கோட்டக் லைஃப்
நிர்வாகத்தின் கீழ் உள்ள சொத்து மதிப்பு ரூ.1 லட்சம் கோடியை தாண்டி சாதனை
சென்னை, 28 நவ. 2025 - கோட்டக் மஹிந்திரா ஆயுள் காப்பீட்டு
நிறுவனம் ரூ.1 லட்சம் கோடி சொத்துக்களை நிர்வகித்து, ஒரு மைல்கல் சாதனை
படைத்துள்ளது. இந்த சாதனை, நிறுவனத்தின் நிலையான வளர்ச்சிப் பாதை,
வாடிக்கையாளர்கள் மற்றும் கூட்டாண்மை நிறுவனங்கள் தங்கள் மீது வைத்துள்ள
நம்பிக்கையை காட்டுகிறது என்று இந்நிறுவனம் தெரிவித்துள்ளது.
இந்த சாதனை குறித்து கருத்து தெரிவித்த
கோடக் லைப் நிர்வாக இயக்குனர் மகேஷ் பாலசுப்பிரமணியன் கூறுகையில், எங்கள் 25 - வது ஆண்டில் நிர்வாகத்தின் கீழ்
உள்ள சொத்து மதிப்பு 1 லட்சம் கோடியைத்
தாண்டி இருப்பது பெருமைக்குரிய தருணம் ஆகும். இது எங்கள் வாடிக்கையாளர்கள் மற்றும்
கூட்டு நிறுவனங்கள் எங்கள் மீது வைத்திருக்கும் நம்பிக்கையை காட்டுகிறது. எங்களின்
புதுமையான இன்ஷூரன்ஸ் திட்டங்கள், டிஜிட்டல் வழியிலான தீர்வுகள் மற்றும்
வாடிக்கையாளர் தேவைகளுக்கு ஏற்ற திட்டங்களில் கவனம் ஆகியவற்றின் காரணமாக எங்கள்
நிறுவனத்தின் மீது மக்களுக்கு மிகுந்த நம்பிக்கை உள்ளது.
இந்தச் சாதனை இந்தியாவில் ஆயுள்
காப்பீட்டின் எதிர்காலத்தை தொடர்ந்து வடிவமைப்பதற்கான உத்வேகத்தை எங்களுக்கு
அளிக்கிறது என்று தெரிவித்தார்.
பாதுகாப்பு, சேமிப்பு, யூனிட்-லிங்க்டு
திட்டமான அதாவது காப்பீடு மற்றும் முதலீடு மற்றும் வருடாந்திர தீர்வு திட்டங்கள்
உள்ளிட்ட பல்வேறு திட்டங்கள் மூலம் இந்த வளர்ச்சியை இந்நிறுவனம் எட்டியுள்ளது.
பாதுகாப்பு, ஸ்திரத்தன்மை மற்றும் நீண்டகால செல்வ உருவாக்கம் என்னும் முதலீட்டு
தத்துவத்தை அடிப்படையாகக் கொண்டு செயல்படும் இந்நிறுவனம், அதேசமயம் சொத்து
ஒதுக்கீடு மற்றும் நிதி பாதிப்பு இல்லாத் திட்டங்களில் முதலீடு செய்வதிலும் கவனம்
செலுத்துகிறது.
கடந்த 2010-ம் ஆண்டு மார்ச் மாதம் முதல் இதன்
நிர்வாகத்தின் கீழ் உள்ள சொத்து மதிப்பு 19 சதவீத கூட்டு வருடாந்திர வளர்ச்சி
விகிதத்தில் அதிகரித்து வருகிறது. இது நிலையான நிதி செயல்திறனையும்,
பாலிசிதாரர்கள் நிறுவனத்தில் தொடர்ந்து வைத்திருக்கும் நம்பிக்கையையும்
காட்டுகிறது.
மேலும் 86.26 சதவீத பாதுகாப்பு விகிதத்துடன்
இதன் காப்பீடு திட்டங்களில் சேரும் பாலிசிதாரர்களுக்கு சிறப்பான சேவையாற்றி
வருகிறது. அத்துடன் 5 கோடிக்கும் மேற்பட்ட
உயிர்களைப் பாதுகாத்து உள்ளதோடு தனிநபர் உரிமைகோரல் தீர்வு விகிதம் 98.6 சதவீதம் மற்றும் குழு உரிமைகோரல்
விகிதம் 99.63 சதவீதமாகவும்
உள்ளது. பாலிசிதாரர்களின் நிதித் தேவையை அறிந்து அதைப் பூர்த்தி செய்வதிலும்
இந்நிறுவனம் சிறப்பாக செயல்பட்டு வருகிறது என்பது குறிப்பிடத்தக்கது.
@@
