முதலீட்டாளர் விழிப்புணர்வு, பாதுகாப்பை மேம்படுத்த
புதுச்சேரியில் செபி, என்எஸ்இ கருத்தரங்கு SEBI NSE
புதுச்சேரி, நவம்பர் 29, 2025: புதுச்சேரியில் பட்ஜெட், சேமிப்பு, முதலீடு மற்றும் கடன் மேலாண்மை உள்ளிட்ட பல்வேறு
திறன்களை உள்ளடக்கிய நிதி திறன் மேம்பாடு, முதலீட்டாளர் விழிப்புணர்வு – முதலீட்டாளர் பாதுகாப்பை மேம்படுத்த செபி மற்றும் என்எஸ்இ சார்பில் பிராந்திய முதலீட்டாளர் விழிப்புணர்வு
கருத்தரங்கு இன்று நடைபெற்றது.
நாடு முழுவதும் நிதி கல்வியறிவு, முதலீட்டாளர் விழிப்புணர்வு மற்றும் முதலீட்டாளர் பாதுகாப்பை
மேம்படுத்துவதற்கான முயற்சியின் ஒரு பகுதியாக இந்தக் கருத்தரங்கு இங்கு
நடத்தப்பட்டது. இதில் அரசு ஊழியர்கள், முதலீட்டாளர்கள், மாணவர்கள், தொழில் வல்லுனர்கள் மற்றும் சமூக
உறுப்பினர்கள் என பலரும் கலந்து கொண்டனர்.
கருத்தரங்கை துவக்கி வைத்து பேசிய செபி தலைவர் துஹின் காந்தா பாண்டே கூறுகையில், முதலீட்டாளர்களின் நலன்களைப் பாதுகாக்க வெளிப்படையான, வலுவான மற்றும் நியாயமான ஒழுங்குமுறை கட்டமைப்பை செபி உருவாக்கி உள்ளது. முதலீட்டாளர் பாதுகாப்பும் சந்தை ஒருமைப்பாடும் மிக முக்கியமானது என்பதை வலியுறுத்திய அவர், மனித குலத்திற்கு பயனளிக்கும் முதலீட்டு கலாச்சாரத்தை வளர்ப்பது குறித்தும் விரிவாக எடுத்துக் கூறினார்.
மேலும் முதலீட்டாளர்கள் யுபிஐ ஐடிகளின் நம்பகத்தன்மையைச்
சரிபார்க்கவும், பதிவுசெய்யப்பட்ட இடைத்தரகரின் வங்கி விவரங்களை உறுதிப்படுத்தவும் ‘செபி செக்’
பற்றியும் விரிவாக விளக்கினார்.
நிகழ்ச்சியில் பேசிய என்எஸ்இ நிர்வாக இயக்குனர் மற்றும் தலைமை செயல் அதிகாரி ஆஷிஷ்குமார் சௌஹான் கூறுகையில், முதலீட்டாளர் கல்வி, விழிப்புணர்வு மற்றும் பாதுகாப்பின் கலங்கரை விளக்கமாக இருப்பதை முக்கிய நோக்கமாகக் கொண்டு என்எஸ்இ செயல்பட்டு வருகிறது. இந்தியாவின் முதலீட்டாளர் எண்ணிக்கை தற்போது அதிவேகமாக வளர்ச்சி அடைந்து வருவதோடு, தனிநபர் முதலீட்டாளர்கள் எண்ணிக்கை 12.2 கோடி தாண்டியிருப்பதாகவும் தெரிவித்தார்.
எனவே இதுபோன்ற கருத்தரங்குகள்
முதலீட்டாளர்களிடையே விழிப்புணர்வை ஏற்படுத்துவதோடு, அவர்கள் பாதுகாப்பான முறையில் முதலீடு செய்வதற்கு உறுதுணையாகவும் இருக்கும்
என்று தெரிவித்தார்.
இந்தக்
கருத்தரங்கில் டிஜிட்டல் பரிவர்த்தனைகளின் சகாப்தத்தில் ஒரு முக்கிய தலைப்பான
சைபர் கிரைம் விழிப்புணர்வு குறித்த அமர்வு நடைபெற்றது. இதில் புதுச்சேரி சைபர் கிரைமைச் சேர்ந்த ஸ்ருதி எஸ் யாரகட்டி ஐபிஎஸ்
ஆன்லைன் மோசடிகளிலிருந்து பாதுகாப்பாக இருப்பது குறித்த பல்வேறு உதவிக்
குறிப்புகளை பங்கேற்பாளர்களுக்கு வழங்கினார்.
செபி எஸ்ஆர்ஓவின் பிராந்திய இயக்குனர்
சூரஜ் மோகன்,
முதலீட்டாளர்களுக்கான ஒழுங்குமுறை கட்டமைப்பு மற்றும் குறை
தீர்க்கும் வழிமுறைகள் குறித்து பேசினார்.
முதலீட்டாளர்
பாதுகாப்பில் என்எஸ்இ
நிதி கையாளுதல் மற்றும் முதலீட்டாளர் பாதுகாப்பிற்கான
தேசிய பங்குச் சந்தையின் ஆழமான உறுதிப்பாட்டை இந்தக் கருத்தரங்கு காட்டுகிறது:
·
முதலீட்டாளர்
விழிப்புணர்வு திட்டங்கள்: என்எஸ்இ 2026-ம் நிதி ஆண்டில் மட்டும்
கடந்த அக்டோபர் மாதம் 31-ந்தேதி நிலவரப்படி 14,487
முதலீட்டாளர் விழிப்புணர்வு நிகழ்ச்சிகளை நடத்தி உள்ளது. இதன்மூலம் 7.8 லட்சம்
பங்கேற்பாளர்கள் பயன் அடைந்துள்ளனர்.
·
முதலீட்டாளர் பாதுகாப்பு
நிதியம்: அக்டோபர் 31 நிலவரப்படி முதலீட்டாளர் பாதுகாப்பு நிதியத்தில் ரூ.2,719 கோடி மூலதனமாக உள்ளது, இது முதலீட்டாளர்களின் பணத்தைப் பாதுகாப்பதில் சிறப்பாக பங்காற்றி வருகிறது.
·
பொது மக்கள் தொடர்பு: கோன் பனேகா குரோர்பதி போன்ற பிரபலமான நிகழ்ச்சிகளின் ஸ்பான்சராக இருந்து, முதலீட்டாளர் விழிப்புணர்வை ஊக்குவிக்க பாரம்பரிய மற்றும் புதிய ஊடகங்களில்
இதன் விளம்பரங்களை வெளியிட்டு வருகிறது.
இந்த பிராந்திய முதலீட்டாளர் விழிப்புணர்வு கருத்தரங்கில்
நிதி இலக்குகளை அடைய திட்டமிடல் செயல்முறை மற்றும் பங்குகள், பத்திரங்கள்,
பரஸ்பர நிதிகள், ரியல் எஸ்டேட் முதலீட்டு
அறக்கட்டளைகள் மற்றும் உள்கட்டமைப்பு முதலீட்டு அறக்கட்டளை போன்ற பல்வேறு
துறைகளில் முதலீடு செய்தல்,
மோசடிகள், ஆள்மாறாட்டம் மற்றும்
தவறான தகவல்களிலிருந்து தன்னைப் பாதுகாத்துக் கொள்வது உள்ளிட்ட பல்வேறு விஷயங்கள்
குறித்து இதில் பங்கேற்றவர்களுக்கு தெரிவிக்கப்பட்டது. மேலும் இதில் கேள்வி –
பதில் அமர்வு மற்றும் வினாடி வினா நிகழ்ச்சி உள்ளிட்டவையும் இடம் பெற்றிருந்தது.
About National Stock Exchange of India Limited (NSE):
National Stock Exchange of India (NSE) was the first exchange in India to implement electronic or screen-based trading. It began operations in 1994 and is ranked as the largest stock exchange in India in terms of total and average daily turnover for equity shares every year since 1995, based on SEBI data. NSE has a fully integrated business model comprising exchange listings, trading services, clearing and settlement services, indices, market data feeds, technology solutions and financial education offerings. NSE also oversees compliance by trading, clearing members and listed companies with the rules and regulations of SEBI and the exchange.
NSE is a pioneer in technology and
ensures the reliability and performance of its systems through a culture of
innovation and investment in technology. NSE is the world’s largest derivatives
exchange by trading volume (contracts) as per the statistics maintained by
Futures Industry Association (FIA) for calendar year 2024. NSE is ranked 2nd in
the world in equity segment by number of trades (electronic order book) in
2024, as per the statistics maintained by World Federation of Exchanges (WFE).
