சுந்தரம் ஹோம் ஃபைனான்ஸ் 2026 நிதியாண்டிற்கான நிகர லாபம் 15% அதிகரித்து ரூ. 282 கோடியாக உயர்ந்துள்ளது
வளர்ந்து
வரும் வணிகப் பிரிவுகளுக்கான கடன் வழங்கல் ரூ. 500 கோடி என்ற மைல்கல்லைத் தாண்டியுள்ளது
சென்னை,
மே 5, 2026: சுந்தரம் ஹோம் ஃபைனான்ஸ், சுந்தரம் ஃபைனான்ஸ்
லிமிடெட்டின் முழு உரிமையுடைய துணை நிறுவனம், மார்ச் 31, 2026 முடிவடைந்த
நிதியாண்டில் தனது நிகர லாபத்தில் 15% உயர்வுடன் ரூ. 282 கோடியைப் பதிவு செய்துள்ளது.
இது முந்தைய ஆண்டின் இதே நிதியாண்டில் ரூ. 245 கோடியாக இருந்தது.
மார்ச்
31, 2026 அன்று முடிவடைந்த நிதியாண்டில் வழங்கப்பட்ட கடன்கள் முந்தைய ஆண்டின் இதே காலகட்டத்தில்
பதிவு செய்யப்பட்ட ரூ. 6517 கோடியுடன் ஒப்பிடுகையில், 5% அதிகரித்து ரூ. 6842 கோடியாக
உயர்ந்துள்ளது.
கீழ்
உள்ள சொத்துக்கள், 31 மார்ச் 2025 அன்று ரூ. 17428 கோடியாக இருந்த நிலையில், 31 மார்ச்
2026 அன்று ரூ. 19909 கோடியாக 14% உயர்வைப் பதிவு செய்துள்ளது.
வளர்ந்து
வரும் வணிகப் பிரிவில் ரூ. 500 கோடி விநியோகம்
மலிவு
விலை வீட்டு வசதி நிதி மற்றும் சிறு தொகைக் கடன்களை உள்ளடக்கிய வளர்ந்து வரும் வணிகப்
பிரிவில், நிதியாண்டு 2026-ல் வழங்கப்பட்ட கடன்கள் ரூ. 500 கோடி என்ற மைல்கல்லைக் கடந்து,
முந்தைய ஆண்டில் பதிவு செய்யப்பட்ட ரூ. 229 கோடியுடன் ஒப்பிடுகையில், இந்த ஆண்டை ரூ.
590 கோடி விநியோகத்துடன் நிறைவு செய்தது. இந்த ஆண்டில் 100 வளர்ந்து வரும் வணிகக் கிளைகள்
என்ற மைல்கல்லையும் கடந்தது.
மார்ச்
31, 2026 முடிவடைந்த நிதியாண்டில் 500-க்கும் மேற்பட்ட பணியாளர்களையும், ஏறக்குறைய
5000 வாடிக்கையாளர்களையும் சுந்தரம் ஹோம் ஃபைனான்ஸ் சேர்த்துள்ளது.
 |
| சுந்தரம் ஹோம் ஃபைனான்ஸின் நிர்வாக இயக்குநர் டி. லட்சுமிநாராயணன் |
செயல்திறன்
குறித்து கருத்து தெரிவித்த சுந்தரம் ஹோம் ஃபைனான்ஸின் நிர்வாக இயக்குநர் டி. லட்சுமிநாராயணன்,
“எங்களின் முதன்மை வணிகம் தொடர்ந்து சிறப்பாகச் செயல்பட்டு வருகிறது. தமிழ்நாட்டில்
வலுவான இருப்பைக் கொண்டிருப்பதால், வளர்ந்து வரும் வணிகம் கர்நாடகா, ஆந்திரா மற்றும்
தெலங்கானாவுக்கு விரிவடைந்துள்ளது. வளர்ந்து வரும் வணிகப் பிரிவில் 2026 நிதியாண்டில்
வழங்கப்பட்ட கடன்கள் இருமடங்குக்கும் அதிகமாக உயர்ந்து வலுவான வளர்ச்சி காணப்பட்டது.
ஒட்டுமொத்த கடன் வழங்கலில் இந்தப் பிரிவின் பங்களிப்பு இப்போது கிட்டத்தட்ட 10% ஆக
உள்ளது. இந்தப் பிரிவில் எங்களின் தொடர்ச்சியான கவனம் மற்றும் விரிவாக்கத்தின் மூலம்,
இந்த வளர்ச்சிப் பாதையைத் தொடர முடியும் என்பதில் நாங்கள் நம்பிக்கையுடன் உள்ளோம்”
என்றார்.
இந்த
ஆண்டுக்கான கண்ணோட்டம் குறித்து லட்சுமிநாராயணன் கூறுகையில், “முதன்மை மற்றும் வளர்ந்து
வரும் வணிகப் பிரிவுகள் இரண்டிலும், நடுத்தர மற்றும் சிறிய நகரங்களில் குறிப்பிடத்தக்க
வாய்ப்புகள் இருப்பதாக நாங்கள் நம்புகிறோம். அடுக்கு 4 மற்றும் 5 நகரங்களில் எங்களின்
விரிவாக்கம் இந்த ஆண்டு வளர்ந்து வரும் வணிகப் பிரிவில் எங்களின் வளர்ச்சியை ஊக்குவிக்கும்”
என்றார்.
சுந்தரம்
ஹோம் ஃபைனான்ஸ் தொழில்முனைவோருக்கு வீட்டுக் கடன்கள், மனைக்கடன்கள், வீட்டு மேம்பாடு
மற்றும் விரிவாக்கக் கடன்கள், மலிவு விலை வீட்டுக் கடன்கள், சொத்து மீதான கடன்கள் மற்றும்
சிறு தொகைக் கடன்களை வழங்குகிறது.
