்கூடாது என்று குதிக்கும் மூடர்கூட்டமே  நீங்கள் பி எஸ் என் எல் சிம் வைத்திருக்கிறீர்களா?

இவிங்க மட்டும் பி எஸ் என் எல் லை உபயோகிக்க மாட்டார்களாம், ஆனால் பி எஸ் என் எல் நிறுவனம் மட்டும் தொடர்ந்து நஷ்டத்தில் இயங்க வேண்டுமாம்,

அட மூடர் கூடமே அந்த நஷ்டத்தை அரசாங்கம்தான் ஈடு செய்ய வேண்டும், அந்த கோடிக்கணக்கான ரூபாய் நஷ்டம் என்பது நீயும் நானும் கட்டும் வரியில்தான் ஈடு செய்யப்படும்,

அது சரி, நேர்மையா வரி கட்டுறவனுக்குத்தானே கஷ்டம்….

முகேஷ் அம்பானி இலவசமாக் கொடுத்து எல்லாத்தையும் இழுத்து மூடிட்டார்.  சரி,  இது ஒண்ணும் புதுசு இல்லே டுமீல்ஸ்.

சுமார் 50 வருஷத்துக்கு முன்னாடியே கும்பகோணம் – திருவாரூர் ரூட்டுல தனியார் பஸ்ஸுல போட்டியை சமாளிக்க போட்டி போட்டிக்கிட்டு டிக்கெட் விலையைக் குறைச்சு எங்க பஸ்ஸில வந்தா ஃபில்டர் காபி இலவசம்னு எதிர் கம்பெனியை இழுத்து மூட வெச்ச கதையெல்லாம் தெரியுமா?

முன்னாள் நிதியமைச்சர் மற்றும் நிரந்தர நம்பர் 2

நாவலர் நெடுஞ்செழியன் ஒரு முறை வருத்தப்பட்டார் –

நாலஞ்சு பஸ்ஸு வெச்சிருக்கற முதலாளியெல்லாம் லட்சாதிபதியா இருக்கான், ஆனா ஆயிரக்கணக்குல பஸ்ஸு வெச்சிருக்க கவர்மெண்டு மட்டும் நஷ்டத்துலயே ஓடுது?

யோசிச்சுப் பார்த்தா உண்மை புரியும்.

அரசு  நிறுவனங்கள் எதுவானாலும், தனியார் துறையில் அதே வேலையை செய்ய வைத்திருக்கும் ஆட்களை விடவும் பலமடங்கு அதிக ஊழியர்கள்,

தனியார் துறையை விடவும் பலமடங்கு அதிக சம்பளம்.

ஆனால் தனியார் துறை ஊழியர்களை விடவும் குறைந்த அளவு பணி.

இதுக்கு மேலே என்னத்த சொல்ல?

2015 பெருவெள்ளத்தின் போது சென்னை மாநகரமே மின்சாரம் இன்றித் தவித்தாலும் தொடர்ந்து ஜெனரேட்டர்களை இயக்கி மொபைல் தொடர்பு குலையாமல் வைத்திருந்தது பி எஸ் என் எல் நிறுவனம்தான்.  தனியார் மொபைல் எல்லாம் காணாமல் போன பிறகும் சிக்னல் இருந்தது பி எஸ் என் எல் மட்டும்தான்.  பி எஸ் என் எல்லின் தரைவழித் தொலைபேசி சேவைகள் மட்டுமே அந்த வெள்ள காலத்திலும் இயங்கிக் கொண்டிருந்தது.  இதையெல்லாம் மறுக்கவில்லை.

 இதனை தனியார் நிறுவனங்களில் எதிர்பார்க்க முடியாது என்பதும் மறுக்க முடியாத உண்மை.



ஆனால்

 தொடர்ந்து ஆயிரக்கணக்கான கோடிகள் நஷ்டம் என்றால் அது மக்களின் வரிப்பணம்தானே?

 இன்னும் கொஞ்சம் யோசித்தால் இந்த ஆயிரக்கணக்கான கோடிகளில் பெரும்பங்கு ஊழியர்களின் சம்பளமாகத்தான் போகிறது.

 சில லட்சம் பேர் சம்பாதிக்க கோடிக்கணக்கானவர்களின் வரிப்பணம் வீணாகலாமா?

திருவாரூருக்கு அருகில் கூத்தூர் என்று ஒரு ரயில் நிலையம் இருந்தது.  ஒரு நாளைக்கு அதிகபட்சம் 50 ரூபாய்க்கு டிக்கெட் விற்றால் அதிகம்.  அதனால் ரயில்வே நிர்வாகம் அந்த ரயில் நிலையத்தை மூடலாம் என்று முடிவெடுத்தது. உடனே ஊர்மக்கள் போராட்டம் ஆரம்பித்தனர்.  நிர்வாகம் பொதுமக்களை அழைத்துப்பேசியது.

நீங்க யாரும் ரயிலிலே போக மாட்டீர்கள், ஆனால் ரயில் மட்டும் உங்கள் ஊரில் நிற்க வேண்டும் என்று எதிர்பார்ப்பது நியாயமா?

 யாருமே ஏறாத போது, நாலைந்து பேருக்காக மட்டும் ஒரு நாளைக்கு நாலு ரயில் இந்த ஊரில் நிற்க வேண்டுமா?

என்று கேட்டதும் ஊர் மக்கள் ஒன்று சேர்ந்து இனிமேல் எல்லோரும் தினமும் ஒரு முறை ரயிலில் ஏறி திருவாரூர் அல்லது நாகப்பட்டினம் சென்று வர வேண்டும் என்று முடிவெடுக்கப்பட்டு

 ஒரே நாளில் 1000 ரூபாய்க்கு டிக்கெட் விற்க ஆரம்பித்தது – 1992ல்.  இதனால் ரயில் நிலையத்தை மூடும் திட்டம் கைவிடப்பட்டது.

அப்படியே பி எஸ் என் எல் மூடப்படக்கூடாது என்று நினைத்தால் அது அரசின் கையில் இல்லை. உங்கள் கைகளில்தான் உள்ளது.

 புரியவில்லையா?

இன்றைக்கு எல்லா மொபைலிலும் இரண்டு சிம் வசதி இருக்கிறது.  ஒன்று உங்களுக்குப் பிடித்த தனியார் சிம்மாக இருக்கட்டும். இன்னொன்று பி எஸ் என் எல் ஆக இருக்கட்டும்.  அவுட்கோயிங் கால் எல்லாம் தனியார் சிம்மில் செய்யுங்கள்.  இன்கமிங் கால் என்பது பி எஸ் என் எல் எண்ணில் மட்டுமே என்று எல்லோருக்கும் கூறுங்கள்.

 ஆபத்து காலத்தில் உதவுமே என்று ஒரு தரைவழி தொலைபேசி இருப்பதிலேயே குறைந்த கட்டணத்தில் வீட்டில் வைத்துக் கொள்ளுங்கள்.  மின்சாரம் இருந்தாலும் இல்லாவிட்டாலும் வீட்டைத் தொடர்பு கொள்ள அதுதானே சிறந்த வழி!

ஆனால் நான் மீம்ஸ் மட்டுமே போடுவேன், விவரங்களை விளங்கிக் கொள்ளாமல் கருத்து மட்டுமே கூறுவேன் என்று புரளும் டோலர்களுக்கு இது கஷ்டமாகத்தான் இருக்கும்.


ஒன்றே ஒன்று கேட்கிறேன் –  பி எஸ் என் எல் தொலைபேசி சேவையில் உங்களுக்கு முழு திருப்தி உள்ளதா?

ஊழியர்களால் உங்களுக்கு பிரச்சினையில்லாமல் இருக்கிறதா?

 ஏதேனும் தடங்கல் என்றால் பிரச்சினை உடனே சரி செய்யப்படுகிறதா?

 வாடிக்கையாளர் சேவை நன்றாக இயங்குகிறதா?

 இதற்கெல்லாம் ஆமாம் என்று சொல்ல முடிந்தால் ஸேவ்பிஎஸ்என்எல் என்று  சொல்ல நானும் உங்களோடு சேர்ந்து கொள்கிறேன்.

- யாரோ

Monday, September 9, 2019

இந்தியா -  புழக்கத்தில் உள்ள ரொக்கப் பணத்தின் மதிப்பு

இந்தியா - புழக்கத்தில் உள்ள ரொக்கப் பணத்தின் மதிப்பு

இந்தியா -  புழக்கத்தில் உள்ள ரொக்கப் பணத்தின் மதிப்பு

இந்தியா
புழக்கத்தில் உள்ள
ரொக்கப் பணத்தின்
மதிப்பு


4 நவம்பர் 2016
 ரூ. 17.97 லட்சம் கோடி

ஏப்ரல் 28, 2017
ரூ. 14.32 லட்சம் கோடி


26 ஆக., 2017
இந்திய பொருளாதார மந்தநிலையை எளிமையாக விளக்கும் மீம்ஸ்

இந்திய பொருளாதார மந்தநிலையை எளிமையாக விளக்கும் மீம்ஸ்


இந்திய பொருளாதார 
மந்தநிலையை 
எளிமையாக விளக்கும் மீம்ஸ்


வாட்ஸ் அப்பில் வந்தது. 
பொருளாதார மந்த நிலை  எக்கனாமிக்ஸ் படித்ததால் வந்த வினை..!

பொருளாதார மந்த நிலை எக்கனாமிக்ஸ் படித்ததால் வந்த வினை..!

ஒரு கிராமத்தில் ஒருவர் இருந்தார்.ருசியான வித விதமான வடைகள் சுடுவதில் வல்லவர்.அது தான் அவரது தொழிலும் கூட.அவருக்கு எழுதப் படிக்கத் தெரியாது.


அதனால் எந்த செய்தித்தாள்களையும் அவர் படிக்க மாட்டார்.செய்தித்தாள்களைப் படிக்கும் பழக்கம் இல்லாததால் நாட்டில் என்ன நடக்கிறது என்பதைக் குறித்து பெரிதாக அலட்டிக் கொள்ள மாட்டார்.அதனால் டிவி பார்க்கும் பழக்கமும் அவருக்கு இல்லை.

அதனால் அவரது முழுக் கவனமும் அவரது வடை தொழிலில் மட்டுமே இருந்தது.வேறு எந்த  சிந்தனையும் அவருக்கு இல்லை.விதவிதமான ருசியான வடைகளைத் தருவதால் அதுவும் குறைவான விலையில் தரமாகத் தருவதால் அவரது கடைக்கு வாடிக்கையாளர்கள் கூட்டமும் மிக அதிகமாக இருந்தது.வருமானமும் நிறைவாக இருந்தது.அவரும் மகிழ்ச்சியாக இருந்தார்.

அவருக்கு ஒரு மகன் இருந்தான்.அவன் சென்னையில் மிகப் புகழ்பெற்ற ஒரு கல்லூரியில் எக்கனாமிக்ஸ் படித்து வந்தான்.பேஸ்புக், ட்விட்டர் என சமூக வலைத்தளங்களிலும் மிக ஆக்டிவ்வாக இருப்பான்.விடுமுறையில் ஊருக்கு வந்தான்.அப்படியே தன் தந்தையின் கடைக்கும் போனான்.

அங்கே வடைகளுக்காக விதவிதமான மளிகை சாமான்கள், காய்கறிகள் எண்ணெய் வகைகள் என ஏகப்பட்ட சரக்குகளை தன் தந்தை வாங்கி வைத்து இருப்பதைப் பார்த்தான்.

நேராக தந்தையிடம் சென்றான்,

"என்னப்பா நீ...முட்டாத்தனமா இருக்க...நாட்ல பொருளாதார மந்தநிலை இருக்குறது உனக்கு தெரியாதா?பல ஆட்டோமொபைல் கம்பனிங்க சங்கடத்துல இருக்கு.நிறைய ஷோரூம்களை மூடிட்டாங்க.நிறைய பேருக்கு வேலை போச்சு.இது அப்படியே எல்லா இன்டஸ்ட்ரிக்கும் பரவ போகுதாம்.பணக் கஷ்டம் வர போகுதாம்.பேங்குங்க எல்லாம் திவாலாகப் போகுதாம்.அதனால பணத்தை சேர்த்து வையி.இப்படி கன்னாபின்னான்னு சரக்குகளை வாங்கி குமிக்காதே...‌" என்று தான் படித்த மைக்ரோ எக்கனாமிக்ஸ் மற்றும் மேக்ரோ எக்கனாமிக்ஸ் கலந்து லெங்க்த்தாக ஒரு ஸ்பீச் தந்தான்.

போதாக்குறைக்கு பொருளாதார மந்தநிலை பற்றி பேஸ்புக்கில் எழுதப்பட்ட ரைட்டப்களையும், வாட்சப்பில் வரும் தகவல்களையும் வேறு தன் தந்தைக்கு காட்டினான்.

இதையெல்லாம் பார்த்த அவனது தந்தையும்,

"ஆஹா நமக்கு தான் எழுதப் படிக்கத் தெரியாது.நம்ம புள்ள மெட்ராஸ்ல படிக்குறவன்.அவன் சொன்னா தப்பா இருக்காது...."என்று எண்ணினார்.

உடனடியாகத் தன்னிடம் இருக்கும் சரக்குகளைப் பாதியாக குறைத்தார்.வாங்கிய இடத்திலேயே அதைத் திரும்பத் தந்தார்.

ஆரம்பத்தில் 50 விதமான வடைகளை விற்றவர், மறுநாளே வடைகளில் வெரைட்டியை 10 ஆக  குறைத்தார்.விற்பனையையும் குறைத்தார்.

அவரது கடைக்கு அவரது வெரைட்டியான வடைகளுக்காகவே வந்த கூட்டம்  வெரைட்டியான வடைகள் கிடைக்காததால் பாதியாக குறைந்தது.

வாடிக்கையாளர்கள் கூட்டம் பாதியாக குறைந்ததைப் பார்த்து இவரும் தன் விற்பனையை மேலும் சுருக்கினார்.உளுந்த வடையை மட்டுமே போடத் துவங்கினார்.உளுந்த வடையை மட்டும் விரும்பும் வாடிக்கையாளர்கள் மட்டும் கடைக்கு வந்தனர்.அதைப் பார்த்ததும் மேலும் பதறினார்.

விற்பனை மந்தமாவதால் நாளை முதல் என் வடை கடை காலவரையற்ற விடுமுறை விடப்படுகிறது...என்ற போர்டை வைத்து கடையை மூடினார்.

தன் மகனை அழைத்தார்,

"ஆமாப்பா...நீ சொன்ன மாதிரியே நாட்ல பொருளாதார மந்தநிலை இருக்கு.நம்ம கடைக்கு வர்ற ஆட்கள் கூட குறைஞ்சுகிட்டே போயி...கடைசில யாருமே வரலை... வியாபாரமும் படுத்திருச்சி...இருக்குறதையாவது காப்பாத்தனும்ன்னு நானும் கடையையே மூடிட்டேன்..." என்றார்.

தான் படிக்கும் எக்கனாமிக்ஸ் அறிவைக் கொண்டு தன் தந்தையை தான் காப்பாற்றியதாக மகனும் தனக்குத் தானே பெருமைப்பட்டுக் கொண்டான்.

ஆனால் நன்றாக வியாபாரம் நடந்து கொண்டு இருந்த வடை கடையை எதற்காக அவர் மூடினார் என்பது மட்டும் அவரது வாடிக்கையாளர்களுக்கு கடைசி வரையிலும் தெரியவே இல்லை.

Whatsup Story 


இந்தியாவில் பொருளாதார மந்த நிலை ஏற்பட்டுள்ளதற்கான ஆதாரங்கள் இதோ

இந்தியாவில் பொருளாதார மந்த நிலை ஏற்பட்டுள்ளதற்கான ஆதாரங்கள் இதோ


இந்தியாவில் பொருளாதார மந்த நிலை 
ஏற்பட்டுள்ளதற்கான ஆதாரங்கள் இதோ


வாகனத் துறையில் 
3.5 லட்சம் பேர் வேலை இழப்பு

டாடா மோட்டார்ஸ் நான்கு தொழில்சாலைகளை 
ஒரு வாரத்துக்கு மேல் மூடல்

 மாருதி சுசூகி 
தொடர்ந்து 
6 மாதமாக 
அதன் உற்பத்தியில் 25% குறைத்துள்ளது.

Tuesday, August 20, 2019

இன்றைய பொருளாதார , நிதி மந்த நிலைக்கு யார், எது  காரணம்?

இன்றைய பொருளாதார , நிதி மந்த நிலைக்கு யார், எது காரணம்?

இன்றைய பொருளாதார , நிதி மந்த நிலைக்கு யார் காரணம்?
ஆகஸ்ட் 20, 2019

கடந்த 20 ஆண்டு காலத்தில் முதன் முறையாக டிவிஎஸ் நிறுவனம்

தன்னுடைய உற்பத்தியை நிறுத்தி இருக்கிறது..

பஜாஜ் நிறுவனம் மிக மோசமான நிலையில் இருப்பதாக* ரத்தன் பஜாஜ் மோடிக்கு கடிதம் எழுதியிருக்கிறார்..

மஹிந்த்ரா நிறுவனம் மோடி உடனடியாக தலையிட வேண்டும்* என்று வலியுறுத்தி வருகிறார். அவர்களுடைய நிறுவனத்தில் 30% உற்பத்தி குறைந்து விட்டது. 

வரலாற்றில் முதன்முறையாக டாடா இந்தியாவில்  தன்னுடைய சொத்துகளை விற்கப்போவதாக அறிவித்து உள்ளது. மும்பை தாஜ் ஹோட்டல் விற்கப்பட இருக்கிறது.

இரண்டு சக்கர வாகனங்கள் விற்பனையில் கடந்த பத்தாண்டுகளில் ஏற்படாத 35% சரிவு ஏற்பட்டிருக்கிறது.



டாலருக்கு எதிரான இந்திய ரூபாய் வரலாறு காணாத வீழ்ச்சி அடைந்து 71.85 ரூபாயை அடைந்திருக்கிறது. 

தங்கம் விலை சவரனுக்கு 28000 ஆக ஆகி இருக்கிறது. 

பங்குச் சந்தை பலத்த வீழ்ச்சி அடைந்துள்ளது. 

எல்லாவற்றுக்கும் மேலாக ரிலையன்ஸ் முகேஷ் அம்பானிக்கு 60 பில்லியன் டாலர் அதாவது 4,32,000 கோடி ரூபாய் கடன் உள்ளதால் அவருக்கு இனி கடன் கிடையாது உலக நிதி நிறுவனங்கள் அறிவித்துள்ளன. 

அம்பானி தன்னுடைய பங்குகளில் 20% த்தை முதற்கட்டமாக சவுதியின் ஆரம்கோ நிறுவனத்திற்கு விற்க இருக்கிறார்.  கடனை அடைப்பதற்காக தேவையான சொத்துகளை விற்று விடும் முடிவில் இருக்கிறார் என்று ஃபைனான்ஷியல் டைம்ஸ் நிறுவனம் தெரிவித்திருக்கிறது. 

ஏன் இவ்வளவு கேவலமான நிலை?

முட்டாள்தனமான பண மதிப்பு நீக்கம் (டீமானிட்டைசேஷன்), சரியாக திட்டமிடாத ஜிஎஸ்டி - யுமே ஆகும்.

வாட்ஸ் அப் தகவல்

Tuesday, August 13, 2019

செலவு செய்வதில் கூடுதல் கவனம்.. கடுமையான நிதி, பொருளாதார நெருக்கடி காலங்கள் பராக்..!

செலவு செய்வதில் கூடுதல் கவனம்.. கடுமையான நிதி, பொருளாதார நெருக்கடி காலங்கள் பராக்..!

செலவு செய்வதில் கூடுதல் கவனம்.. கடுமையான நிதி, பொருளாதார நெருக்கடி காலங்கள் பராக்..!

இந்தியாவில் அறிவிக்கப்படாத நிதி  மற்றும்  பொருளாதாரநெருக்கடி நிலை  தற்போது நிலவி வருகிறது. 

 பொதுமக்களுக்கு இதன் தாக்கம் மிக மெதுவாகத்தான் தெரியவரும். தொடர்ந்து வரவிருக்கும் பெரும் நெருக்கடிகளுக்கு இது ஒரு சாம்பிள் 

 வங்கிகளின் வாராக்கடன்கள் அதிகரிக்கின்றன என்றால் என்ன அர்த்தம்.? புதிய முதலீடுகள் வரவில்லை என்று அர்த்தம்..? 

திவாலானதாக அறிவிக்கும் முறைகள், மற்றும் இந்த கார்ப்பரேட்டுகளின் தொடர்ந்த ஊழல்களால் இது நடக்கிறது.

 கட்டி முடிக்கப்பட்டிருக்கும் வீடுகள் விலை போகவில்லை. வாங்க யாரும் வரவில்லை.. இதன் பொருள் ஸ்டீல், சிமெண்ட்,. பாத்ரூம் ஃபிட்டிங்குகள், கட்டுமானங்கள் ஆகியவை பெரும் சரிவை சந்திக்கப் போகின்றன. 

இதன் காரணமாக வங்கிகளின் வாராகடன்கள் நிச்சயம் மிக மிக அதிகரிக்கப் போகின்றன. 
வெறும் கம்பெனிகள் மட்டுமில்லாமல் தனிப்பட்ட நபர்களும் கடனை கட்ட முடியாமல் வாராக்கடன் பட்டியலில் சேரும் நிலைமை அதிகரிக்கப் போகிறது. ஆக சிக்கல் மேலும் அதிகரிக்கப் போகிறது.

வாகன விற்பனையும் சரிந்து வருகிறது. இந்த நிமிடத்தில் பார்த்தோம் என்றால் இந்திய வரலாற்றில் முதன் முறையாக இரு சக்கர வாகன விற்பனை விகிதம் மைனசில் போய்க் கொண்டிருக்கிறது.
மாருதி தனது உற்பத்தியை 50% குறைத்துவிட்டது. பல வாகன விற்பனையாளர்கள் தங்கள் ஷோரூம்களை மூடி வருகிறார்கள். இதன் விளைவாக ஸ்டீல், டயர்கள் மற்றும் அக்சசரிகளின் விற்பனை படுபயங்கரமா வீழ்ச்சியை சந்திக்கும்.

 மேற்சொன்ன மூன்று காரணங்களின் மூலமாகவே கோடிக்கணக்கான வேலை இழப்புகள் வரப் போகின்றன. 

முக்கியமாக அரசுக்கு வர வேண்டிய வரி வருவாய் கணிசமான அளவுக்கு குறையப்போகிறது. வருவாய் குறைந்தால் அரசு சும்மா இருக்குமா.? இழந்த வருவாயை சரி செய்ய மேலும் மேலும் வரிகளைப் போட்டு மக்களின் முதுகை ஒடிக்கப் போகிறது. 

வரும் வருமானம் அனைத்தையும் அரசு தனியார் கம்பெனிகளிடம் அப்படியே தூக்கிக் கொடுத்து விடுகிறது. வரும் பற்றாக்குறைக்கு மட்டும் மக்கள் மீது வரி போட்டு சுரண்டுகிறது. இந்த மாதிரி பொருளாதார வீழ்ச்சி நேரத்தில் இந்த அரசு என்ன செய்யும்.. 

அரசின் சொத்துகள் அனைத்தையும் கார்ப்பரேட்டுகளுக்கு மிகக் குறைந்த விலைக்கு விற்கத் துவங்கும். அரசின் நஷ்டம் மேலும் மேலும் அதிகரிக்கத் துவங்கும்.

இந்த பொருளாதார சரிவின் தாக்கத்தை பொதுமக்கள் 2020 மார்ச் வாக்கில் உணரத் துவங்குவார்கள். ஏனென்றால் தற்போது சாமானிய இந்தியர்கள் யாருக்கும் இதன் தாக்கம் இன்னமும் உறைக்கவில்லை. 

அன்றாட தேவைகளான குளியல் சோப்பு, ஷாம்பூ, சோப் பவுடர்கள் போன்ற அத்தியாவசிய பொருட்களைக் கூட விற்க முடியாத நிலை அல்லது அதை மக்கள் வாங்க முடியாத நிலையும் சீக்கிரம் வரப் போகிறது. 

 கடந்த சில வருடங்களாகவே இந்த FMCG எனப்படும் அன்றாடம் விற்பனையாகும் பொருட்களின் விற்பனை வீழ்ச்சியைத்தான் சந்தித்து வருகிறது. மூச்சுக்கு முன்னூறு தடவை டிவியில் விளம்பரம் வருமே.. 

அந்த பாபா ராம்தேவின் பதஞ்சலி பொருட்களுக்கான விளம்பரங்களை கடைசியாக நீங்கள் டிவியில் எப்போது பார்த்தீர்கள் என்று ஞாபகம் இருக்கிறதா.? 

இரண்டு வருடங்களுக்கு முன்பு பதஞ்சலி டிவி விளம்பரங்களில் சக்கைப் போடு போட்டுக் கொண்டிருந்தது. ஆனால் கடந்த ஒரு வருடமாகவே பதஞ்சலி இறங்கு முகத்தில் இருக்கிறது. அரசின் சப்போர்ட்டோடு படு வேகமாக முன்னேறி வந்த பதஞ்சலியே வீழ்ச்சியை சந்திக்கிறது என்பதுதான் அபாயத்துக்கான அறிகுறி. 

அன்றாடப் பொருட்களை விடுங்கள்.. பதஞ்சலி ஆயுர்வேதா எனப்படும் பதஞ்சலி மருந்துகளின் விற்பனையே 2018 ல் இருந்து பத்து சதவீதம் வீழ்ச்சியில்தான் இருக்கிறது. பதஞ்சலி போன்ற கம்பெனிகள் மட்டுமல்ல.. ராட்சத நிறுவனமான ஹிந்துஸ்தான் லீவரின் விற்பனையே இறங்குமுகத்தில்தான் உள்ளது. நகர்ப்புறங்களில் அன்றாட பயன்பாட்டுப் பொருட்களான சோப்பு, டூத் பேஸ்ட், தலைக்குத் தேய்க்கும் எண்ணை, பிஸ்கட்டுகள் போன்ற எண்ணற்ற பொருட்களின் விற்பனை பெரும் சரிவை சந்தித்து வருகிறது. 

விற்பனை சரிவதால் கம்பெனிகளின் லாபமும் சரிந்து வருகிறது. இந்த வீழ்ச்சிக்குள்தான் அன்றாட தேவைப் பொருட்களோடு, இரு சக்கர வாகனங்கள், குறைந்த விலை கார்கள் ஆகியவை வருகின்றன.

இப்போது அடுத்த பிரச்னையான போக்குவரத்து வருகிறது. இந்திய போக்குவரத்து ஆராய்ச்சி மற்றும் பயிற்சி நிறுவனத்தின் அறிக்கையிலிருந்து சிலவற்றைப் பார்ப்போம்..

 நவம்பர் 2018 க்கு மேல் வாடகை லாரிகளின் வருமானம் 15% சரிந்திருக்கிறது என்கிறது அந்த அறிக்கை. பெருமளவு இடமாற்றம் செய்யும் fleet வகை போக்குவரத்து அதை விட அதிகமான சரிவைச் சந்தித்திருக்கிறது. 

 அனைத்து 75 தேசிய வழித் தடங்களிலும் போக்குவரத்து சொல்லத்தக்க அளவு வீழ்ச்சியை சந்தித்து வருகிறது. கடந்த ஏப்ரல் முதல் ஜூன் வரையிலான காலகட்டத்தில் மட்டும் பெருமளவு போக்குவரத்தான fleet transportation கடந்த காலாண்டை ஒப்பிடும்போது 25% முதல் 30% வீழ்ச்சியை சந்தித்திருக்கிறது என்றால் நிலைமையின் தீவிரத்தை நீங்களே உணர்ந்து கொள்ளலாம். 

ஆக லாரி ஓனர்களின் வருவாயும் 30%  சதவீதம் வீழ்ச்சி அடைந்திருக்கிறது. 

ஆக அடுத்த காலாண்டில் பெரிய பாதிப்பு காத்திருக்கிறது. பெருமளவு இடமாற்றம் செய்யும் பல போக்குவரத்து அதிபர்கள் தங்கள் மாதாந்திர தவணையை கட்ட முடியாமல் போகக் கூடிய ஆபத்து காத்திருக்கிறது. அது மேலும் ஒரு வீழ்ச்சிக்கு வித்திடப் போகிறது.

 சரக்கு இட மாற்றத்தில் நிகழ்ந்திருக்கும் இந்த பெரும் வீழ்ச்சிக்கு காரணம் தொழில்ரீதியான உற்பத்தி பெரும் சரிவை சந்தித்திருப்பதுதான். அதாவது தேவைகள் குறைந்துவிட்டதால் உற்பத்தி குறைந்துவிட்டது. உற்பத்தி இல்லாததால் லாரி போக்குவரத்தின் தேவையும் குறைந்துவிட்டது. அவ்வளவுதான். 

நகரங்களிலும் சரி, கிராமங்களிலும் சரி, நுகர்வோர் (consumers) தங்கள் செலவுகளை குறைத்துக் கொண்டிருக்கிறார்கள். விவசாய உற்பத்தியும் மிக மிக மெதுவாக நடந்து கொண்டிருக்கிறது. ஏப்ரலுக்குப் பிறகு விவசாயப் பொருட்களின் தேவை கூட குறைந்துவிட்டதாக சொல்கிறார்கள். பழம் மற்றும் காய்கறிகளின் தேவை கூட 20% குறைந்துவிட்டது. 


இது வெறும் ஆரம்பம்தான். இன்னும் போகப் போக ஒவ்வொரு துறையாக அடி வாங்கப் போகின்றன. 
ஆகவே மிகப் பெரிய பொருளாதார வீழ்ச்சிக்கு தயாராக இருங்கள் நண்பர்களே..

Thursday, April 11, 2019

கடந்த 4 ஆண்டுகளில் ஏன் இந்திய பொருளாதார சரிவு?

கடந்த 4 ஆண்டுகளில் ஏன் இந்திய பொருளாதார சரிவு?

அதிக லாபம் தரும் மறுசுழற்சிப் பொருட்கள் கடை

குன்றத்தூரை அடுத்த ஆண்டாள் குப்பத்தில் வசித்து வருகிறார் திருமதி. ஆர் சாந்தி. இவர் புதுப்பேடு என்னும் இடத்தில் ஆர்எஸ்ஆர் வேஸ்ட் ஸ்கிராப் மார்ட் கம்பனியை நடத்தி வருகிறார். அவரிடம் அவரின் தொழில் பற்றி கேட்டபோது,எனக்கு முன் என் கணவர் இந்த தொழிலை செய்து வந்தார்.
அவர் அமரம்பேட்டில் சொந்தமாக கடை வைத்து இருந்தார். பத்து ஆண்டுகளாக இந்த தொழிலை செய்தார். தொழிலில் ஏற்பட்ட நட்டத்தால் கடன் அதிகமாகி விட்டது. என் கணவரும் ஒரு விபத்தில்…

ரூ.150-ல் தொடங்கிய தொழில் பயணம்: 25 - ம் ஆண்டில், மணிபாரதி அச்சகம்!

”வருவாய் ஈட்டுவதே ஒருவர் தொழில் செய்வதற்கோ, வேலைக்கு செல்வதற்கோ அடிப்படை, எனினும் அது அத்தோடு முடிந்து விடுவது இல்லை. ஒரு மனிதருக்கு சமூகத்தில் மதிப்பு மிகு அடையாளத்தைத் தருவது அவர் செய்யும் தொழிலே. தவிர தான் நன்றாக வாழ்ந்தோம் என மனநிறைவைத் தருவதும் அவரது தொழிலே. ஆக வருமானம், அடையாளம், மனநிறைவு மூன்றையும் தரக் கூடியதாக ஒருவரது தொழில் அமைந்திருக்க வேண்டும்” என்கிறார், திரு. ச. மணிவண்ணன். சிதம்பரத்தில் உள்ள மணிபாரதி அச்சகத்தின் உரிமையாளரான இவர் கடந்த…

கடந்த 4 ஆண்டுகளில் ஏன் இந்திய பொருளாதார சரிவு?

கடந்த நான்கு ஆண்டுகளில் ஏற்பட்டு உள்ள மிகக் கடுமையான பொருளாதார (வருவாய்) ஏற்றத் தாழ்வு, ஏழைகள் உட்பட பெரும்பாலான மக்களின் நல்வாழ்வை நலிவு அடையச் செய்து விட்டது. இது இந்திய ஜனநாயத்தையும், அரசியல் அமைப்புச் சட்டத்தில் உள்ளடக்கப்பட்டு உறுதி செய்யப்பட்டு உள்ள சமூக நல உடன் படிக்கையையும் அச்சுறுத்துவதாக உள்ளது (Oxfam International)பொதுவாக நல்ல பொருளாதார முன்னேற்றம் என்பது, பொருள் உற்பத்தி வேகமாக உயர்வது (GDP Growth) என்றும், வேலை வாய்ப்பு அதிகப்படுவது என்றும் மற்றும் நாட்டில்…

மரவள்ளி சாகுபடியில் நல்ல லாபம்

சில மாவட்டங்கள் மரவள்ளிக் கிழங்கு சாகுபடியில் பெரிய அளவில் பயன் அடைந்து கொண்டிருக்கின்றன. தன்னுடைய சிறு வயதில் இருந்தே கேரளாவில் மரவள்ளி சாகுபடியில் ஈடுபட்டு வரும் திரு. ஆர். அய்யாக்கண்ணு, மரவள்ளி பயிரிடுதல் தொடர்பான சில செய்திகளை நம்முடன் பகிர்ந்து கொண்டார். அவற்றில் இருந்து,
”படிப்பதற்கான வாய்ப்பு இல்லாததால் என்னை என் சிறுவயதிலேயே விவசாயப் பணிகளுக்கு கேரளாவுக்கு அனுப்பி வைத்து விட்டார்கள். தொடக்கத்தில் இருந்தே அங்கு மரவள்ளி சாகுபடிதான். அதனால் எனக்கு மரவள்ளிப் பயிர் குறித்த அத்தனைப்…

ஜி.எஸ்.டி பதிவு இல்லாதவர்கள் இ-வே பில் எடுப்பது எப்படி?

சான்றாக அ என்பவர் திருப்பூரில் பனியன் உற்பத்தி செய்யும் சிறுதொழில் நிறுவனர். அவர் நிறுவனத்தின் ஆண்டு விற்பனை வருமானம் புதிய விற்பனை வருமான வரம்பு ரூ. 40 இலட்சங்களுக்குள் வருவதால் ஜிஎஸ்டி பதிவு எண் பெறாமல் தன் தொழிலை நடத்தி வருகின்றார்.
இவர் தன் உற்பத்திப் பொருட்களை தமிழ் நாட்டிற்குள் அல்லது மற்ற மாநிலங்களுக்கு அனுப்பும் போது சரக்குடன் இ-வே பில் (மின்னணு வழி பட்டியல்) அனுப்ப வேண்டுமா? ஆம் எனில் ஜிஎஸ்டியில் பதிவு எண்…

இனி எல்லாம் மின்சார வாகனங்களே !

இன்றைய உலகில் மின் வண்டிகளுக்கு மிகப்பெரிய சந்தை ஏற்பட்டு உள்ளது. இந்த சந்தையை இன்னும் பெரிதாக்க உலகின் அதிக மக்கள் தொகை கொண்ட சைனா திட்டமிட்டு உள்ளது. இது தானியங்கி வண்டிகளை உருவாக்கும் மிகப்பெரிய நிறுவனங்களிடையே உற்சாகத்தை ஏற்படுத்தி உள்ளது.
இந்த ஆண்டு ஜனவரியில், சைனாவில் வண்டிகளை உற்பத்தி செய்யும் பன்னாட்டு நிறுவனங்களான டயோட்டா மோட்டார் & ஜெனரல் மோட்டார் மற்றும் சைனா நாட்டின் உள்நாட்டு நிறுவனங்களான பிஒய்டீ மற்றும் பீஏஐசி மோட்டார் போன்ற நிறுவனங்கள்…

ஒரு தாயும் அவருடைய மகளும் வரைபடமும்

குடும்பத் தலைவியான தாய் ஒருவர் மகளிர் மாத இதழ் ஒன்றை மிக ஆழ்ந்து படித்துக் கொண்டு இருந்தார் அறிவுத்திறன் மிக்க சுறுசுறுப்பான அவருடைய மகள்” அது என்ன? இது என்ன?” என்றவாறு கேள்விகளுடன் அந்த குடும்பத் தலைவியை மகளிர் மாத இதழை தொடர்ந்து படிக்க முடியாமல் தொந்திரவு செய்து கொண்டு இருந்ததால், தம் மகளின் தொந்திரவை தவிர்க்கும் பொருட்டு அருகில் இருந்த உலக வரைபடம் ஒன்றை தாறுமாறாக கிழித்து, அவைகளை ஒன்றிணைத்து முழுமையான உலக வரைபடமாக செய்யுமாறு…

வணிகர்களுக்கான ஜி.எஸ்.டி. விளக்கத் தொடர்..!

குறைக்கப்பட்ட வீடுகளுக்கான ஜிஎஸ்டி
வீடு வாங்குபவர்களுக்கு சலுகை அளிக்கவும், வீட்டு வசதி துறையை உயர்த்தவும், ஜிஎஸ்டி கவுன்சிலின் 33வது கூட்டம் 24/02/2019 அன்று நடைபெற்றது அந்த நேரம் வீட்டு வசதிக்காக ஜிஎஸ்டி சதவீதம் குறைப்பு மற்றும் முக்கிய பரிந்துரைகள் செய்யப்பட்டு உள்ளது. அவை என்ன என்று பார்ப்போம்.
ஜிஎஸ்டி வரி விகிதம்
மலிவான பிரிவிற்கு வெளியே வாழும் குடியிருப்புகளுக்கு உள்ளீட்டு வரி வரவு இல்லாமல் 5% வரி விதிக்க…


https://valar.in/
arrow_upward